|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 20 : PALI ROMAN Sutta Pitaka Vol 12 : Sutta. Aṅ. (1): eka-duka-tikanipātā
Suttantapitake anguttaranikayassa pathamo bhago ----- ekanipato namo tassa bhagavato arahato sammasambuddhassa ekadhammadipali [1] Evamme sutam . Ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum. Bhagava etadavoca. [2] Naham bhikkhave annam ekarupampi samanupassami yam evam purisassa cittam pariyadaya titthati yathayidam bhikkhave itthirupam itthirupam bhikkhave purisassa cittam pariyadaya titthatiti. [3] Naham bhikkhave annam ekasaddampi samanupassami yam evam purisassa cittam pariyadaya titthati yathayidam bhikkhave itthisaddo itthisaddo bhikkhave purisassa cittam pariyadaya titthatiti. [4] Naham bhikkhave annam ekagandhampi samanupassami yam evam purisassa cittam pariyadaya titthati yathayidam bhikkhave itthigandho itthigandho bhikkhave purisassa cittam pariyadaya titthatiti.--------------------------------------------------------------------------------------------- page2.
[5] Naham bhikkhave annam ekarasampi samanupassami yam evam purisassa cittam pariyadaya titthati yathayidam bhikkhave itthiraso itthiraso bhikkhave purisassa cittam pariyadaya titthatiti. [6] Naham bhikkhave annam ekaphotthabbampi samanupassami yam evam purisassa cittam pariyadaya titthati yathayidam bhikkhave itthiphotthabbo itthiphotthabbo bhikkhave purisassa cittam pariyadaya titthatiti. [7] Naham bhikkhave annam ekarupampi samanupassami yam evam itthiya cittam pariyadaya titthati yathayidam bhikkhave purisarupam purisarupam bhikkhave itthiya cittam pariyadaya titthatiti. [8] Naham bhikkhave annam ekasaddampi samanupassami yam evam itthiya cittam pariyadaya titthati yathayidam bhikkhave purisasaddo purisasaddo bhikkhave itthiya cittam pariyadaya titthatiti. [9] Naham bhikkhave annam ekagandhampi samanupassami yam evam itthiya cittam pariyadaya titthati yathayidam bhikkhave purisagandho purisagandho bhikkhave itthiya cittam pariyadaya titthatiti. [10] Naham bhikkhave annam ekarasampi samanupassami yam evam itthiya cittam pariyadaya titthati yathayidam bhikkhave purisaraso purisaraso bhikkhave itthiya cittam pariyadaya titthatiti. [11] Naham bhikkhave annam ekaphotthabbampi samanupassami yam--------------------------------------------------------------------------------------------- page3.
Evam itthiya cittam pariyadaya titthati yathayidam bhikkhave purisaphotthabbo 1- purisaphotthabbo 2- bhikkhave itthiya cittam pariyadaya titthatiti. Vaggo 3- pathamo.The Pali Tipitaka in Roman Character Volume 20 page 1-3. https://84000.org/tipitaka/read/roman_read.php?B=20&A=1&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=1&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=1&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=1 Study Atthakatha :- https://84000.org/tipitaka/attha/attha.php?b=20&i=1 The Pali Atthakatha in Thai :- https://84000.org/tipitaka/atthapali/read_th.php?B=14&A=1 The Pali Atthakatha in Roman :- https://84000.org/tipitaka/atthapali/read_rm.php?B=14&A=1 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]