ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 20 : PALI ROMAN Sutta Pitaka Vol 12 : Sutta. Aṅ. (1): eka-duka-tikanipātā

     [257]  11  Dvemani bhikkhave balani katamani dve patisankhanabalanca
bhavanabalanca     .     katamanca     bhikkhave     patisankhanabalam    idha
bhikkhave   ekacco   iti   patisancikkhati   kayaduccaritassa   kho  papako
vipako   ditthe   ceva   dhamme  abhisamparayanca  vaciduccaritassa  papako
vipako   ditthe   ceva  dhamme  abhisamparayanca  manoduccaritassa  papako
vipako   ditthe   ceva  dhamme  abhisamparayancati  so  iti  patisankhaya
kayaduccaritam  *-  pahaya  kayasucaritam  bhaveti  vaciduccaritam pahaya vacisucaritam
bhaveti   manoduccaritam   pahaya   manosucaritam   bhaveti   suddham   attanam
pariharati   idam   vuccati   bhikkhave   patisankhanabalam   .  katamanca  bhikkhave
bhavanabalam  tatra  bhikkhave  yadidam  2-  bhavanabalam  sekhametam 3- balam sekham
hi  so  bhikkhave  balam  agamma  ragam  pajahati  dosam  pajahati  moham pajahati
ragam  pahaya  dosam  pahaya  moham  pahaya  yam  akusalam  na  tam  karoti  yam
@Footnote: 1 Ma. sonasimgala .  2 Ma. yamidam. 3 Ma. Yu. sekhanametam.
@* mikar—kr khagoe kaduccaritam peDna kayaduccaritam

--------------------------------------------------------------------------------------------- page67.

Papam na tam sevati idam vuccati bhikkhave bhavanabalam . imani kho bhikkhave dve balaniti. [258] 12 Dvemani bhikkhave balani katamani dve patisankhanabalanca bhavanabalanca . katamanca bhikkhave patisankhanabalam idha bhikkhave ekacco iti patisancikkhati kayaduccaritassa kho papako vipako ditthe ceva dhamme abhisamparayanca vaciduccaritassa papako vipako ditthe ceva dhamme abhisamparayanca manoduccaritassa papako vipako ditthe ceva dhamme abhisamparayancati so iti patisankhaya kayaduccaritam pahaya kayasucaritam bhaveti vaciduccaritam pahaya vacisucaritam bhaveti manoduccaritam pahaya manosucaritam bhaveti suddham attanam pariharati idam vuccati bhikkhave patisankhanabalam . katamanca bhikkhave bhavanabalam idha bhikkhave bhikkhu satisambojjhangam bhaveti vivekanissitam viraganissitam nirodhanissitam vossaggaparinamim dhammavicayasambojjhangam bhaveti ... viriyasambojjhangam bhaveti ... Pitisambojjhangam bhaveti ... Passaddhisambojjhangam bhaveti ... samadhisambojjhangam bhaveti ... Upekkhasambojjhangam bhaveti vivekanissitam viraganissitam nirodhanissitam vossaggaparinamim idam vuccati bhikkhave bhavanabalam . imani kho bhikkhave dve balaniti. [259] 13 Dvemani bhikkhave balani katamani dve patisankhanabalanca bhavanabalanca . katamanca bhikkhave patisankhanabalam idha

--------------------------------------------------------------------------------------------- page68.

Bhikkhave ekacco iti patisancikkhati kayaduccaritassa kho papako vipako ditthe ceva dhamme abhisamparayanca vaciduccaritassa [1]- papako vipako ditthe ceva dhamme abhisamparayanca manoduccaritassa [2]- papako vipako ditthe ceva dhamme abhisamparayancati so iti patisankhaya kayaduccaritam pahaya kayasucaritam bhaveti vaciduccaritam pahaya vacisucaritam bhaveti manoduccaritam pahaya manosucaritam bhaveti suddham attanam pariharati idam vuccati bhikkhave patisankhanabalam. {259.1} Katamanca bhikkhave bhavanabalam idha bhikkhave bhikkhu vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati pitiya ca viraga upekkhako ca viharati sato ca sampajano sukhanca kayena patisamvedeti yantam ariya acikkhanti upekkhako satima sukhavihariti tatiyam jhanam upasampajja viharati sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catuttham jhanam upasampajja viharati idam vuccati bhikkhave bhavanabalam. Imani kho bhikkhave dve balaniti. [260] 14 Dvema bhikkhave tathagatassa dhammadesana katama dve sankhittena ca vittharena ca ima kho bhikkhave dve tathagatassa dhammadesanati. @Footnote: 1-2 Ma. kho.

--------------------------------------------------------------------------------------------- page69.

[261] 15 Yasmim bhikkhave adhikarane apanno ca bhikkhu codako ca bhikkhu na sadhukam attanava attanam paccavekkhanti tasmetam bhikkhave adhikarane patikankham dighattaya kharattaya valattaya samvattissati bhikkhu ca na phasum viharissanti . 1- yasminca kho bhikkhave adhikarane apanno ca bhikkhu codako ca bhikkhu sadhukam attanava attanam paccavekkhanti tasmetam bhikkhave adhikarane patikankham na dighattaya na kharattaya na valattaya samvattissati bhikkhu ca phasum viharissanti. 2- {261.1} Kathanca bhikkhave apanno bhikkhu sadhukam attanava attanam paccavekkhati idha bhikkhave apanno bhikkhu iti patisancikkhati aham kho akusalam apanno kancideva 3- desam kayena tasma 4- mam so bhikkhu addasa akusalam apajjamanam kancideva desam kayena no ce aham akusalam apajjeyyam kancideva desam kayena na mam so bhikkhu passeyya akusalam apanno kancideva desam kayena yasma ca kho aham akusalam apanno kancideva desam kayena tasma mam so bhikkhu addasa akusalam apajjamanam kancideva desam kayena disva ca pana mam so bhikkhu akusalam apajjamanam kancideva desam kayena anattamano ahosi anattamano samano anattamanavacanam mam so bhikkhu avaca anattamanavacanaham tena bhikkhuna vutto samano anattamano ahosim anattamno samano paresam arocesim iti mameva tattha accayo @Footnote: 1-2 Ma. Yu. viharissantiti . 3 Ma. kincideva. 4 Ma. tasmati patho natthi.

--------------------------------------------------------------------------------------------- page70.

Accagama sunkadayikamva bhandasminti evam kho bhikkhave apanno bhikkhu sadhukam attanava attanam paccavekkhati. {261.2} Kathanca bhikkhave codako bhikkhu sadhukam attanava attanam paccavekkhati idha bhikkhave codako bhikkhu iti patisancikkhati ayam kho bhikkhu akusalam apanno kancideva desam kayena tasma 1- aham imam bhikkhum addasam akusalam apajjamanam kancideva desam kayena no ce ayam bhikkhu akusalam apajjeyya kancideva desam kayena naham imam bhikkhum passeyyam akusalam apajjamanam kancideva desam kayena yasma ca kho ayam bhikkhu akusalam apanno kancideva desam kayena tasma aham imam bhikkhum addasam akusalam apajjamanam kancideva desam kayena disva ca panaham imam bhikkhum akusalam apajjamanam kancideva desam kayena anattamano ahosim anattamano samano anattamanavacanaham imam bhikkhum avacam anattamanavacanayam bhikkhu maya vutto samano anattamano ahosi anattamano samano paresam arocesi iti mameva tattha accayo accagama sunkadayikamva bhandasminti evam kho bhikkhave codako bhikkhu sadhukam attanava attanam paccavekkhati. {261.3} Yasmim bhikkhave adhikarane apanno ca bhikkhu codako ca bhikkhu na sadhukam attanava attanam paccavekkhanti 2- tasmetam bhikkhave adhikarane patikankham dighattaya kharattaya valattaya samvattissati bhikkhu ca na phasum viharissanti . 3- yasmim ca kho bhikkhave adhikarane @Footnote: 1 Ma. Yu. tasmati patho natthi . 2 Ma. sabbattha paccavekkhati. @3 Ma. viharissantiti.

--------------------------------------------------------------------------------------------- page71.

Apanno ca bhikkhu codako ca bhikkhu sadhukam attanava attanam paccavekkhanti tasmetam bhikkhave adhikarane patikankham na dighattaya kharattaya valattaya samvattissati bhikkhu ca phasum viharissantiti. [262] 16 Athakho annataro brahmano yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi ekamantam nisinno kho so brahmano bhagavantam etadavoca ko nu kho bho gotama hetu ko paccayo yenamidhekacce satta kayassa bheda parammarana apayam duggatim vinipatam nirayam upapajjantiti . adhammacariyavisamacariyahetu kho brahmana evamidhekacce satta kayassa bheda parammarana apayam duggatim vinipatam nirayam upapajjantiti. {262.1} Ko pana bho gotama hetu ko paccayo yenamidhekacce satta kayassa bheda parammarana sugatim saggam lokam upapajjantiti . Dhammacariyasamacariyahetu kho brahmana evamidhekacce satta kayassa bheda parammarana sugatim saggam lokam upapajjantiti . abhikkantam bho gotama abhikkantam bho gotama seyyathapi bho gotama nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti evamevam bhota gotamena anekapariyayena dhammo pakasito esaham bhavantam gotamam saranam gacchami dhammanca

--------------------------------------------------------------------------------------------- page72.

Bhikkhusanghanca upasakam mam bhavam gotamo dharetu ajjatagge panupetam saranam gatanti. [263] 17 Athakho janussoni 1- brahmano yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi ekamantam nisinno kho janussoni brahmano bhagavantam etadavoca ko nu kho bho gotama hetu ko paccayo yenamidhekacce satta kayassa bheda parammarana apayam duggatim vinipatam nirayam upapajjantiti . katatta ca brahmana akatatta ca evamidhekacce satta kayassa bheda parammarana apayam duggatim vinipatam nirayam upapajjantiti. {263.1} Ko pana bho gotama hetu ko paccayo yenamidhekacce satta kayassa bheda parammarana sugatim saggam lokam upapajjantiti. Katatta ca brahmana akatatta ca evamidhekacce satta kayassa bheda parammarana sugatim saggam lokam upapajjantiti . na kho aham imassa bhoto gotamassa sankhittena bhasitassa vittharena attham [2]- ajanami sadhu me bhavam gotamo tathadhammam desetu yatha aham imassa bhoto gotamassa sankhittena bhasitassa vittharena attham [3]- ajaneyyanti . tenahi brahmana sunahi sadhukam manasikarohi bhasissamiti . evam bhoti kho janussoni brahmano bhagavato paccassosi . bhagava etadavoca idha brahmana ekaccassa kayaduccaritam katam hoti akatam hoti kayasucaritam vaciduccaritam @Footnote: 1 Ma. Yu. janussoni. sabbattha idisameva. 2-3 Ma. avibhattassa vittharena attham.

--------------------------------------------------------------------------------------------- page73.

Katam hoti akatam hoti vacisucaritam manoduccaritam katam hoti akatam hoti manosucaritam evam kho brahmana katatta ca akatatta ca evamidhekacce satta kayassa bheda parammarana apayam duggatim vinipatam nirayam upapajjanti idha pana brahmana ekaccassa kayasucaritam katam hoti akatam hoti kayaduccaritam vacisucaritam katam hoti akatam hoti vaciduccaritam manosucaritam katam hoti akatam hoti manoduccaritam evam kho brahmana katatta ca akatatta ca evamidhekacce satta kayassa bheda parammarana sugatim saggam lokam upapajjantiti . abhikkantam bho gotama .pe. upasakam mam bhavam gotamo dharetu ajjatagge panupetam saranam gatanti. [264] 18 Athakho ayasma anando yena bhagava tenupasankami upasankamitva bhagavantam abhivadetva ekamantam nisidi ekamantam nisinnam kho ayasmantam anandam bhagava etadavoca ekamsenaham ananda akaraniyam vadami kayaduccaritam vaciduccaritam manoduccaritanti . yamidam bhante bhagavata ekamsena akaraniyam akkhatam kayaduccaritam vaciduccaritam manoduccaritam tasmim akaraniye kayiramane ko adinavo patikankhoti . Yamidam ananda maya ekamsena akaraniyam akkhatam kayaduccaritam vaciduccaritam manoduccaritam tasmim akaraniye kayiramane ayam adinavo patikankho attapi attanam upavadati anuvicca vinnu garahanti papako kittisaddo abbhuggacchati sammulho kalam karoti kayassa

--------------------------------------------------------------------------------------------- page74.

Bheda parammarana apayam duggatim vinipatam nirayam upapajjati yamidam ananda maya ekamsena akaraniyam akkhatam kayaduccaritam vaciduccaritam manoduccaritam tasmim akaraniye kayiramane ayam adinavo patikankho . Ekamsenaham ananda karaniyam vadami kayasucaritam vacisucaritam manosucaritanti. Yamidam bhante bhagavata ekamsena karaniyam akkhatam kayasucaritam vacisucaritam manosucaritam tasmim karaniye kayiramane ko anisamso patikankhoti. {264.1} Yamidam ananda maya ekamsena karaniyam akkhatam kayasucaritam vacisucaritam manosucaritam tasmim karaniye kayiramane ayam anisamso patikankho attapi attanam na upavadati anuvicca vinnu pasamsanti kalyano kittisaddo abbhuggacchati asammulho kalam karoti kayassa bheda parammarana sugatim saggam lokam upapajjati yamidam ananda maya ekamsena karaniyam ekkhatam kayasucaritam vacisucaritam manosucaritam tasmim karaniye kayiramane ayam anisamso patikankhoti. [265] 19 Akusalam bhikkhave pajahatha sakka bhikkhave akusalam pajahitum no ce 1- tam bhikkhave sakka abhavissa akusalam pajahitum naham evam vadeyyam akusalam bhikkhave pajahathati yasma ca kho bhikkhave sakka akusalam pajahitum tasmaham evam vadami akusalam bhikkhave pajahathati . akusalancahidam bhikkhave pahinam ahitaya dukkhaya samvatteyya naham evam vadeyyam akusalam bhikkhave pajahathati yasma ca kho bhikkhave akusalam pahinam hitaya sukhaya samvattati tasmaham evam vadami @Footnote: 1 Ma. no cedam. sabbattha idisameva.

--------------------------------------------------------------------------------------------- page75.

Akusalam bhikkhave pajahathati . kusalam bhikkhave bhavetha sakka bhikkhave kusalam bhavetum no cetam bhikkhave sakka abhavissa kusalam bhavetum naham evam vadeyyam kusalam bhikkhave bhavethati yasma ca kho bhikkhave sakka kusalam bhavetum tasmaham evam vadami kusalam bhikkhave bhavethati. Kusalancahidam bhikkhave bhavitam ahitaya dukkhaya samvatteyya naham evam vadeyyam kusalam bhikkhave bhavethati yasma ca kho bhikkhave kusalam bhavitam hitaya sukhaya samvattati tasmaham evam vadami kusalam bhikkhave bhavethati. [266] 20 Dveme bhikkhave dhamma saddhammassa sammosaya antaradhanaya samvattanti katame dve dunnikkhittanca padabyanjanam attho ca dunnito dunnikkhittassa bhikkhave padabyanjanassa atthopi dunnayo hoti ime kho bhikkhave dve dhamma saddhammassa sammosaya antaradhanaya samvattanti . dveme bhikkhave dhamma saddhammassa thitiya asammosaya anantaradhanaya samvattanti katame dve sunikkhittanca padabyanjanam attho ca sunito sunikkhittassa bhikkhave padabyanjanassa atthopi sunayo hoti ime kho bhikkhave dve dhamma saddhammassa thitiya asammosaya anantaradhanaya samvattantiti. Adhikaranavaggo dutiyo.


             The Pali Tipitaka in Roman Character Volume 20 page 66-75. https://84000.org/tipitaka/read/roman_read.php?B=20&A=1350&modeTY=2&pagebreak=1              Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=1350&modeTY=2&pagebreak=1              Compare with The Royal Version of Thai Tipitaka :- https://84000.org/tipitaka/read/byitem.php?book=20&item=257&items=10              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=30              Study Atthakatha :- https://84000.org/tipitaka/attha/attha.php?b=20&i=257              The Pali Atthakatha in Thai :- https://84000.org/tipitaka/atthapali/read_th.php?B=15&A=209              The Pali Atthakatha in Roman :- https://84000.org/tipitaka/atthapali/read_rm.php?B=15&A=209              Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20

First LinkPrevious Linkไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]