PaliRoman Vol.20

[72] Naham bhikkhave annam ekadhammampi samanupassami yena anuppanna va kusala dhamma uppajjanti uppanna va akusala dhamma parihayanti yathayidam bhikkhave kalyanamittata kalyanamittassa bhikkhave anuppanna ceva kusala dhamma uppajjanti uppanna ca akusala dhamma parihayantiti. [73] Naham bhikkhave annam ekadhammampi samanupassami yena anuppanna va akusala dhamma uppajjanti uppanna va kusala dhamma parihayanti yathayidam bhikkhave anuyogo akusalanam dhammanam ananuyogo kusalanam dhammanam anuyoga bhikkhave akusalanam dhammanam ananuyoga kusalanam dhammanam anuppanna ceva akusala dhamma uppajjanti uppanna ca kusala dhamma parihayantiti. [74] Naham bhikkhave annam ekadhammampi samanupassami yena anuppanna va kusala dhamma uppajjanti uppanna va akusala @Footnote: ¹ Ma. Yu. viriyarambhadivaggo .... Dhamma parihayanti yathayidam bhikkhave anuyogo kusalanam dhammanam ananuyogo akusalanam dhammanam anuyoga bhikkhave kusalanam dhammanam ananuyoga akusalanam dhammanam anuppanna ceva kusala dhamma uppajjanti uppanna ca akusala dhamma parihayantiti. [75] Naham bhikkhave annam ekadhammampi samanupassami yena anuppanna va bojjhanga nuppajjanti uppanna va bojjhanga na bhavanaparipurim gacchanti yathayidam bhikkhave ayoniso manasikaro ayoniso bhikkhave manasikaroto anuppanna ceva bojjhanga nuppajjanti uppanna ca bojjhanga na bhavanaparipurim gacchantiti. [76] Naham bhikkhave annam ekadhammampi samanupassami yena anuppanna va bojjhanga uppajjanti uppanna va bojjhanga bhavanaparipurim gacchanti yathayidam bhikkhave yoniso manasikaro yoniso bhikkhave manasikaroto anuppanna ceva bojjhanga uppajjanti uppanna ca bojjhanga bhavanaparipurim gacchantiti. [77] Appamattika esa bhikkhave parihani yadidam nati parihani etam patikittham bhikkhave parihaninam yadidam pannaparihaniti. [78] Appamattika esa bhikkhave vuddhi yadidam nativuddhi etadaggam bhikkhave vuddhinam yadidam pannavuddhi tasma tiha bhikkhave evam sikkhitabbam pannavuddhiya vaddhissamati evam hi vo Bhikkhave sikkhitabbanti. [79] Appamattika esa bhikkhave parihani yadidam bhogaparihani etam patikittham bhikkhave parihaninam yadidam pannaparihaniti. [80] Appamattika esa bhikkhave vuddhi yadidam bhogavuddhi etadaggam bhikkhave vuddhinam yadidam pannavuddhi tasma tiha bhikkhave evam sikkhitabbam pannavuddhiya vaddhissamati evam hi vo bhikkhave sikkhitabbanti. [81] Appamattika esa bhikkhave parihani yadidam yasoparihani etam patikittham bhikkhave parihaninam yadidam pannaparihaniti. Vaggo ^1- atthamo.

The Pali Tipitaka in Roman Character Volume 20 page 16-18. https://84000.org/tipitaka/read/roman_read.php?B=20&A=314&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=314&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=72&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=8 Study Atthakatha :- https://84000.org/tipitaka/attha/attha.php?b=20&i=72 The Pali Atthakatha in Thai :- https://84000.org/tipitaka/atthapali/read_th.php?B=14&A=1708 The Pali Atthakatha in Roman :- https://84000.org/tipitaka/atthapali/read_rm.php?B=14&A=1708 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20