PaliRoman Vol.20

[467] 28 Tayome bhikkhave puggala santo samvijjamana lokasmim katame tayo guthabhani pupphabhani madhubhani . katamo ca bhikkhave puggalo guthabhani idha bhikkhave ekacco puggalo sabhagato ^1- va parisagato ^2- va natimajjhagato va pugamajjhagato va rajakulamajjhagato va abhinito sakkhi puttho ehambho purisa yam janasi tam vadehiti so ajanam va aha janamiti janam va aha na janamiti apassam va aha passamiti passam va aha na passamiti iti attahetu va parahetu va amisakincikkhahetu va sampajanamusabhasita hoti ayam vuccati bhikkhave puggalo guthabhani. {467.1} Katamo ca bhikkhave puggalo pupphabhani idha bhikkhave ekacco puggalo sabhagato va parisagato va natimajjhagato va pugamajjhagato va rajakulamajjhagato va abhinito sakkhi puttho ehambho purisa yam janasi tam vadehiti so ajanam va aha na janamiti janam va aha janamiti apassam va aha na passamiti passam va aha passamiti iti attahetu va parahetu va amisakincikkhahetu va na sampajanamusabhasita hoti ayam vuccati bhikkhave @Footnote: ¹ Po. Ma. Yu. sabhaggato . ² Po. Ma. Yu. parisaggato. Puggalo pupphabhani. {467.2} Katamo ca bhikkhave puggalo madhubhani idha bhikkhave ekacco puggalo pharusam vacam pahaya pharusaya vacaya pativirato hoti ya sa vaca nela kannasukha pemaniya hadayangama pori bahujanakanta bahujanamanapa tatharupim vacam bhasita hoti ayam vuccati bhikkhave puggalo madhubhani. Ime kho bhikkhave tayo puggala santo samvijjamana lokasminti.

The Pali Tipitaka in Roman Character Volume 20 page 161-162. https://84000.org/tipitaka/read/roman_read.php?B=20&A=3326&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=3326&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=467&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=72 Study Atthakatha :- https://84000.org/tipitaka/attha/attha.php?b=20&i=467 The Pali Atthakatha in Thai :- https://84000.org/tipitaka/atthapali/read_th.php?B=15&A=2386 The Pali Atthakatha in Roman :- https://84000.org/tipitaka/atthapali/read_rm.php?B=15&A=2386 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20