PaliRoman Vol.20

[527] 88 Sadhikamidam bhikkhave diyaddhasikkhapadasatam anvaddhamasam uddesam agacchati yattha atthakama kulaputta sikkhanti . tisso ima bhikkhave sikkha yatthetam sabbam samodhanam gacchati katama tisso adhisilasikkha adhicittasikkha adhipannasikkha ima kho bhikkhave tisso sikkha yatthetam sabbam samodhanam gacchati. {527.1} Idha bhikkhave bhikkhu silesu paripurakari hoti samadhismim mattasokari pannaya mattasokari so yani tani khuddanukhuddakani sikkhapadani tani apajjatipi vutthatipi tam kissa hetu na hi mettha bhikkhave abhabbata vutta yani ca kho tani sikkhapadani adibrahmacariyakani brahmacariyasaruppani tattha dhuvasilo ca hoti thitasilo ca samadaya @Footnote: ¹ Po. Yu. avajjhani .... ito param idisameva. Sikkhati sikkhapadesu so tinnam sannojananam parikkhaya sattakkhattuparamo hoti sattakkhattuparamam deve ca manusse ca sandhavitva samsaritva dukkhassantam karoti so tinnam sannojananam parikkhaya kolamkolo hoti dve va tini va kulani sandhavitva samsaritva dukkhassantam karoti so tinnam sannojananam parikkhaya ekabiji hoti ekamyeva manusakam bhavam nibbattetva dukkhassantam karoti so tinnam sannojananam parikkhaya ragadosamohanam tanutta sakadagami hoti sakideva imam lokam agantva dukkhassantam karoti. {527.2} Idha pana bhikkhave bhikkhu silesu paripurakari hoti samadhismim paripurakari pannaya mattasokari so yani tani khuddanukhuddakani sikkhapadani tani apajjatipi vutthatipi tam kissa hetu na hi mettha bhikkhave abhabbata vutta yani ca kho tani sikkhapadani adibrahmacariyakani brahmacariyasaruppani tattha dhuvasilo ca hoti thitasilo ca samadaya sikkhati sikkhapadesu so pancannam orambhagiyanam sannojananam parikkhaya uddhamsoto hoti akanitthagami so pancannam orambhagiyanam sannojananam parikkhaya sasankharaparinibbayi hoti so pancannam orambhagiyanam sannojananam parikkhaya asankharaparinibbayi hoti so pancannam orambhagiyanam sannojananam parikkhaya upahaccaparinibbayi hoti so pancannam orambhagiyanam sannojananam parikkhaya antaraparinibbayi hoti. {527.3} Idha pana bhikkhave bhikkhu silesu paripurakari hoti samadhismim Paripurakari pannaya paripurakari so yani tani khuddanukhuddakani sikkhapadani tani apajjatipi vutthatipi tam kissa hetu na hi mettha bhikkhave abhabbata vutta yani ca kho tani sikkhapadani adibrahmacariyakani brahmacariyasaruppani tattha dhuvasilo ca hoti thitasilo ca samadaya sikkhati sikkhapadesu so asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharati iti kho bhikkhave padesam padesakari aradheti paripuram paripurakari avanjhanitvevaham bhikkhave sikkhapadani vadamiti.

The Pali Tipitaka in Roman Character Volume 20 page 299-301. https://84000.org/tipitaka/read/roman_read.php?B=20&A=6313&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=6313&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=527&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=132 Study Atthakatha :- https://84000.org/tipitaka/attha/attha.php?b=20&i=527 The Pali Atthakatha in Thai :- https://84000.org/tipitaka/atthapali/read_th.php?B=15&A=5632 The Pali Atthakatha in Roman :- https://84000.org/tipitaka/atthapali/read_rm.php?B=15&A=5632 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20