PaliRoman Vol.21

[36] Ekam samayam bhagava antara ca ukkattham antara ca setabyam addhanamaggapatipanno hoti . donopi ^[5]- brahmano antara ca ukkattham antara ca setabyam addhanamaggapatipanno hoti addasa kho dono brahmano bhagavato padesu cakkani sahassarani sanemikani sanabhikani sabbakaraparipurani disvanassa etadahosi acchariyam vata bho abbhutam vata bho navatimani manussabhutassa padani bhavissantiti . athakho bhagava magga okkamma annatarasmim rukkhamule @Footnote: ¹ Ma. Yu. nayam dhammam . ² Ma. Yu. yam ve . ³ Ma. pasidanti bahu jana. @⁴ Po. Ma. Yu. mahapannoti . ⁵ Po. Ma. Yu. etthantare sudanati atthi. Nisidi pallankam abhujitva ujum kayam panidhaya parimukham satim upatthapetva. Athakho dono brahmano bhagavato padani anugacchanto addasa bhagavantam annatarasmim rukkhamule nisinnam pasadikam pasadaniyam santindriyam santamanasam uttamadamathasamathamanuppattam dantam guttam santindriyam ^1- nagam disva yena bhagava tenupasankami upasankamitva bhagavantam etadavoca devo no bhavam bhavissatiti. {36.1} Na kho aham brahmana devo bhavissamiti . Gandhabbo no bhavam bhavissatiti . na kho aham brahmana gandhabbo bhavissamiti. Yakkho no bhavam bhavissatiti . na kho aham brahmana yakkho bhavissamiti. Manusso no bhavam bhavissatiti . Na kho aham brahmana manusso bhavissamiti. Devo no bhavam bhavissatiti iti puttho samano na kho aham brahmana devo bhavissamiti vadesi gandhabbo no bhavam bhavissatiti iti puttho samano na kho aham brahmana gandhabbo bhavissamiti vadesi yakkho no bhavam bhavissatiti iti puttho samano na kho aham brahmana yakkho bhavissamiti vadesi manusso no bhavam bhavissatiti iti puttho samano na kho aham brahmana manusso bhavissamiti vadesi atha kocarahi bhavam bhavissatiti. {36.2} Yesam kho aham brahmana asavanam appahinatta devo bhaveyyam te me asava pahina ucchinnamula talavatthukata anabhavam gata ayatimanuppadadhamma yesam kho aham brahmana @Footnote: ¹ Ma. samyatindriyam. Asavanam appahinatta gandhabbo bhaveyyam ... Yakkho bhaveyyam ... Manusso bhaveyyam te me asava pahina ucchinnamula talavatthukata anabhavam gata ayatimanuppadadhamma seyyathapi brahmana uppalam va padumam va pundarikam va udake jatam udake samvaddham udakam ^1- accuggamma titthati anupalittam udakena evameva kho aham brahmana loke jato loke samvaddho lokam abhibhuyya viharami anupalitto lokena buddhoti mam brahmana dharehiti. Yena devupapatyassa gandhabbo va vihangamo yakkhattam yena gaccheyyam manussattanca abbhaje te mayham asava khina viddhasta vinalikata. Pundarikam yatha uggam ^2- toyena nupalippati nupalippami lokena tasma buddhosmi brahmanati.

The Pali Tipitaka in Roman Character Volume 21 page 48-50. https://84000.org/tipitaka/read/roman_read.php?B=21&A=1005&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=1005&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=36&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=36 Study Atthakatha :- https://84000.org/tipitaka/attha/attha.php?b=21&i=36 The Pali Atthakatha in Thai :- https://84000.org/tipitaka/atthapali/read_th.php?B=15&A=7777 The Pali Atthakatha in Roman :- https://84000.org/tipitaka/atthapali/read_rm.php?B=15&A=7777 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21