PaliRoman Vol.21

[67] Ekam samayam bhagava savatthiyam viharati jetavane anathapindikassa arame . tena kho pana samayena savatthiyam annataro bhikkhu ahina dattho kalakato hoti . athakho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu ekamantam nisinna kho te bhikkhu bhagavantam etadavocum idha bhante savatthiyam annataro bhikkhu ahina dattho kalakatoti. {67.1} Naha ^1- nuna so bhikkhave bhikkhu cattari ahirajakulani mettena cittena phari sace hi so bhikkhave bhikkhu cattari ahirajakulani mettena cittena phareyya na hi so bhikkhave bhikkhu ahina dattho kalam kareyya katamani cattari ^[2]- virupakkham ahirajakulam erapatham ahirajakulam chabyaputtam ahirajakulam kanhagotamakam ahirajakulam naha nuna so bhikkhave bhikkhu imani cattari ahirajakulani mettena cittena phari sace hi so bhikkhave bhikkhu imani cattari ahirajakulani mettena cittena phareyya na hi so bhikkhave bhikkhu ahina dattho kalam kareyya anujanami bhikkhave imani cattari ahirajakulani mettena cittena pharitum attaguttiya attarakkhaya attaparittayati. Virupakkhehi me mettam mettam erapathehi me chabyaputtehi me mettam mettam kanhagotamakehi ca apadakehi me mettam mettam dipadakehi me catuppadehi me mettam mettam bahuppadehi me. @Footnote: ¹ Ma. nahi nuna. ² Po. Yu. ahirajakulani. Ma mam apadako himsi ma mam himsi dipadako ma mam catuppado himsi ma mam himsi bahuppado. Sabbe satta sabbe pana sabbe bhuta ca kevala sabbe bhadrani passantu ma kinci ^1- papamagama. Appamano buddho appamano dhammo appamano sangho pamanavantani sirimsapani ^2- ahi vicchika satapadi unnanabhi sarabu musika kata me rakkha kata me paritta patikkamantu bhutani soham namo bhagavato namo sattannam sammasambuddhananti.

The Pali Tipitaka in Roman Character Volume 21 page 94-95. https://84000.org/tipitaka/read/roman_read.php?B=21&A=1968&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=1968&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=67&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=67 Study Atthakatha :- https://84000.org/tipitaka/attha/attha.php?b=21&i=67 The Pali Atthakatha in Thai :- https://84000.org/tipitaka/atthapali/read_th.php?B=15&A=8234 The Pali Atthakatha in Roman :- https://84000.org/tipitaka/atthapali/read_rm.php?B=15&A=8234 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21