PaliRoman Vol.21

[8] Cattarimani bhikkhave tathagatassa vesarajjani yehi vesarajjehi samannagato tathagato asabhanthanam patijanati parisasu sihanadam nadati brahmacakkam pavatteti katamani cattari sammasambuddhassa te patijanato ime dhamma anabhisambuddhati tatra vata mam samano va brahmano va devo va maro va brahma va koci va lokasmim sahadhammena paticodessatiti nimittametam bhikkhave na Samanupassami etampaham bhikkhave nimittam asamanupassanto khemappatto abhayappatto vesarajjappatto viharami. {8.1} Khinasavassa te patijanato ime asava aparikkhinati tatra vata mam samano va brahmano va devo va maro va brahma va koci va lokasmim sahadhammena paticodessatiti nimittametam bhikkhave na samanupassami etampaham bhikkhave nimittam asamanupassanto khemappatto abhayappatto vesarajjappatto viharami. {8.2} Ye kho pana te antarayika dhamma vutta te patisevato nalam antarayayati tatra vata mam samano va brahmano va devo va maro va brahma va koci va lokasmim sahadhammena paticodessatiti nimittametam bhikkhave na samanupassami etampaham bhikkhave nimittam asamanupassanto khemappatto abhayappatto vesarajjappatto viharami. {8.3} Yassa kho pana te atthaya dhammo desito so na niyyati takkarassa sammadukkhakkhayayati tatra vata mam samano va brahmano va devo va maro va brahma va koci va lokasmim sahadhammena paticodessatiti nimittametam bhikkhave na samanupassami etampaham bhikkhave nimittam asamanupassanto khemappatto abhayappatto vesarajjappatto viharami . imani kho bhikkhave cattari tathagatassa vesarajjani yehi vesarajjehi samannagato tathagato asabhanthanam patijanati parisasu sihanadam nadati brahmacakkam pavattetiti. Yekecime vadapatha puthussita Yannissita samanabrahmana ca tathagatam patva na te bhavanti visaradam vadapathativattam ^1- yo dhammacakkam abhibhuyya kevalam ^2- pavattayi sabbabhutanukampi tam tadisam devamanussasettham satta namassanti bhavassa paragunti.

The Pali Tipitaka in Roman Character Volume 21 page 10-12. https://84000.org/tipitaka/read/roman_read.php?B=21&A=202&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=202&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=8&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=8 Study Atthakatha :- https://84000.org/tipitaka/attha/attha.php?b=21&i=8 The Pali Atthakatha in Thai :- https://84000.org/tipitaka/atthapali/read_th.php?B=15&A=6550 The Pali Atthakatha in Roman :- https://84000.org/tipitaka/atthapali/read_rm.php?B=15&A=6550 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21