|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 21 : PALI ROMAN Sutta Pitaka Vol 13 : Sutta. Aṅ. (2): catukkanipāto
[90] Cattarome bhikkhave puggala santo samvijjamana lokasmim katame cattaro samanamacalo samanapundariko samanapadumo samanesu samanasukhumalo. {90.1} Kathanca bhikkhave puggalo samanamacalo hoti idha bhikkhave bhikkhu sekho hoti appattamanaso anuttaram yogakkhemam patthayamano viharati evam kho bhikkhave puggalo samanamacalo hoti. {90.2} Kathanca bhikkhave puggalo samanapundariko hoti idha bhikkhave bhikkhu pancasu upadanakkhandhesu udayabbayanupassi viharati iti rupam iti rupassa samudayo iti rupassa atthangamo iti vedana ... Iti sanna ... iti sankhara ... iti vinnanam iti vinnanassa samudayo iti vinnanassa atthangamoti no ca kho attha vimokkhe kayena phusitva viharati evam kho bhikkhave puggalo samanapundariko hoti. {90.3} Kathanca bhikkhave puggalo samanapadumo hoti idha bhikkhave bhikkhu pancasu upadanakkhandhesu udayabbayanupassi viharati iti rupam iti rupassa samudayo iti rupassa atthangamo iti vedana ... Iti sanna ... iti sankhara ... iti vinnanam iti vinnanassa samudayo iti vinnanassa atthangamoti attha ca vimokkhe kayena phusitva Viharati evam kho bhikkhave puggalo samanapadumo hoti. {90.4} Kathanca bhikkhave puggalo samanesu samanasukhumalo hoti idha bhikkhave bhikkhu yacitova bahulam civaram paribhunjati appam ayacito .pe. yanhi tam bhikkhave samma vadamano vadeyya samanesu samanasukhumaloti mameva tam bhikkhave samma vadamano vadeyya samanesu samanasukhumaloti . ahanhi bhikkhave yacitova bahulam civaram paribhunjami appam ayacito .pe. ime kho bhikkhave cattaro puggala santo samvijjamana lokasminti. Macalavaggo catuttho. Tassuddanam panatipato ca musa vannakodhatamonata putto sannojananceva ditthi khandhena te dasati. ------------The Pali Tipitaka in Roman Character Volume 21 page 118-119. https://84000.org/tipitaka/read/roman_read.php?B=21&A=2494&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=2494&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=90&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=90 Study Atthakatha :- https://84000.org/tipitaka/attha/attha.php?b=21&i=90 The Pali Atthakatha in Thai :- https://84000.org/tipitaka/atthapali/read_th.php?B=15&A=8454 The Pali Atthakatha in Roman :- https://84000.org/tipitaka/atthapali/read_rm.php?B=15&A=8454 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]