PaliRoman Vol.21

[12] Sampannasila bhikkhave viharatha sampannapatimokkha patimokkhasamvarasamvuta viharatha acaragocarasampanna anumattesu vajjesu bhayadassavino samadaya sikkhatha sikkhapadesu . sampannasilanam bhikkhave viharatam sampannapatimokkhanam patimokkhasamvarasamvutanam viharatam acaragocara- sampannanam anumattesu vajjesu bhayadassavinam samadaya sikkhatam sikkhapadesu kimassa uttarikaraniyam carato cepi bhikkhave bhikkhuno Abhijja ... byapado vigato hoti thinamiddham ... Uddhaccakukkuccam ... Vicikiccha pahina hoti araddham hoti viriyam asallinam upatthita sati appamuttha passaddho kayo asaraddho samahitam cittam ekaggam carampi bhikkhave bhikkhu evambhuto atapi ottappi satatam samitam araddhaviriyo pahitattoti vuccati. {12.1} Thitassa cepi bhikkhave bhikkhuno ... Nisinnassa cepi bhikkhave bhikkhuno ... sayanassa cepi bhikkhave bhikkhuno jagarassa abhijjha ... Byapado vigato hoti thinamiddham ... uddhaccakukkuccam ... vicikiccha pahina hoti araddham hoti viriyam asallinam upatthita sati appamuttha passaddho kayo asaraddho samahitam cittam ekaggam sayanopi bhikkhave bhikkhu jagaro evambhuto atapi ottappi satatam samitam araddhaviriyo pahitattoti vuccatiti. Yatancare yatam titthe yatam acche yatam saye yatam samminjaye bhikkhu yatametam pasaraye uddham tiriyam apacinam yavata jagato gati samavekkhita ca dhammanam khandhanam udayabbayam cetosamathasamicim sikkhamanam sadasatim ^1- satatam pahitattoti ahu bhikkhum tathavidhanti.

The Pali Tipitaka in Roman Character Volume 21 page 18-19. https://84000.org/tipitaka/read/roman_read.php?B=21&A=378&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=378&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=12&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=12 Study Atthakatha :- https://84000.org/tipitaka/attha/attha.php?b=21&i=12 The Pali Atthakatha in Thai :- https://84000.org/tipitaka/atthapali/read_th.php?B=15&A=6713 The Pali Atthakatha in Roman :- https://84000.org/tipitaka/atthapali/read_rm.php?B=15&A=6713 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21