ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 21 : PALI ROMAN Sutta Pitaka Vol 13 : Sutta. Aṅ. (2): catukkanipāto

                    Abhinnavaggo chattho
     [254]   Cattarome   bhikkhave   dhamma  katame  cattaro  atthi
bhikkhave    dhamma    abhinna    parinneyya   atthi   bhikkhave   dhamma
abhinna   pahatabba   atthi   bhikkhave   dhamma   abhinna   bhavetabba
atthi   bhikkhave   dhamma  abhinna  sacchikatabba  .  katame  ca  bhikkhave
dhamma    abhinna    parinneyya   pancupadanakkhandha   ime   vuccanti
@Footnote: 1 Ma.                  tassuddanam
@        bhedaapattisikkha ca           seyya thuparahena ca
@        pannavuddhi bahukara      vohara caturo thitati.
Bhikkhave   dhamma   abhinna  parinneyya  .  katame  ca  bhikkhave  dhamma
abhinna   pahatabba  avijja  ca  bhavatanha  ca  ime  vuccanti  bhikkhave
dhamma   abhinna   pahatabba   .  katame  ca  bhikkhave  dhamma  abhinna
bhavetabba   samatho   ca  vipassana  ca  ime  vuccanti  bhikkhave  dhamma
abhinna    bhavetabba   .   katame   ca   bhikkhave   dhamma   abhinna
sacchikatabba   vijja   ca   vimutti  ca  ime  vuccanti  bhikkhave  dhamma
abhinna sacchikatabba. Ime kho bhikkhave cattaro dhammati.
     [255]  Catasso  ima  bhikkhave  anariyapariyesana  katama  catasso
idha   bhikkhave   ekacco   attana   jaradhammo  samano  jaradhammamyeva
pariyesati   attana   byadhidhammo   samano   byadhidhammamyeva   pariyesati
attana    maranadhammo    samano    maranadhammamyeva   pariyesati   attana
sankilesikadhammo  samano  sankilesikadhammamyeva  pariyesati  ima kho bhikkhave
catasso   anariyapariyesana   .   catasso  ima  bhikkhave  ariyapariyesana
katama   catasso   idha  bhikkhave  ekacco  attana  jaradhammo  samano
jaradhamme  adinavam  viditva  ajaram  anuttaram  yogakkhemam nibbanam pariyesati
attana   byadhidhammo   samano  byadhidhamme  adinavam  viditva  abyadhim
anuttaram   yogakkhemam   nibbanam   pariyesati  attana  maranadhammo  samano
maranadhamme   adinavam   viditva   amatam   anuttaram   yogakkhemam   nibbanam
pariyesati   attana   sankilesikadhammo  samano  sankilesikadhamme  adinavam
viditva  asankilittham  anuttaram  yogakkhemam  nibbanam  pariyesati . Ima kho
Bhikkhave catasso ariyapariyesanati.
     [256]   Cattarimani   bhikkhave   sangahavatthuni   katamani  cattari
danam  peyyavajjam  atthacariya  samanattata  imani  kho  bhikkhave  cattari
sangahavatthuniti.
     [257]   Athakho   ayasma   malunkyaputto   1-  yena  bhagava
tenupasankami   upasankamitva   bhagavantam   abhivadetva   ekamantam   nisidi
ekamantam   nisinno   kho  ayasma  malunkyaputto  bhagavantam  etadavoca
sadhu   me   bhante   bhagava  sankhittena  dhammam  desetu  yamaham  bhagavato
dhammam    sutva    eko   vupakattho   appamatto   atapi   pahitatto
vihareyyanti   .   etthadani  malunkyaputta  kim  dahare  [2]-  vakkhama
yatra   hi   nama  tvam  jinno  vuddho  mahallako  tathagatassa  sankhittena
ovadam  yacasiti  .  desetu  me  bhante bhagava sankhittena dhammam desetu
sugato   sankhittena   dhammam   appevanamaham   bhagavato   bhasitassa  attham
janeyyam 3- appevanamaham bhagavato bhasitassa dayado assanti.
     {257.1}  Cattarome  malunkyaputta  tanhuppada  yattha  bhikkhuno
tanha   uppajjamana   uppajjati   katame   cattaro   civarahetu   va
malunkyaputta   bhikkhuno   tanha   uppajjamana  uppajjati  pindapatahetu
va  malunkyaputta  bhikkhuno  tanha  uppajjamana  uppajjati senasanahetu
va  malunkyaputta  bhikkhuno  tanha  uppajjamana uppajjati itibhavabhavahetu
va    malunkyaputta    bhikkhuno    tanha    uppajjamana    uppajjati
@Footnote: 1 Ma. Yu. malukyaputto. ito param idisameva. 2 Ma. Yu. bhikkhu.
@3 Ma. Yu. ajaneyyam.
Ime    kho   malunkyaputta   cattaro   tanhuppada   yattha   bhikkhuno
tanha   uppajjamana   uppajjati   yato   kho   malunkyaputta  bhikkhuno
tanha    pahina    hoti    ucchinnamula   talavatthukata   anabhavamkata
ayatimanuppadadhamma   ayam   vuccati   malunkyaputta  bhikkhu  acchejji  1-
tanham      vivattayi     sannojanam     sammamanabhisamaya     antamakasi
dukkhassati.
     {257.2}   Athakho   ayasma   malunkyaputto   bhagavata  imina
ovadena   ovadito   utthayasana   bhagavantam   abhivadetva  padakkhinam
katva   pakkami  .  athakho  ayasma  malunkyaputto  eko  vupakattho
appamatto    atapi    pahitatto   viharanto   nacirasseva   yassatthaya
kulaputta    sammadeva    agarasma    anagariyam   pabbajanti   tadanuttaram
brahmacariyapariyosanam    dittheva    dhamme    sayam   abhinna   sacchikatva
upasampajja   vihasi   khina  jati  vusitam  brahmacariyam  katam  karaniyam  naparam
itthattayati   abbhannasi   annataro   ca   panayasma   malunkyaputto
arahatam ahositi.
     [258]   Yanikanici   bhikkhave   kulani  bhogesu  mahattam  pattani
na   ciratthitikani   bhavanti   sabbani  tani  catuhi  thanehi  etesam  va
annatarena    katamehi    catuhi    nattham    na    gavesanti   jinnam   na
patisankharonti   aparimitapanabhojana   [2]-   honti   dussilam  itthim  va
purisam   va   adhipacce   thapenti  yanikanici  bhikkhave  kulani  bhogesu
mahattam   pattani   na  ciratthitikani  bhavanti  sabbani  tani  imehi  catuhi
@Footnote: 1 Ma. Yu. acchecchi. 2 Yu. ca.
Thanehi etesam va annatarena.
     {258.1}   Yanikanici  bhikkhave  kulani  bhogesu  mahattam  pattani
ciratthitikani   bhavanti   sabbani   tani   catuhi   thanehi   etesam  va
annatarena    katamehi   catuhi   nattham   gavesanti   jinnam   patisankharonti
parimitapanabhojana  [1]-  honti  silavantam  itthim  va purisam va adhipacce
thapenti    yanikanici    bhikkhave   kulani   bhogesu   mahattam   pattani
ciratthitikani   bhavanti   sabbani   tani   imehi  catuhi  thanehi  etesam
va annatarenati.
     [259] Catuhi bhikkhave angehi samannagato ranno bhadro assajaniyo
rajaraho  hoti  rajabhoggo  ranno  angantveva  sankham  gacchati katamehi
catuhi    idha   bhikkhave   ranno   bhadro   assajaniyo   vannasampanno
ca   hoti   balasampanno  ca  javasampanno  ca  arohaparinahasampanno  ca
imehi  kho  bhikkhave  catuhi angehi samannagato ranno bhadro assajaniyo
rajaraho hoti rajabhoggo ranno angantveva sankham gacchati.
     {259.1}  Evameva  kho  bhikkhave  catuhi dhammehi samannagato bhikkhu
ahuneyyo   hoti   .pe.   anuttaram   punnakkhettam   lokassa  katamehi
catuhi   idha   bhikkhave   bhikkhu   vannasampanno  ca  hoti  balasampanno  ca
javasampanno   ca   arohaparinahasampanno  ca  .  kathanca  bhikkhave  bhikkhu
vannasampanno  hoti  idha  bhikkhave  bhikkhu  silava  hoti  .pe.  samadaya
@Footnote: 1 Yu. ca.
Sikkhati sikkhapadesu evam kho bhikkhave bhikkhu vannasampanno hoti.
     {259.2}  Kathanca  bhikkhave  bhikkhu  balasampanno  hoti  idha bhikkhave
bhikkhu   araddhaviriyo   viharati   akusalanam   dhammanam   pahanaya  kusalanam
dhammanam     upasampadaya     thamava     dalhaparakkamo    anikkhittadhuro
kusalesu dhammesu evam kho bhikkhave bhikkhu balasampanno hoti.
     {259.3}  Kathanca  bhikkhave  bhikkhu  javasampanno  hoti  idha bhikkhave
bhikkhu   idam   dukkhanti   yathabhutam  pajanati  .pe.  ayam  dukkhanirodhagamini
patipadati yathabhutam pajanati evam kho bhikkhave bhikkhu javasampanno hoti.
     {259.4}  Kathanca  bhikkhave  bhikkhu  arohaparinahasampanno hoti idha
bhikkhave  bhikkhu labhi hoti civarapindapatasenasanagilanapaccayabhesajjaparikkharanam
evam  kho  bhikkhave bhikkhu arohaparinahasampanno hoti. Imehi kho bhikkhave
catuhi   dhammehi   samannagato  bhikkhu  ahuneyyo  hoti  .pe.  anuttaram
punnakkhettam lokassati.
     [260]   Catuhi   bhikkhave   angehi   samannagato  ranno  bhadro
assajaniyo   rajaraho  hoti  rajabhoggo  ranno  angantveva  sankham
gacchati   katamehi   catuhi   idha   bhikkhave   ranno  bhadro  assajaniyo
vannasampanno    ca    hoti    balasampanno    ca    javasampanno    ca
arohaparinahasampanno  ca  imehi  kho  bhikkhave catuhi angehi samannagato
ranno   bhadro   assajaniyo   rajaraho   hoti  rajabhoggo  ranno
angantveva   sankham   gacchati  .  evameva  kho  bhikkhave  catuhi  dhammehi
Samannagato   bhikkhu   ahuneyyo   hoti   .pe.  anuttaram  punnakkhettam
lokassa    katamehi    catuhi    idha    bhikkhave    bhikkhu   vannasampanno
ca hoti balasampanno ca javasampanno ca arohaparinahasampanno ca.
     {260.1}   Kathanca   bhikkhave   bhikkhu   vannasampanno   hoti  idha
bhikkhave   bhikkhu   silava   hoti   .pe.  samadaya  sikkhati  sikkhapadesu
evam kho bhikkhave bhikkhu vannasampanno hoti.
     {260.2}  Kathanca  bhikkhave  bhikkhu  balasampanno  hoti  idha bhikkhave
bhikkhu   araddhaviriyo   viharati   akusalanam   dhammanam   pahanaya  kusalanam
dhammanam   upasampadaya   thamava   dalhaparakkamo   anikkhittadhuro  kusalesu
dhammesu evam kho bhikkhave bhikkhu balasampanno hoti.
     {260.3}  Kathanca  bhikkhave  bhikkhu  javasampanno  hoti  idha bhikkhave
bhikkhu   asavanam   khaya   anasavam   cetovimuttim   pannavimuttim  dittheva
dhamme  sayam  abhinna  sacchikatva  upasampajja  viharati  evam  kho  bhikkhave
bhikkhu javasampanno hoti.
     {260.4}    Kathanca    bhikkhave    bhikkhu   arohaparinahasampanno
hoti    idha    bhikkhave   bhikkhu   labhi   hoti   civarapindapatasenasana-
gilanapaccayabhesajjaparikkharanam     evam     kho     bhikkhave     bhikkhu
arohaparinahasampanno    hoti    .    imehi   kho   bhikkhave   catuhi
dhammehi    samannagato   bhikkhu   ahuneyyo   hoti   .pe.   anuttaram
punnakkhettam lokassati.
     [261]   Cattarimani  bhikkhave  balani  katamani  cattari  viriyabalam
satibalam    samadhibalam    pannabalam    imani    kho    bhikkhave   cattari
Balaniti.
     [262]  Catuhi  bhikkhave  dhammehi  samannagato  bhikkhu  nalam aranna-
vanapatthani    pantani    senasanani    patisevitum    katamehi    catuhi
kamavitakkena    byapadavitakkena    vihimsavitakkena    duppanno   hoti
jalo  elamugo  imehi  kho  bhikkhave  catuhi  dhammehi  samannagato  bhikkhu
nalam  arannavanapatthani  pantani  senasanani  patisevitum  .  catuhi bhikkhave
dhammehi   samannagato  bhikkhu  alam  arannavanapatthani  pantani  senasanani
patisevitum    katamehi    catuhi    nekkhammavitakkena    abyapadavitakkena
avihimsavitakkena    pannava   hoti   ajalo   anelamugo   imehi   kho
bhikkhave   catuhi   dhammehi   samannagato   bhikkhu   alam   arannavanapatthani
pantani senasanani patisevitunti.
     [263]   Catuhi   bhikkhave  dhammehi  samannagato  balo  abyatto
asappuriso  khatam  upahatam  attanam  pariharati  savajjo  ca  hoti sanuvajjo
vinnunam   bahunca   apunnam  pasavati  katamehi  catuhi  savajjena  kayakammena
savajjena   vacikammena   savajjena   manokammena   savajjaya  ditthiya
imehi   kho   bhikkhave   catuhi   dhammehi  samannagato  balo  abyatto
asappuriso    khatam   upahatam   attanam   pariharati   savajjo   ca   hoti
sanuvajjo vinnunam bahunca apunnam pasavati.
     {263.1}  Catuhi  bhikkhave  dhammehi  samannagato  pandito  byatto
sappuriso  akkhatam  anupahatam  attanam  pariharati  anavajjo ca hoti ananuvajjo
vinnunam   bahunca   punnam   pasavati  katamehi  catuhi  anavajjena  kayakammena
Anavajjena   vacikammena   anavajjena   manokammena   anavajjaya  ditthiya
imehi   kho   bhikkhave   catuhi   dhammehi  samannagato  pandito  byatto
sappuriso   akkhatam   anupahatam   attanam   pariharati   anavajjo   ca  hoti
ananuvajjo vinnunam bahunca punnam pasavatiti.
                   Abhinnavaggo chattho.
                         [1]-
                    --------------



             The Pali Tipitaka in Roman Character Volume 21 page 333-341. https://84000.org/tipitaka/read/roman_read.php?B=21&A=7064&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=7064&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=21&item=254&items=10              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=142              Study Atthakatha :- https://84000.org/tipitaka/attha/attha.php?b=21&i=254              The Pali Atthakatha in Thai :- https://84000.org/tipitaka/atthapali/read_th.php?B=15&A=10233              The Pali Atthakatha in Roman :- https://84000.org/tipitaka/atthapali/read_rm.php?B=15&A=10233              Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]