|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā
[26] Pancimani bhikkhave vimuttayatanani yattha bhikkhuno appamattassa atapino pahitattassa viharato avimuttam va cittam vimuccati aparikkhina va asava parikkhayam gacchanti ananuppattam va anuttaram yogakkhemam anupapunati katamani panca idha bhikkhave bhikkhuno sattha dhammam deseti annataro va garutthaniyo sabrahmacari yatha yatha bhikkhave tassa bhikkhuno sattha dhammam deseti--------------------------------------------------------------------------------------------- page23.
Annataro va garutthaniyo sabrahmacari tatha tatha so tasmim dhamme atthapatisamvedi ca hoti dhammapatisamvedi ca tassa atthapatisamvedino dhammapatisamvedino pamujjam 1- jayati pamuditassa piti jayati pitimanassa kayo passambhati passaddhakayo sukham vedeti sukhino cittam samadhiyati idam bhikkhave pathamam vimuttayatanam yattha bhikkhuno appamattassa atapino pahitattassa viharato avimuttam va cittam vimuccati aparikkhina va asava parikkhayam gacchanti ananuppattam va anuttaram yogakkhemam anupapunati. {26.2} Puna caparam bhikkhave bhikkhuno naheva kho sattha dhammam deseti annataro va garutthaniyo sabrahmacari apica kho yathasutam yathapariyattam dhammam vittharena paresam deseti yatha yatha bhikkhave bhikkhu yathasutam yathapariyattam dhammam vittharena paresam deseti tatha tatha so tasmim dhamme atthapatisamvedi ca hoti dhammapatisamvedi ca tassa atthapatisamvedino dhammapatisamvedino pamujjam jayati pamuditassa piti jayati pitimanassa kayo passambhati passaddhakayo sukham vedeti sukhino cittam samadhiyati idam bhikkhave dutiyam vimuttayatanam yattha bhikkhuno appamattassa .pe. Yogakkhemam anupapunati. {26.3} Puna caparam bhikkhave bhikkhuno naheva kho sattha dhammam deseti annataro va garutthaniyo sabrahmacari napi 2- yathasutam yathapariyattam dhammam vittharena paresam deseti apica kho yathasutam yathapariyattam dhammam vittharena sajjhayam karoti yatha yatha @Footnote: 1 Ma. sabbavaresu pamojjam . 2 Ma. napi. sabbavaseupi idisameva.--------------------------------------------------------------------------------------------- page24.
Bhikkhave bhikkhu yathasutam yathapariyattam dhammam vittharena sajjhayam karoti tatha tatha so tasmim dhamme atthapatisamvedi ca hoti dhammapatisamvedi ca tassa atthapatisamvedino dhammapatisamvedino pamujjam jayati pamuditassa piti jayati pitimanassa kayo passambhati passaddhakayo sukham vedeti sukhino cittam samadhiyati idam bhikkhave tatiyam vimuttayatanam yattha bhikkhuno appamattassa atapino .pe. Yogakkhemam anupapunati. {26.4} Puna caparam bhikkhave bhikkhuno naheva kho sattha dhammam deseti annataro va garutthaniyo sabrahmacari napi yathasutam yathapariyattam dhammam vittharena paresam deseti napi yathasutam yathapariyattam dhammam vittharena sajjhayam karoti apica kho yathasutam yathapariyattam dhammam cetasa anuvitakketi anuvicareti 1- manasanupekkhati yatha yatha bhikkhave bhikkhu yathasutam yathapariyattam dhammam cetasa anuvitakketi anuvicareti manasanupekkhati tatha tatha so tasmim dhamme atthapatisamvedi ca hoti dhammapatisamvedi ca tassa atthapatisamvedino dhammapatisamvedino pamujjam jayati pamuditassa piti jayati pitimanassa kayo passambhati passaddhakayo sukham vedeti sukhino cittam samadhiyati idam bhikkhave catuttham vimuttayatanam yattha bhikkhuno appamattassa .pe. Yogakkhemam anupapunati. {26.5} Puna caparam bhikkhave bhikkhuno naheva kho sattha dhammam deseti annataro va garutthaniyo sabrahmacari napi yathasutam yathapariyattam dhammam vittharena paresam @Footnote: 1 Po. Yu. anuvicarati. aparampi idisameva.--------------------------------------------------------------------------------------------- page25.
Deseti napi yathasutam yathapariyattam dhammam vittharena sajjhayam karoti napi yathasutam yathapariyattam dhammam cetasa anuvitakketi anuvicareti manasanupekkhati apica khvassa annataram samadhinimittam suggahitam hoti sumanasikatam supadharitam suppatividdham pannaya yatha yatha bhikkhave bhikkhuno annataram samadhinimittam suggahitam hoti sumanasikatam supadharitam suppatividdham pannaya tatha tatha so tasmim dhamme atthapatisamvedi ca hoti dhammapatisamvedi ca tassa atthapatisamvedino dhammapatisamvedino pamujjam jayati pamuditassa piti jayati pitimanassa kayo passambhati passaddhakayo sukham vedeti sukhino cittam samadhiyati idam bhikkhave pancamam vimuttayatanam yattha bhikkhuno appamattassa .pe. yogakkhemam anupapunati. {26.6} Imani kho bhikkhave panca vimuttayatanani yattha bhikkhuno appamattassa atapino pahitattassa viharato avimuttam va cittam vimuccati aparikkhina va asava parikkhayam gacchanti ananuppattam va anuttaram yogakkhemam anupapunatiti.The Pali Tipitaka in Roman Character Volume 22 page 22-25. https://84000.org/tipitaka/read/roman_read.php?B=22&A=446&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=446&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=26&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=26 Study Atthakatha :- https://84000.org/tipitaka/attha/attha.php?b=22&i=26 The Pali Atthakatha in Thai :- https://84000.org/tipitaka/atthapali/read_th.php?B=16&A=168 The Pali Atthakatha in Roman :- https://84000.org/tipitaka/atthapali/read_rm.php?B=16&A=168 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]