PaliRoman Vol.22

[324] 53 Athakho annataro brahmano yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi ekamantam nisinno kho so brahmano bhagavantam etadavoca atthi nukho bho gotama eko dhammo bhavito bahulikato yo ubho atthe samadhiggayha titthati ditthadhammikanceva attham yo ca attho samparayikoti atthi kho brahmana eko dhammo bhavito bahulikato yo ubho atthe samadhiggayha titthati ditthadhammikanceva attham yo ca attho samparayikoti {324.1} katamo pana bho gotama eko dhammo bhavito bahulikato yo ubho atthe samadhiggayha titthati ditthadhammikanceva attham yo ca attho samparayikoti appamado kho brahmana eko dhammo bhavito bahulikato yo ubho atthe samadhiggayha titthati ditthadhammikanceva attham yo ca attho samparayiko seyyathapi brahmana yani kanici jangalanam pananam padajatani sabbani tani hatthipade samodhanam gacchanti hatthipadam tesam aggamakkhayati yadidam mahantattena evameva kho brahmana appamado eko dhammo bhavito bahulikato yo ^1- @Footnote: ¹ Ma. Yu. ayam patho natthi. Ubho atthe samadhiggayha titthati ditthadhammikanceva attham yo ca attho samparayiko {324.2} seyyathapi brahmana kutagarassa ya kaci gopanasiyo sabba ta kutangama kutaninna kutasamosarana kutam tasam aggamakkhayati evameva kho brahmana .pe. seyyathapi brahmana pabbajalayako pabbajam layitva agge gahetva odhunati nidhunati nicchadeti ^1- evameva kho brahmana .pe. seyyathapi brahmana ambapindiya vantacchinnaya yani kanici ambani vantopanibandhanani ^2- sabbani tani tadanvayani bhavanti evameva kho brahmana .pe. seyyathapi brahmana ye keci khuddakarajano ^3- sabbe te ranno cakkavattissa anuyutta bhavanti raja tesam cakkavatti aggamakkhayati evameva kho brahmana .pe. seyyathapi brahmana ya kaci tarakarupanam pabha sabba ta candassa pabhaya kallam nagghanti solasim candappabha tasam aggamakkhayati evameva kho brahmana appamado eko dhammo bhavito bahulikato yo ^4- ubho atthe samadhiggayha titthati ditthadhammikanceva attham yo ca attho samparayiko {324.3} ayam kho brahmana eko dhammo bhavito bahulikato yo ^4- ubho atthe samadhiggayha titthati ditthadhammikanceva attham yo ca attho samparayikoti . abhikkantam bho gotama abhikkantam bho gotama .pe. Upasakam mam bhavam gotamo dharetu ajjatagge panupetam saranam gatanti. @Footnote: ¹ Si. nippoteti. Yu. nicchedeti . ² Yu. vantupa ... . ³ Ma. Yu. @khuddarajano. ⁴ Ma. Yu. ayam patho natthi.

The Pali Tipitaka in Roman Character Volume 22 page 407-408. https://84000.org/tipitaka/read/roman_read.php?B=22&A=8568&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=8568&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=324&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=304 Study Atthakatha :- https://84000.org/tipitaka/attha/attha.php?b=22&i=324 The Pali Atthakatha in Thai :- https://84000.org/tipitaka/atthapali/read_th.php?B=16&A=2974 The Pali Atthakatha in Roman :- https://84000.org/tipitaka/atthapali/read_rm.php?B=16&A=2974 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22