PaliRoman Vol.23

[65] Sattahi bhikkhave dhammehi samannagato bhikkhu ahuneyyo Hoti .pe. anuttaram punnakkhettam lokassa . katamehi sattahi idha bhikkhave bhikkhu dhammannu ca hoti atthannu ca attannu ca mattannu ca kalannu ca parisannu ca puggalaparoparannu ca. {65.1} Kathanca bhikkhave bhikkhu dhammannu hoti idha bhikkhave bhikkhu dhammam janati suttam geyyam veyyakaranam gatham udanam itivuttakam jatakam abbhutadhammam vedallam no ce bhikkhave bhikkhu dhammam janeyya suttam ... vedallam nayidha dhammannuti vucceyya yasma ca kho bhikkhave bhikkhu dhammam janati suttam ... vedallam tasma dhammannuti vuccati iti dhammannu. {65.2} Atthannu ca katham hoti idha bhikkhave bhikkhu tassa tasseva bhasitassa attham janati ayam imassa bhasitassa attho ayam imassa bhasitassa atthoti no ce bhikkhave bhikkhu tassa tasseva bhasitassa attham janeyya ayam imassa bhasitassa attho ayam imassa bhasitassa atthoti nayidha atthannuti vucceyya yasma ca kho bhikkhave bhikkhu tassa tasseva bhasitassa attham janati ayam imassa bhasitassa attho ayam imassa bhasitassa atthoti tasma atthannuti vuccati iti dhammannu atthannu. {65.3} Attannu ca katham hoti idha bhikkhave bhikkhu attanam janati ettakomhi saddhaya silena sutena cagena pannaya patibhanenati no ce bhikkhave bhikkhu attanam janeyya ettakomhi saddhaya silena sutena cagena pannaya patibhanenati nayidha attannuti vucceyya yasma ca Kho bhikkhave bhikkhu attanam janati ettakomhi saddhaya silena sutena cagena pannaya patibhanenati tasma attannuti vuccati iti dhammannu atthannu attannu. {65.4} Mattannu ca katham hoti idha bhikkhave bhikkhu mattam janati civarapindapatasenasanagilanapaccayabhesajjaparikkharanam patiggahanaya no ce bhikkhave bhikkhu mattam janeyya civarapindapatasenasanagilanapaccaya- bhesajjaparikkharanam patiggahanaya nayidha mattannuti vucceyya yasma ca kho bhikkhave bhikkhu mattam janati civarapindapatasenasanagilanapaccaya- bhesajjaparikkharanam patiggahanaya tasma mattannuti vuccati iti dhammannu atthannu attannu mattannu. {65.5} Kalannu ca katham hoti idha bhikkhave bhikkhu kalam janati ayam kalo uddesassa ayam kalo paripucchaya ayam kalo yogassa ayam kalo patisallanayati ^1- no ce bhikkhave bhikkhu kalam janeyya ayam kalo uddesassa ayam kalo paripucchaya ayam kalo yogassa ayam kalo patisallanayati nayidha kalannuti vucceyya yasma ca kho bhikkhave bhikkhu kalam janati ayam kalo uddesassa ayam kalo paripucchaya ayam kalo yogassa ayam kalo patisallanayati tasma kalannuti vuccati iti dhammannu atthannu attannu mattannu kalannu. {65.6} Parisannu ca katham hoti idha bhikkhave bhikkhu parisam janati ayam khattiyaparisa ayam brahmanaparisa ayam gahapatiparisa ayam samanaparisa tattha evam upasankamitabbam @Footnote: ¹ Ma. patisallanassati. evamuparipi. Evam thatabbam evam kattabbam evam nisiditabbam evam bhasitabbam evam tunhibhavitabbanti no ce bhikkhave bhikkhu parisam janeyya ayam khattiyaparisa ... evam tunhibhavitabbanti nayidha parisannuti vucceyya yasma ca kho bhikkhave bhikkhu parisam janati ayam khattiyaparisa ... Evam tunhibhavitabbanti tasma parisannuti vuccati iti dhammannu atthannu attannu mattannu kalannu parisannu. {65.7} Puggalaparoparannu ca katham hoti idha bhikkhave bhikkhuno dvayena puggala vidita honti dve puggala eko ariyanam dassanakamo eko ariyanam na dassanakamo yvayam puggalo ariyanam na dassanakamo evam so tena tena ^1- garayho yvayam puggalo ariyanam dassanakamo evam so tena tena ^2- pasamso {65.8} dve puggala ariyanam dassanakama eko saddhammam sotukamo eko saddhammam na sotukamo yvayam puggalo saddhammam na sotukamo evam so tena tena garayho yvayam puggalo saddhammam sotukamo evam so tena tena pasamso {65.9} dve puggala saddhammam sotukama eko ohitasoto dhammam sunati eko anohitasoto dhammam sunati yvayam puggalo anohitasoto dhammam sunati evam so tena tena garayho yvayam puggalo ohitasoto dhammam sunati evam so tena tena pasamso {65.10} dve puggala ohitasota dhammam sunanti eko sutva dhammam dhareti eko sutva dhammam na dhareti yvayam puggalo sutva @Footnote: ¹ Ma. tenangena garayho. evamuparipi . ² Ma. tenangena pasamso. evamuparipi. Dhammam na dhareti evam so tena tena garayho yvayam puggalo sutva dhammam dhareti evam so tena tena pasamso {65.11} dve puggala sutva dhammam dharenti eko dhatanam dhammanam attham upaparikkhati eko dhatanam dhammanam attham na upaparikkhati yvayam puggalo dhatanam dhammanam attham na upaparikkhati evam so tena tena garayho yvayam puggalo dhatanam dhammanam attham upaparikkhati evam so tena tena pasamso {65.12} dve puggala dhatanam dhammanam attham upaparikkhanti eko atthamannaya dhammamannaya dhammanudhammapatipanno eko na atthamannaya dhammamannaya dhammanudhammapatipanno yvayam puggalo na atthamannaya dhammamannaya dhammanudhammapatipanno evam so tena tena garayho yvayam puggalo atthamannaya dhammamannaya dhammanudhammapatipanno evam so tena tena pasamso {65.13} dve puggala atthamannaya dhammamannaya dhammanudhammapatipanna eko attahitaya patipanno no parahitaya eko attahitaya ca patipanno parahitaya ca yvayam puggalo attahitaya patipanno no parahitaya evam so tena tena garayho yvayam puggalo attahitaya ca patipanno parahitaya ca evam so tena tena pasamso evam kho bhikkhave bhikkhuno dvayena puggala vidita honti evam kho ^1- bhikkhave bhikkhu puggalaparoparannu hoti . imehi kho bhikkhave sattahi dhammehi @Footnote: ¹ Ma. khosaddo natthi. Samannagato bhikkhu ahuneyyo hoti .pe. anuttaram punnakkhettam lokassati.

The Pali Tipitaka in Roman Character Volume 23 page 113-118. https://84000.org/tipitaka/read/roman_read.php?B=23&A=2430&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=2430&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=65&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=65 Study Atthakatha :- https://84000.org/tipitaka/attha/attha.php?b=23&i=65 The Pali Atthakatha in Thai :- https://84000.org/tipitaka/atthapali/read_th.php?B=16&A=4537 The Pali Atthakatha in Roman :- https://84000.org/tipitaka/atthapali/read_rm.php?B=16&A=4537 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23