ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā

     [139]   49  Ekam  samayam  bhagava  savatthiyam  viharati  pubbarame
migaramatupasade   .   athakho   visakha   migaramata   yena  bhagava
tenupasankami   upasankamitva   .pe.   nisidi   .  ekamantam  nisinnam  kho
visakham  migaramataram bhagava etadavoca catuhi kho visakhe dhammehi samannagato
matugamo   idhalokavijayaya   patipanno   hoti   ayamsa  loko  araddho
hoti   .   katamehi   catuhi   idha  visakhe  matugamo  susamvihitakammanto
hoti sangahitaparijano bhattu manapam carati sambhatam anurakkhati.
     Kathanca   visakhe  matugamo  susamvihitakammanto  hoti  idha  visakhe
matugamo   ye   te   bhattu   abbhantara   kammanta   unnati   va
kappasati   va   tattha   dakkha   hoti  analasa  tatrupayaya  vimamsaya
samannagata   alam   katum  alam  samvidhatum  evam  kho  visakhe  matugamo
susamvihitakammanto hoti.
     {139.1}  Kathanca  visakhe  matugamo  sangahitaparijano  hoti  idha
visakhe  matugamo  ye  te  bhattu  abbhantara  antojana  dasati va
pessati   va  kammakarati  va  tesam  katanca  katato  janati  akatanca
akatato   janati   gilanakananca  balabalam  janati  khadaniyabhojaniyancassa
paccayena samvibhajati evam kho visakhe matugamo sangahitaparijano hoti.
     {139.2}  Kathanca  visakhe matugamo bhattu manapam carati idha visakhe
matugamo  yam  bhattu  amanapasankhatam  tam jivitahetupi na ajjhacarati evam kho
visakhe matugamo bhattu manapam carati.
     {139.3}  Kathanca  visakhe  matugamo sambhatam anurakkhati idha visakhe
matugamo  yam  bhatta  aharati  dhanam  va  dhannam  va  rajatam  va jatarupam
va  tam  arakkhena  guttiya  sampadeti  tattha  ca  hoti  adhutti  atheni
asondi  avinasika  evam  kho  visakhe  matugamo  sambhatam  anurakkhati.
Imehi  kho  visakhe  catuhi  dhammehi samannagato matugamo idhalokavijayaya
patipanno hoti ayamsa loko araddho hoti.
     {139.4}   Catuhi  kho  visakhe  dhammehi  samannagato  matugamo
paralokavijayaya  patipanno  hoti  parassa  loko  araddho hoti. Katamehi
catuhi  idha  visakhe  matugamo  saddhasampanno  hoti  silasampanno  hoti
cagasampanno hoti pannasampanno hoti.
     {139.5}  Kathanca  visakhe  matugamo  saddhasampanno  hoti  idha
visakhe  matugamo  saddho  hoti  saddahati  tathagatassa  bodhim  itipi  so
bhagava    araham   sammasambuddho   vijjacaranasampanno   sugato   lokavidu
anuttaro   purisadammasarathi   sattha  devamanussanam  buddho  bhagavati  evam
kho visakhe matugamo saddhasampanno hoti.
     {139.6}  Kathanca  visakhe matugamo silasampanno hoti idha visakhe
matugamo  panatipata  pativirato hoti .pe. Suramerayamajjapamadatthana
pativirato hoti evam kho visakhe matugamo silasampanno hoti.
     {139.7}  Kathanca visakhe matugamo cagasampanno hoti idha visakhe
matugamo   vigatamalamaccherena   cetasa   agaram   ajjhavasati  muttacagi
payatapani  vossaggarata  yacayoga  danasamvibhagarata  evam  kho  visakhe
matugamo cagasampanno hoti.
     {139.8}  Kathanca  visakhe  matugamo  pannasampanno  hoti  idha
visakhe    matutamo    pannava    hoti    udayatthagaminiya   pannaya
samannagato   ariyaya   nibbedhikaya   sammadukkhakkhayagaminiya  evam  kho
visakhe   matugamo   pannasampanno   hoti   .  imehi  kho  visakhe
Catuhi   dhammehi  samannagato  matugamo  paralokavijayaya  patipanno  hoti
parassa loko araddho hotiti.
         Susamvihitakammanto             sangahitaparijjano
         bhattu manapam carati              sambhatam anurakkhati
         saddhasilena sampanno     vadannu vitamaccharo
         niccam maggam visodheti          sotthanam samparayikam
         iccete attha dhamma ca       yassa vijjanti nariya
         tampi silavatim ahu              dhammattham saccavadinim
         solasakarasampanna       atthangasusamagata
         tadisi silavati upasika     upapajjati devalokam manapanti.



             The Pali Tipitaka in Roman Character Volume 23 page 275-278. https://84000.org/tipitaka/read/roman_read.php?B=23&A=5883&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=5883&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=23&item=139&items=1              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=122              Study Atthakatha :- https://84000.org/tipitaka/attha/attha.php?b=23&i=139              The Pali Atthakatha in Thai :- https://84000.org/tipitaka/atthapali/read_th.php?B=16&A=5846              The Pali Atthakatha in Roman :- https://84000.org/tipitaka/atthapali/read_rm.php?B=16&A=5846              Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]