PaliRoman Vol.23

[152] 62 Chahi bhikkhave dhammehi samannagato bhikkhu alam attano alam paresam . katamehi chahi idha bhikkhave bhikkhu khippanisanti ca hoti kusalesu dhammesu sutananca dhammanam dharakajatiko ^1- hoti dhatananca dhammanam atthupaparikkhi hoti atthamannaya dhammamannaya dhammanudhammapatipanno ca hoti kalyanavaco ca hoti kalyanavakkarano poriya vacaya samannagato vissatthaya anelagalaya atthassa vinnapaniya sandassako ca hoti samadapako samuttejako sampahamsako sabrahmacarinam . imehi kho bhikkhave chahi dhammehi samannagato bhikkhu alam attano alam paresam. [153] 63 Pancahi bhikkhave dhammehi samannagato bhikkhu alam attano alam paresam . katamehi pancahi idha bhikkhave bhikkhu na heva kho khippanisanti ca hoti kusalesu dhammesu sutananca dhammanam dharakajatiko hoti dhatananca dhammanam atthupaparikkhi hoti atthamannaya dhammamannaya dhammanudhammapatipanno ca hoti kalyanavaco ca hoti .pe. atthassa vinnapaniya sandassako ca hoti samadapako samuttejako sampahamsako sabrahmacarinam . imehi kho bhikkhave pancahi dhammehi samannagato bhikkhu alam attano alam paresam. @Footnote: ¹ Ma. dharanajatiko. evamuparipi. [154] 64 Catuhi bhikkhave dhammehi samannagato bhikkhu alam attano no ^1- paresam . katamehi catuhi idha bhikkhave bhikkhu khippanisanti ca hoti kusalesu dhammesu sutananca dhammanam dharakajatiko hoti dhatananca dhammanam atthupaparikkhi hoti atthamannaya dhammamannaya dhammanudhammapatipanno ca hoti no ca kalyanavaco hoti kalyanavakkarano poriya vacaya samannagato vissatthaya anelagalaya atthassa vinnapaniya no ca sandassako hoti samadapako samuttejako sampahamsako sabrahmacarinam . imehi kho bhikkhave catuhi dhammehi samannagato bhikkhu alam attano no ^1- paresam. [155] 65 Catuhi bhikkhave dhammehi samannagato bhikkhu alam paresam no attano . katamehi catuhi idha bhikkhave bhikkhu khippanisanti ca hoti kusalesu dhammesu sutananca dhammanam dharakajatiko hoti no ca dhatanam dhammanam atthupaparikkhi hoti no ca atthamannaya dhammamannaya dhammanudhammapatipanno hoti kalyanavaco ca hoti kalyanavakkarano .pe. atthassa vinnapaniya sandassako ca hoti .pe. Sabrahmacarinam. Imehi kho bhikkhave catuhi dhammehi samannagato bhikkhu alam paresam no attano. [156] 66 Tihi bhikkhave dhammehi samannagato bhikkhu alam attano no paresam . katamehi tihi idha bhikkhave bhikkhu na heva kho khippanisanti ca hoti kusalesu dhammesu sutananca dhammanam dharakajatiko hoti @Footnote: ¹ Ma. nalam. evamidisesu thanesupi. Dhatananca dhammanam atthupaparikkhi hoti atthamannaya dhammamannaya dhammanudhammapatipanno ca hoti no ca kalyanavaco hoti kalyanavakkarano poriya vacaya samannagato vissatthaya anelagalaya atthassa vinnapaniya no ca sandassako hoti samadapako samuttejako sampahamsako sabrahmacarinam . imehi kho bhikkhave tihi dhammehi samannagato bhikkhu alam attano no paresam. [157] 67 Tihi bhikkhave dhammehi samannagato bhikkhu alam paresam no attano . katamehi tihi idha bhikkhave bhikkhu na heva kho khippanisanti ca hoti kusalesu dhammesu sutananca dhammanam dharakajatiko hoti no ca dhatanam dhammanam atthupaparikkhi hoti no ca atthamannaya dhammamannaya dhammanudhammapatipanno hoti kalyanavaco ca hoti .pe. atthassa vinnapaniya sandassako ca hoti samadapako samuttejako sampahamsako sabrahmacarinam . imehi kho bhikkhave tihi dhammehi samannagato bhikkhu alam paresam no attano. [158] 68 Dvihi bhikkhave dhammehi samannagato bhikkhu alam attano no paresam . katamehi dvihi idha bhikkhave bhikkhu na heva kho khippanisanti ca hoti kusalesu dhammesu no ca sutanam dhammanam dharakajatiko hoti dhatananca dhammanam atthupaparikkhi hoti atthamannaya dhammamannaya dhammanudhammapatipanno ca hoti no ca kalyanavaco hoti .pe. Atthassa vinnapaniya no ca sandassako hoti .pe. sabrahmacarinam. Imehi kho bhikkhave dvihi dhammehi samannagato bhikkhu alam attano no paresam. [159] 69 Dvihi bhikkhave dhammehi samannagato bhikkhu alam paresam no attano . katamehi dvihi idha bhikkhave bhikkhu na heva kho khippanisanti ca hoti kusalesu dhammesu no ca sutanam dhammanam dharakajatiko hoti no ca dhatanam dhammanam atthupaparikkhi hoti no ca atthamannaya dhammamannaya dhammanudhammapatipanno hoti kalyanavaco ca hoti kalyanavakkarano poriya vacaya samannagato vissatthaya anelagalaya atthassa vinnapaniya sandassako ca hoti samadapako samuttejako sampahamsako sabrahmacarinam . imehi kho bhikkhave dvihi dhammehi samannagato bhikkhu alam paresam no attanoti.

The Pali Tipitaka in Roman Character Volume 23 page 305-308. https://84000.org/tipitaka/read/roman_read.php?B=23&A=6488&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=6488&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=152&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=135 Study Atthakatha :- https://84000.org/tipitaka/attha/attha.php?b=23&i=152 The Pali Atthakatha in Thai :- https://84000.org/tipitaka/atthapali/read_th.php?B=16&A=6026 The Pali Atthakatha in Roman :- https://84000.org/tipitaka/atthapali/read_rm.php?B=16&A=6026 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23