บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[212] 8 Ekam samayam bhagava rajagahe viharati gijjhakute pabbate. Athakho sajjho paribbajako yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi ekamantam nisinno kho sajjho paribbajako bhagavantam etadavoca ekamidaham bhante samayam bhagava idheva rajagahe viharami giribbaje tatra me bhante bhagavato sammukha sutam sammukha patiggahitam yo so sajjha bhikkhu araham khinasavo vusitava katakaraniyo ohitabharo anuppattasadattho parikkhinabhavasannojano sammadannavimutto abhabbo so pancatthanani ajjhacaritum abhabbo khinasavo bhikkhu Sancicca panam jivita voropetum abhabbo khinasavo bhikkhu adinnam theyyasankhatam adatum abhabbo khinasavo bhikkhu methunam dhammam patisevitum abbhabo khinasavo bhikkhu sampajanamusa bhasitum abhabbo khinasavo bhikkhu sannidhikarakam kame paribhunjitum seyyathapi pubbe agariyabhuto kacci metam bhante bhagavato sussutam suggahitam sumanasikatam supadharitanti. {212.1} Taggha te etam sajjha sussutam suggahitam sumanasikatam supadharitam pubbe caham sajjha etarahi ca evam vadami yo so bhikkhu araham khinasavo vusitava katakaraniyo ohitabharo anuppattasadattho parikkhinabhavasannojano sammadannavimutto abhabbo so navatthanani ajjhacaritum abhabbo khinasavo bhikkhu sancicca panam jivita voropetum .pe. abhabbo khinasavo bhikkhu sannidhikarakam kame paribhunjitum seyyathapi pubbe agariyabhuto abhabbo khinasavo bhikkhu buddham paccakkhatum abhabbo khinasavo bhikkhu dhammam paccakkhatum abhabbo khinasavo bhikkhu sangham paccakkhatum abhabbo khinasavo bhikkhu sikkham paccakkhatum pubbe caham sajjha etarahi ca evam vadami yo so bhikkhu araham khinasavo vusitava katakaraniyo ohitabharo anuppatta- sadattho parikkhinabhavasannojano sammadannavimutto abhabbo so imani navatthanani ajjhacaritunti.The Pali Tipitaka in Roman Character Volume 23 page 384-385. https://84000.org/tipitaka/read/roman_read.php?B=23&A=8127&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=8127&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=212&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=171 Study Atthakatha :- https://84000.org/tipitaka/attha/attha.php?b=23&i=212 The Pali Atthakatha in Thai :- https://84000.org/tipitaka/atthapali/read_th.php?B=16&A=6542 The Pali Atthakatha in Roman :- https://84000.org/tipitaka/atthapali/read_rm.php?B=16&A=6542 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]