PaliRoman Vol.23

[44] Ekam samayam bhagava savatthiyam viharati jetavane anathapindikassa arame . tena kho pana samayena uggatasarirassa brahmanassa mahayanno upakkhato hoti panca usabhasatani thunupanitani honti yannatthaya panca vacchatarasatani thunupanitani honti yannatthaya panca vacchatarisatani thunupanitani honti yannatthaya panca ajasatani thunupanitani honti yannatthaya panca urabbhasatani thunupanitani honti yannatthaya athakho uggatasariro brahmano yena bhagava tenupasankami upasankamitva @Footnote: ¹ Ma. sammasamadhi. Bhagavata saddhim sammodi sammodaniyam katham saraniyam vitisaretva ekamantam nisidi ekamantam nisinno kho uggatasariro brahmano bhagavantam etadavoca {44.1} sutam metam bho gotama aggissa adhanam ^1- yupassa ussapanam mahapphalam hoti mahanisamsanti . mayapi kho etam brahmana sutam aggissa adhanam yupassa ussapanam mahapphalam hoti mahanisamsanti . dutiyampi kho .pe. tatiyampi kho uggatasariro brahmano bhagavantam etadavoca sutam metam bho gotama aggissa adhanam yupassa ussapanam mahapphalam hoti mahanisamsanti . Mayapi kho etam brahmana sutam aggissa adhanam yupassa ussapanam mahapphalam hoti mahanisamsanti . tayidam bho gotama sameti bhotoceva gotamassa amhakanca yadidam sabbena sabbanti ^2-. {44.2} Evam vutte ayasma anando uggatasariram brahmanam etadavoca na kho brahmana tathagata evam pucchitabba sutam metam bho gotama aggissa adhanam yupassa ussapanam mahapphalam hoti mahanisamsanti evanca ^3- kho brahmana tathagata pucchitabba ahanhi bhante aggim adhatukamo ^4- yupam ussapetukamo ovadatu mam bhante bhagava anusasatu mam bhante bhagava yam mama assa digharattam hitaya sukhayati. {44.3} Athakho uggatasariro brahmano bhagavantam etadavoca ahanhi bho gotama aggim adhatukamo yupam ussapetukamo ovadatu mam bhavam gotamo anusasatu mam bhavam gotamo yam mama assa digharattam hitaya sukhayati . aggim brahmana adhento ^5- @Footnote: ¹ Ma. adanam. evamuparipi . ² Ma. itisaddo natthi . ³ Ma. casaddo natthi. @⁴ Ma. adatukamo. evamuparipi . ⁵ Ma. adento. evamuparipi. Yupam ussapento pubbeva yanne ^1- tini satthani ussapeti akusalani dukkhudrayani dukkhavipakani . katamani tini kayasattham vacisattham manosattham aggim brahmana adhento yupam ussapento pubbeva yanne evam cittam uppadeti ettaka usabha hannantu yannatthaya ettaka vacchatara hannantu yannatthaya ettaka vacchatariyo hannantu yannatthaya ettaka aja hannantu yannatthaya ettaka urabbha hannantu yannatthayati so punnam karomiti apunnam karoti kusalam karomiti akusalam karoti sugatiya maggam pariyesamiti duggatiya maggam pariyesati aggim brahmana adhento yupam ussapento pubbeva yanne idam pathamam manosattham ussapeti akusalam dukkhudrayam dukkhavipakam. {44.4} Puna caparam brahmana aggim adhento yupam ussapento pubbeva yanne evam vacam bhasati ettaka usabha hannantu yannatthaya ettaka vacchatara hannantu yannatthaya ettaka vacchatariyo hannantu yannatthaya ettaka aja hannantu yannatthaya ettaka urabbha hannantu yannatthayati so punnam karomiti apunnam karoti kusalam karomiti akusalam karoti sugatiya maggam pariyesamiti duggatiya maggam pariyesati aggim brahmana adhento yupam ussapento pubbeva yanne idam dutiyam vacisattham ussapeti akusalam dukkhudrayam dukkhavipakam. {44.5} Puna caparam brahmana aggim adhento yupam ussapento pubbeva yanne sayam pathamam samarabhati ^2- @Footnote: ¹ Ma. yanna. evamuparipi . ² Si. samarabbhati. Ma. samarambhati. evamuparipi. Usabha hannantu yannatthaya sayam pathamam samarabhati vacchatara hannantu yannatthaya sayam pathamam samarabhati vacchatariyo hannantu yannatthaya sayam pathamam samarabhati aja hannantu hannatthaya sayam pathamam samarabhati urabbha hannantu yannatthayati so punnam karomiti apunnam karoti kusalam karomiti akusalam karoti sugatiya maggam pariyesamiti duggatiya maggam pariyesati aggim brahmana adhento yupam ussapento pubbeva yanne idam tatiyam kayasattham ussapeti akusalam dukkhudrayam dukkhavipakam aggim brahmana adhento yupam ussapento pubbeva yanne imani tini satthani ussapeti akusalani dukkhudrayani dukkhavipakani. {44.6} Tayome brahmana aggi pahatabba parivajjetabba na sevitabba. Katame tayo ragaggi dosaggi mohaggi. {44.7} Kasma cayam brahmana ragaggi pahatabbo parivajjetabbo na sevitabbo ratto kho brahmana ragena abhibhuto pariyadinnacitto kayena duccaritam carati vacaya duccaritam carati manasa duccaritam carati so kayena duccaritam caritva vacaya duccaritam caritva manasa duccaritam caritva kayassa bheda parammarana apayam duggatim vinipatam nirayam upapajjati tasma cayam ^1- ragaggi pahatabbo parivajjetabbo na sevitabbo. {44.8} Kasma cayam brahmana dosaggi pahatabbo parivajjetabbo na sevitabbo duttho kho brahmana dosena abhibhuto pariyadinnacitto kayena duccaritam carati vacaya @Footnote: ¹ Ma. tasmayam. evamuparipi. Duccaritam carati manasa duccaritam carati so kayena duccaritam caritva vacaya duccaritam caritva manasa duccaritam caritva kayassa bheda parammarana apayam duggatim vinipatam nirayam upapajjati tasma cayam dosaggi pahatabbo parivajjetabbo na sevitabbo. {44.9} Kasma cayam brahmana mohaggi pahatabbo parivajjetabbo na sevitabbo mulho kho brahmana mohena abhibhuto pariyadinnacitto kayena duccaritam carati vacaya duccaritam carati manasa duccaritam carati so kayena duccaritam caritva vacaya duccaritam caritva manasa duccaritam caritva kayassa bheda parammarana apayam duggatim vinipatam nirayam upapajjati tasma cayam mohaggi pahatabbo parivajjetabbo na sevitabbo. Ime kho brahmana tayo aggi pahatabba parijjetabba na sevitabba. {44.10} Tayome brahmana aggi sakkatva garukatva manetva pujetva samma sukham parihatabba . katame tayo ahuneyyaggi gahapataggi dakkhineyyaggi. {44.11} Katamo ca brahmana ahuneyyaggi idha brahmana yassa te honti matati va pitati va ayam vuccati brahmana ahuneyyaggi tam kissa hetu atohayam ^1- brahmana ahuto sambhuto tasma cayam ahuneyyaggi sakkatva garukatva manetva pujetva samma sukham parihatabbo. {44.12} Katamo ca brahmana gahapataggi idha brahmana yassa te honti puttati va darati va dasati va pessati va ^[2]- ayam vuccati @Footnote: ¹ Ma. atohayam . ² Ma. kammakarati va. Brahmana gahapataggi tasma cayam gahapataggi sakkatva garukatva manetva pujetva samma sukham parihatabbo. {44.13} Katamo ca brahmana dakkhineyyaggi idha brahmana ye te samanabrahmana madappamada ^1- pativirata khantisoracce nivittha ekamattanam damenti ekamattanam samenti ekamattanam parinibbapenti ayam vuccati brahmana dakkhineyyaggi tasma cayam dakkhineyyaggi sakkatva garukatva manetva pujetva samma sukham parihatabbo. Ime kho brahmana tayo aggi sakkatva garukatva manetva pujetva samma sukham parihatabba. {44.14} Ayam kho pana brahmana katthaggi kalena kalam ujjaletabbo kalena kalam ajjhupekkhitabbo kalena kalam nibbapetabbo kalena kalam nikkhipitabboti . evam vutte uggatasariro brahmano bhagavantam etadavoca abhikkantam bho gotama .pe. upasakam mam bhavam gotamo dharetu ajjatagge panupetam saranam gatam ^2- esaham bho gotamo panca usabhasatani muncami jivitam demi panca vacchatarasatani muncami jivitam demi panca vacchatarisatani muncami jivitam demi panca ajasatani muncami jivitam demi panca urabbhasatani muncami jivitam demi haritani ceva tinani khadantu sitani ca paniyani pivantu sito ca nesam vato upavayatuti ^3-.

The Pali Tipitaka in Roman Character Volume 23 page 42-47. https://84000.org/tipitaka/read/roman_read.php?B=23&A=892&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=892&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=44&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=44 Study Atthakatha :- https://84000.org/tipitaka/attha/attha.php?b=23&i=44 The Pali Atthakatha in Thai :- https://84000.org/tipitaka/atthapali/read_th.php?B=16&A=4082 The Pali Atthakatha in Roman :- https://84000.org/tipitaka/atthapali/read_rm.php?B=16&A=4082 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23