PaliRoman Vol.23

[240] 36 Pathamampaham bhikkhave jhanam nissaya asavanam khayam Vadami dutiyampaham bhikkhave jhanam nissaya asavanam khayam vadami tatiyampaham bhikkhave jhanam nissaya asavanam khayam vadami catutthampaham bhikkhave jhanam nissaya asavanam khayam vadami akasanancayatanampaham bhikkhave nissaya asavanam khayam vadami .pe. nevasannanasannayatanampaham bhikkhave nissaya asavanam khayam vadami. ^[1]- {240.1} Pathamampaham bhikkhave jhanam nissaya asavanam khayam vadamiti iti kho panetam vuttam kincetam paticca vuttam idha bhikkhave bhikkhu vivicceva kamehi .pe. pathamajjhanam upasampajja viharati so yadeva tattha hoti rupagatam vedanagatam sannagatam sankharagatam vinnanagatam te dhamme aniccato dukkhato rogato gandato sallato aghato abadhato parato palokato sunnato anattato samanupassati so tehi dhammehi cittam patitthapeti ^2- so tehi dhammehi cittam patitthapetva ^3- amataya dhatuya cittam upasamharati etam santam etam panitam yadidam sabbasankharasamatho sabbupadhipatinissaggo tanhakkhayo virago nirodho nibbananti so tattha thito asavanam khayam papunati no ce asavanam khayam papunati teneva dhammaragena taya dhammanandiya pancannam orambhagiyanam samyojananam parikkhaya opapatiko hoti tatthaparinibbayi anavattidhammo tasma loka {240.2} seyyathapi bhikkhave issaso va issasantevasi va tinapurisarupake va mattikapunje va yoggam karitva so aparena samayena durepati ca hoti akkhanavedhi ca mahato ca kayassa padalita evameva @Footnote: ¹ Ma. sannavedayitanirodhampaham bhikkhave nissaya asavanam khayam vadami. @² Ma. pativapeti. ³ Ma. pativapetva. evamuparipi. Kho bhikkhave bhikkhu vivicceva kamehi .pe. pathamajjhanam upasampajja viharati so yadeva tattha hoti rupagatam vedanagatam sannagatam sankharagatam vinnanagatam te dhamme aniccato dukkhato rogato gandato sallato aghato abadhato parato palokato sunnato anattato samanupassati so tehi dhammehi cittam patitthapeti so tehi dhammehi cittam patitthapetva amataya dhatuya cittam upasamharati etam santam etam panitam yadidam sabbasankharasamatho sabbupadhipatinissaggo tanhakkhayo virago nirodho nibbananti so tattha thito asavanam khayam papunati no ce asavanam khayam papunati teneva dhammaragena taya dhammanandiya pancannam orambhagiyanam samyojananam parikkhaya opapatiko hoti tatthaparinibbayi anavattidhammo tasma loka pathamampaham bhikkhave jhanam nissaya asavanam khayam vadamiti iti yantam vuttam idametam paticca vuttam. {240.3} Dutiyampaham bhikkhave jhanam nissaya .pe. tatiyampaham bhikkhave jhanam nissaya .pe. catutthampaham bhikkhave jhanam nissaya asavanam khayam vadamiti iti kho panetam vuttam kincetam paticca vuttam idha bhikkhave bhikkhu sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catutthajjhanam upasampajja viharati so yadeva tattha hoti rupagatam vedanagatam sannagatam sankharagatam vinnanagatam te dhamme aniccato Dukkhato rogato gandato sallato aghato abadhato parato palokato sunnato anattato samanupassati so tehi dhammehi cittam patitthapeti so tehi dhammehi cittam patitthapetva amataya dhatuya cittam upasamharati etam santam etam panitam yadidam sabbasankharasamatho sabbupadhipatinissaggo tanhakkhayo virago nirodho nibbananti so tattha thito asavanam khayam papunati no ce asavanam khayam papunati teneva dhammaragena taya dhammanandiya pancannam orambhagiyanam samyojananam parikkhaya opapatiko hoti tatthaparinibbayi anavattidhammo tasma loka {240.4} seyyathapi bhikkhave issaso va issasantevasi va tinapurisarupake va mattikapunje va yoggam karitva so aparena samayena durepati ca hoti akkhanavedhi ca mahato ca kayassa padalita evameva kho bhikkhave bhikkhu sukhassa ca pahana .pe. catutthajjhanam upasampajja viharati so yadeva tattha hoti rupagatam vedanagatam .pe. Anavattidhammo tasma loka catutthampaham bhikkhave jhanam nissaya asavanam khayam vadamiti iti yantam vuttam idametam paticca vuttam. {240.5} Akasanancayatanampaham bhikkhave jhanam nissaya asavanam khayam vadamiti iti kho panetam vuttam kincetam paticca vuttam idha bhikkhave bhikkhu sabbaso rupasannanam samatikkama patighasannanam atthangama nanattasannanam amanasikara ananto akasoti akasanancayatanam upasampajja viharati so yadeva tattha hoti vedanagatam sannagatam Sankharagatam vinnanagatam te dhamme aniccato dukkhato rogato gandato sallato aghato abadhato parato palokato sunnato anattato samanupassati so tehi dhammehi cittam patitthapeti so tehi dhammehi cittam patitthapetva amataya dhatuya cittam upasamharati etam santam etam panitam yadidam sabbasankharasamatho sabbupadhipatinissaggo tanhakkhayo virago nirodho nibbananti so tattha thito asavanam khayam papunati no ce asavanam khayam papunati teneva dhammaragena taya dhammanandiya pancannam orambhagiyanam samyojananam parikkhaya opapatiko hoti tatthaparinibbayi anavattidhammo tasma loka {240.6} seyyathapi bhikkhave issaso va issasantevasi va tinapurisarupake va mattikapunje va yoggam karitva so aparena samayena durepati ca hoti akkhanavedhi ca mahato ca kayassa padalita evameva kho bhikkhave bhikkhu sabbaso rupasannanam samatikkama patighasannanam atthangama nanattasannanam amanasikara ananto akasoti akasanancayatanam upasampajja viharati so yadeva tattha hoti vedanagatam sannagatam .pe. Anavattidhammo tasma loka akasanancayatanampaham bhikkhave nissaya asavanam khayam vadamiti iti yantam vuttam idametam paticca vuttam. Vinnanancayatanampaham bhikkhave nissaya .pe. akincannayatanampaham bhikkhave nissaya asavanam khayam vadamiti iti kho panetam Vuttam kincetam paticca vuttam idha bhikkhave bhikkhu sabbaso vinnanancayatanam samatikkamma natthi kinciti akincannayatanam upasampajja viharati so yadeva tattha hoti vedanagatam sannagatam sankharagatam vinnanagatam te dhamme aniccato dukkhato rogato gandato sallato aghato abadhato parato palokato sunnato anattato samanupassati so tehi dhammehi cittam patitthapeti so tehi dhammehi cittam patitthapetva amataya dhatuya cittam upasamharati etam santam etam panitam yadidam sabbasankharasamatho sabbupadhipatinissaggo tanhakkhayo virago nirodho nibbananti {240.7} so tattha thito asavanam khayam papunati no ce asavanam khayam papunati teneva dhammaragena taya dhammanandiya pancannam orambhagiyanam sannojananam parikkhaya opapatiko hoti tatthaparinibbayi anavattidhammo tasma loka seyyathapi bhikkhave issaso va issasantevasi va tinapurisarupake va mattikapunje va yoggam karitva so aparena samayena durepati ca hoti akkhanavedhi ca mahato ca kayassa padalita evameva kho bhikkhave bhikkhu sabbaso vinnanancayatanam samatikkamma natthi kinciti akincannayatanam upasampajja viharati so yadeva tattha hoti vedanagatam sannagatam sankharagatam vinnanagatam te dhamme aniccato dukkhato rogato gandato sallato aghato abadhato parato palokato sunnato anattato samanupassati so tehi Dhammehi cittam patitthapeti so tehi dhammehi cittam patitthapetva amataya dhatuya cittam upasamharati etam santam etam panitam yadidam sabbasankharasamatho sabbupadhipatinissaggo tanhakkhayo virago nirodho nibbananti so tattha thito asavanam khayam papunati no ce asavanam khayam papunati teneva dhammaragena taya dhammanandiya pancannam orambhagiyanam samyojananam parikkhaya opapatiko hoti tatthaparinibbayi anavattidhammo tasma loka akincannayatanampaham bhikkhave nissaya asavanam khayam vadamiti iti yantam vuttam idametam paticca vuttam {240.8} iti kho bhikkhave yavata sannasamapatti tavata annapativedho yani ca kho imani bhikkhave nissaya dve ayatanani nevasannanasannayatanasamapatti ca sannavedayitanirodho ca jhayihete bhikkhave bhikkhuhi ^1- samapattikusalehi samapattivutthanakusalehi samapajjitva vutthahitva sammadakkhatabbaniti ^2- vadamiti.

The Pali Tipitaka in Roman Character Volume 23 page 438-444. https://84000.org/tipitaka/read/roman_read.php?B=23&A=9253&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=9253&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=240&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=199 Study Atthakatha :- https://84000.org/tipitaka/attha/attha.php?b=23&i=240 The Pali Atthakatha in Thai :- https://84000.org/tipitaka/atthapali/read_th.php?B=16&A=6959 The Pali Atthakatha in Roman :- https://84000.org/tipitaka/atthapali/read_rm.php?B=16&A=6959 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23