บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[46] Ekam samayam bhagava sakkesu viharati kapilavatthusmim nigrodharame. Athakho sambahula sakka upasaka tadahuposathe yena bhagava tenupasankamimsu upasankamitva bhagavantam abhivadetva ekamantam nisidimsu. Ekamantam nisinne kho sakke upasake bhagava etadavoca apinu tumhe sakka atthangasamannagatam uposatham upavasathati . appekada mayam bhante atthangasamannagatam uposatham upavasama appekada na upavasamati . tesam vo sakka alabha tesam dulladdham ye tumhe evam sokasabhaye jivite maranasabhaye jivite appekada atthangasamannagatam uposatham upavasatha appekada na upavasatha tam kim mannatha sakka idha puriso yena [1]- kammatthanena anapajja akusalam divasam addhakahapanam nibbiseyya dakkho puriso utthanasampannoti alam vacanayati. Evam bhante. {46.1} Tam kim mannatha sakka idha puriso yena kammatthanena anapajja akusalam divasam kahapanam nibbiseyya dakkho puriso utthanasampannoti alam vacanayati . evam bhante . tam kim mannatha sakka idha puriso yena kammatthanena anapajja akusalam divasam dve kahapane @Footnote: 1 Ma. Yu. kenici. Nibbiseyya tayo kahapane nibbiseyya cattaro kahapane nibbiseyya panca kahapane nibbiseyya cha kahapane nibbiseyya satta kahapane nibbiseyya attha kahapane nibbiseyya nava kahapane nibbiseyya dasa kahapane nibbiseyya visam kahapane nibbiseyya timsam 1- kahapane nibbiseyya cattalisam kahapane nibbiseyya pannasam kahapane nibbiseyya kahapanasatam nibbiseyya dakkho puriso utthanasampannoti alam vacanayati. Evam bhante. {46.2} Tam kim mannatha sakka api nu kho so puriso divase kahapanasatam kahapanasahassam nibbisamano laddham laddham nikkhipanto vassasatajivi 2- mahantam bhogakkhandham adhigaccheyyati. Evam bhante. {46.3} Tam kim mannatha sakka api nu kho so puriso bhogahetukam 3- bhoganidanam bhogadhikaranam ekam va rattim ekam va divasam [4]- upaddham va divasam ekantasukhapatisamvedi vihareyyati. No hetam bhante. Tam kissa hetu. Kama hi bhante anicca tuccha musa mosadhammati. {46.4} Idha pana vo sakka mama savako dasa vassani appamatto atapi pahitatto viharanto yatha mayanusittham tatha patipajjamano satampi vassani satampi vassasatani satampi vassasahassani ekantasukhapatisamvedi vihareyya so ca khvassa sakadagami va anagami va apannakam va sotapanno titthantu sakka dasa vassani idha mama savako nava vassani attha vassani satta vassani cha vassani panca vassani cattari vassani tini vassani dve vassani ekam vassam appamatto @Footnote: 1 Po. Ma. Yu. timsa. 2 Po. Ma. Yu. vassasatayuko. 3 Ma. Yu. bhogahetu. @4 Po. Yu. upaddham va rattim. Atapi pahitatto viharanto yatha mayanusittham tatha patipajjamano satampi vassani satampi vassasatani satampi vassasahassani ekantasukhapatisamvedi vihareyya so ca khvassa sakadagami va anagami va apannakam va sotapanno titthatu sakka ekam vassam {46.5} idha mama savako dasa mase appamatto atapi pahitatto viharanto yatha mayanusittham tatha patipajjamano satampi vassani satampi vassasatani satampi vassasahassani ekantasukhapatisamvedi vihareyya so ca khvassa sakadagami va anagami va apannakam va sotapanno titthantu sakka dasa masa {46.6} idha mama savako nava mase attha mase satta mase cha mase panca mase cattaro mase tayo mase dve mase ekamasam addhamasam appamatto atapi pahitatto viharanto yatha mayanusittham tatha patipajjamano satampi vassani satampi vassasatani satampi vassasahassani ekantasukhapatisamvedi vihareyya so ca khvassa sakadagami va anagami va apannakam va sotapanno titthatu sakka addhamaso {46.7} idha mama savako dasa rattindive appamatto atapi pahitatto viharanto yatha mayanusittham tatha patipajjamano satampi vassani satampi vassasatani satampi vassasahassani ekantasukhapatisamvedi vihareyya so ca khvassa sakadagami va anagami va apannakam va sotapanno titthantu sakka dasa rattindiva {46.8} idha mama savako nava rattindive attha rattindive satta rattindive cha rattindive panca rattindive Cattaro rattindive tayo rattindive dve rattindive ekarattindivam appamatto atapi pahitatto viharanto yatha mayanusittham tatha patipajjamano satampi vassani satampi vassasatani satampi vassasahassani ekantasukhapatisamvedi vihareyya so ca khvassa sakadagami va anagami va apannakam va sotapanno tesam vo sakka alabha tesam dulladdham ye tumhe evam sokasabhaye jivite maranasabhaye jivite appekada atthangasamannagatam uposatham upavasatha appekada na upavasathati . ete mayam bhante ajjatagge atthangasamannagatam uposatham upavasissamati.The Pali Tipitaka in Roman Character Volume 24 page 87-90. https://84000.org/tipitaka/read/roman_read.php?B=24&A=1797&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=1797&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=46&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=44 Study Atthakatha :- https://84000.org/tipitaka/attha/attha.php?b=24&i=46 The Pali Atthakatha in Thai :- https://84000.org/tipitaka/atthapali/read_th.php?B=16&A=7811 The Pali Atthakatha in Roman :- https://84000.org/tipitaka/atthapali/read_rm.php?B=16&A=7811 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]