บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[90] Athakho ayasma sariputto yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho ayasmantam sariputtam bhagava etadavoca kati nu kho sariputta khinasavassa bhikkhuno balani yehi balehi samannagato khinasavo bhikkhu asavanam khayam patijanati khina me asavati. {90.1} Dasa bhante khinasavassa bhikkhuno balani yehi balehi samannagato khinasavo bhikkhu asavanam khayam patijanati khina me asavati . katamani dasa idha bhante khinasavassa bhikkhuno aniccato sabbe sankhara yathabhutam sammappannaya sudittha honti yampi bhante khinasavassa bhikkhuno aniccato sabbe sankhara yathabhutam sammappannaya sudittha honti idampi bhante khinasavassa bhikkhuno balam hoti yam balam agamma khinasavo bhikkhu asavanam khayam patijanati khina me asavati. {90.2} Puna caparam bhante khinasavassa bhikkhuno angarakasupama kama yathabhutam sammappannaya sudittha honti yampi bhante khinasavassa bhikkhuno angarakasupama kama yathabhutam sammappannaya Sudittha honti idampi bhante khinasavassa bhikkhuno balam hoti yam balam agamma khinasavo bhikkhu asavanam khayam patijanati khina me asavati. {90.3} Puna caparam bhante khinasavassa bhikkhuno vivekaninnam cittam hoti vivekaponam vivekapabbharam vivekattham nekkhammabhiratam byantibhutam sabbaso asavatthaniyehi dhammehi yampi bhante khinasavassa bhikkhuno vivekaninnam cittam hoti vivekaponam vivekapabbharam vivekattham nekkhammabhiratam byantibhutam sabbaso asavatthaniyehi dhammehi idampi bhante khinasavassa bhikkhuno balam hoti yam balam agamma khinasavo bhikkhu asavanam khayam patijanati khina me asavati. {90.4} Puna caparam bhante khinasavassa bhikkhuno cattaro satipatthana bhavita honti subhavita yampi bhante khinasavassa bhikkhuno cattaro satipatthana bhavita honti subhavita idampi bhante khinasavassa bhikkhuno balam hoti yam balam agamma khinasavo bhikkhu asavanam khayam patijanati khina me asavati. {90.5} Puna caparam bhante khinasavassa bhikkhuno cattaro sammappadhana bhavita honti subhavita ... cattaro iddhippada bhavita honti subhavita ... pancindriyani panca balani bhavitani honti subhavitani ... satta bojjhanga bhavita honti subhavita ... Ariyo atthangiko maggo bhavito hoti subhavito yampi bhante khinasavassa bhikkhuno ariyo atthangiko maggo bhavito hoti subhavito idampi bhante khinasavassa bhikkhuno balam hoti yam balam agamma khinasavo Bhikkhu asavanam khayam patijanati khina me asavati . imani kho bhante dasa khinasavassa bhikkhuno balani yehi balehi samannagato khinasavo bhikkhu asavanam khayam patijanati khina me asavati. Theravaggo catuttho. Tassuddanam vahuno canando ca 1- punniyo ca byakaranam katthi annadhikaranam kokaliko ca balani ca 2-. ------------The Pali Tipitaka in Roman Character Volume 24 page 186-188. https://84000.org/tipitaka/read/roman_read.php?B=24&A=3916&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=3916&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=90&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=88 Study Atthakatha :- https://84000.org/tipitaka/attha/attha.php?b=24&i=90 The Pali Atthakatha in Thai :- https://84000.org/tipitaka/atthapali/read_th.php?B=16&A=8251 The Pali Atthakatha in Roman :- https://84000.org/tipitaka/atthapali/read_rm.php?B=16&A=8251 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]