|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 25 : PALI ROMAN Sutta Pitaka Vol 17 : Sutta. Khu. khuddakapāṭho-dhammapadagāthā-udānaṃ-itivuttakaṃ-suttanipāto
[67] 2 Evamme sutam . ekam samayam bhagava savatthiyam viharati jetavane anathapindikassa arame . tena kho pana samayena ayasma nando bhagavato bhata matucchaputto sambahulanam bhikkhunam evam 1- arocesi anabhirato aham avuso brahmacariyam carami na sakkomi brahmacariyam sandharetum sikkham paccakkhaya hinayavattissamiti . atha kho annataro bhikkhu yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho so bhikkhu bhagavantam etadavoca ayasma bhante nando bhagavato bhata matucchaputto sambahulanam bhikkhunam evam arocesi anabhirato aham avuso brahmacariyam carami na sakkomi brahmacariyam sandharetum sikkham paccakkhaya hinayavattissamiti. {67.1} Atha kho bhagava annataram bhikkhum amantesi ehi tvam bhikkhu mama vacanena nandam bhikkhum amantehi sattha tam avuso nanda amantetiti . evam bhanteti kho so bhikkhu bhagavato patissutva yenayasma nando tenupasankami upasankamitva ayasmantam nandam etadavoca sattha tam avuso nanda amantetiti . evamavusoti kho ayasma nando tassa bhikkhuno patissutva yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho ayasmantam nandam bhagava etadavoca saccam kira tvam nanda sambahulanam bhikkhunam evam arocesi anabhirato aham avuso @Footnote: 1 Po. Ma. Yu. sabbavaresu evamarocesi.--------------------------------------------------------------------------------------------- page104.
.pe. Hinayavattissamiti . evam bhanteti . kissa pana tvam nanda anabhirato brahmacariyam carasi na sakkosi brahmacariyam sandharetum sikkham paccakkhaya hinayavattissasiti . sakiyani mama 1- bhante janapadakalyani ghara nikkhamantassa 2- upaddhullikhitehi kesehi apaloketva mam etadavoca tuvatam kho ayyaputta agaccheyyasiti so kho aham bhante tam anussaramano anabhirato brahmacariyam carami na sakkomi brahmacariyam sandharetum sikkham paccakkhaya hinayavattissamiti . atha kho bhagava ayasmantam nandam bahaya gahetva seyyathapi nama balava puriso samminjitam va baham pasareyya pasaritam va baham samminjeyya evamevam jetavane antarahito devesu tavatimsesu paturahosi. [68] Tena kho pana samayena pancamattani accharasatani sakkassa devanamindassa upatthanam agatani honti kakutapadani . Atha 3- kho bhagava ayasmantam nandam amantesi passasi no tvam nanda imani panca accharasatani kakutapadaniti . evam bhanteti . Tam 4- kim mannasi nanda katama nu kho abhirupatara va dassaniyatara va pasadikatara va sakiyani va janapadakalyani imani va panca accharasatani kakutapadaniti . seyyathapi bhante palutthamakkati kannanasacchinna evameva kho bhante sakiyani janapadakalyani @Footnote: 1 Po. Ma. Yu. mam . 2 Yu. nikkhamantam . 3 Yu. tena kho . 4 Yu. ayam patho natthi.--------------------------------------------------------------------------------------------- page105.
Imesam pancannam accharasatanam upanidhaya sankhyampi na 1- upeti kalabhagampi na upeti upanidhimpi na upeti 2- atha kho imani panca accharasatani abhirupatarani ceva dassaniyatarani ca pasadikatarani cati . abhirama nanda abhirama nanda ahante patibhogo pancannam accharasatanam patilabhaya kakutapadananti . Sace me bhante bhagava patibhogo pancannam accharasatanam patilabhaya kakutapadanam abhiramissamaham bhante bhagava 3- brahmacariyeti 4-. {68.1} Atha kho bhagava ayasmantam nandam bahaya gahetva seyyathapi nama balava puriso samminjitam va baham pasareyya pasaritam va baham samminjeyya evamevam devesu tavatimsesu antarahito jetavane paturahosi . assosum kho bhikkhu ayasma kira nando bhagavato bhata matucchaputto accharanam hetu brahmacariyam carati bhagava kirassa patibhogo pancannam accharasatanam patilabhaya kakutapadananti. [69] Atha kho ayasmato nandassa sahayaka bhikkhu ayasmantam nandam bhatakavadena ca upakkitavadena 5- ca samudacaranti bhatako kirayasma nando upakkitako kirayasma nando accharanam hetu brahmacariyam carati bhagava kirassa patibhogo pancannam accharasatanam patilabhaya kakutapadananti . atha kho ayasma @Footnote: 1 Ma. sabbavaresu noti dissati . 2 Si. Yu. ayam patho natthi . 3 Ma. bhagavati. @4 Po. brahmacariyanti . 5 Po. Ma. Yu. upakkitakavadena.--------------------------------------------------------------------------------------------- page106.
Nando sahayakanam bhikkhunam bhatakavadena ca upakkitavadena ca attiyamano harayamano jigucchamano eko vupakattho appamatto atapi pahitatto viharanto 1- na cirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam dittheva dhamme sayam abhinna sacchikatva upasampajja vihasi khina jati vusitam brahmacariyam katam karaniyam naparam itthattayati abbhannasi . annataro kho panayasma nando arahatam ahosi. [70] Atha kho annatara devata abhikkantaya 2- rattiya abhikkantavanna kevalakappam jetavanam obhasetva yena bhagava tenupasankami upasankamitva bhagavantam avivadetva ekamantam atthasi . ekamantam thita kho sa devata bhagavantam etadavoca ayasma bhante nando bhagavato bhata matucchaputto asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti . bhagavatopi nanam udapadi nando asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti . Atha kho ayasma nando tassa rattiya accayena yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma @Footnote: 1 Yu. visarado . 2 Yu. atikkantaya.--------------------------------------------------------------------------------------------- page107.
Nando bhagavantam etadavoca yam me bhante bhagava patibhogo pancannam accharasatanam patilabhaya kakutapadanam muncamaham bhante bhagavantam etasma patissavati . mayapi kho te nanda cetasa ceto paricca vidito nando asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti devatapi me etamattham arocesi ayasma bhante nando bhagavato bhata matucchaputto asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti yadeva kho te nanda anupadaya asavehi cittam vimuttam athaham mutto etasma patissavati . atha kho bhagava etamattham viditva tayam velayam imam udanam udanesi yassa tinno 1- kamapanko maddito kamakantako mohakkhayam anuppatto sukhadukkhesu na vedhati sa bhikkhuti. Dutiyam.The Pali Tipitaka in Roman Character Volume 25 page 103-107. https://84000.org/tipitaka/read/roman_read.php?B=25&A=2078&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=2078&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=67&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=57 Study Atthakatha :- https://84000.org/tipitaka/attha/attha.php?b=25&i=67 The Pali Atthakatha in Thai :- https://84000.org/tipitaka/atthapali/read_th.php?B=26&A=3949 The Pali Atthakatha in Roman :- https://84000.org/tipitaka/atthapali/read_rm.php?B=26&A=3949 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]