PaliRoman Vol.25

Udane pancamo sonattheravaggo [110] 1 Evamme sutam . ekam samayam bhagava savatthiyam viharati jetavane anathapindikassa arame . tena kho pana samayena raja pasenadi kosalo mallikaya deviya saddhim uparipasadavaragato hoti . Atha kho raja pasenadi kosalo mallikam devim etadavoca atthi nu kho te mallike kocanno attana piyataroti . natthi kho me maharaja kocanno attana piyataro tuyham pana maharaja atthanno koci attana piyataroti . mayhampi mallike natthanno koci attana piyataroti. {110.1} Atha kho raja pasendi kosalo pasada orohitva yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho raja pasenadi kosalo bhagavantam etadavoca idhaham bhante mallikaya deviya saddhim uparipasadavaragato mallikam devim etadavocam atthi nu kho te mallike kocanno attana piyataroti evam vutte mallika devi ^1- etadavoca natthi kho me maharaja kocanno attana piyataro tuyham pana maharaja atthanno koci attana piyataroti evam vutteham bhante mallikam devim etadavocam mayhampi kho mallike natthanno koci attana piyataroti . atha kho bhagava etamattham viditva tayam velayam imam udanam udanesi @Footnote: ¹ Ma. Yu. mam. Sabba disa anuparigamma cetasa nevajjhaga piyataramattana kvaci evampi ^1- so puthu atta paresam tasma na himse param attakamoti. Suttam pathamam.

The Pali Tipitaka in Roman Character Volume 25 page 144-145. https://84000.org/tipitaka/read/roman_read.php?B=25&A=2941&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=2941&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=110&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=76 Study Atthakatha :- https://84000.org/tipitaka/attha/attha.php?b=25&i=110 The Pali Atthakatha in Thai :- https://84000.org/tipitaka/atthapali/read_th.php?B=26&A=6523 The Pali Atthakatha in Roman :- https://84000.org/tipitaka/atthapali/read_rm.php?B=26&A=6523 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25