PaliRoman Vol.25

[141] ⁶ Evamme sutam . ekam samayam bhagava savatthiyam viharati jetavane anathapindikassa arame . tena kho pana samayena sambahula nanatitthiya samanabrahmana paribbajaka savatthiyam pativasanti nanaditthika nanakhantika nanarucika nanaditthinissayanissita . santeke samanabrahmana evamvadino evamditthino sassato atta ca loko ca idameva saccam moghamannanti. Santi paneke samanabrahmana evamvadino evamditthino asassato atta ca loko ca idameva saccam moghamannanti. {141.1} Santeke samanabrahmana evamvadino evamditthino sassato ca asassato @Footnote: ¹ Po. Ma. va. Ca atta ca loko ca idameva saccam moghamannanti . santi paneke samanabrahmana evamvadino evamditthino neva sassato nasassato atta ca loko ca idameva saccam moghamannanti. {141.2} Santeke samanabrahmana evamvadino evamditthino sayankato atta ca loko ca idameva saccam moghamannanti . santi paneke samanabrahmana evamvadino evamditthino parankato atta ca loko ca idameva saccam moghamannanti. {141.3} Santeke samanabrahmana evamvadino evamditthino sayankato ca parankato ca atta ca loko ca idameva saccam moghamannanti. {141.4} Santi paneke samanabrahmana evamvadino evamditthino asayankaro ca aparankaro ca adhiccasamuppanno atta ca loko ca idameva saccam moghamannanti. {141.5} Santeke samanabrahmana evamvadino evamditthino sassatam sukhadukkham atta ca loko ca idameva saccam moghamannanti. Santi paneke samanabrahmana evamvadino evamditthino asassatam sukhadukkham atta ca loko ca idameva saccam moghamannanti. {141.6} Santeke samanabrahmana evamvadino evamditthino sassatam ca asassatam ca sukhadukkham atta ca loko ca idameva saccam moghamannanti . santi paneke samanabrahmana evamvadino evamditthino neva sassatam nasassatam sukhadukkham atta ca loko ca idameva saccam moghamannanti. {141.7} Santeke samanabrahmana evamvadino Evamditthino sayankatam sukhadukkham atta ca loko ca idameva saccam moghamannanti . santi paneke samanabrahmana evamvadino evamditthino parankatam sukhadukkham atta ca loko ca idameva saccam moghamannanti. {141.8} Santeke samanabrahmana evamvadino evamditthino sayankatam ca parankatam ca sukhadukkham atta ca loko ca idameva saccam moghamannanti . santi paneke samanabrahmana evamvadino evamditthino asayankaram ca aparankaram ca adhiccasamuppannam sukhadukkham atta ca loko ca idameva saccam moghamannanti. {141.9} Te bhandanajata kalahajata vivadapanna annamannam mukhasattihi vitudanta viharanti ediso dhammo nediso dhammo nediso dhammo ediso dhammoti. [142] Atha kho sambahula bhikkhu pubbanhasamayam nivasetva pattacivaramadaya savatthim pindaya pavisimsu . savatthiyam pindaya caritva pacchabhattam pindapatapatikkanta yena bhagava tenupasankamimsu upasankamitva bhagavantam abhivadetva ekamantam nisidimsu. {142.1} Ekamantam nisinna kho te bhikkhu bhagavantam etadavocum idha bhante sambahula nanatitthiya samanabrahmana paribbajaka savatthiyam pativasanti nanaditthika nanakhantika nanarucika nanaditthinissayanissita santeke samanabrahmana evamvadino evamditthino sassato atta ca loko ca idameva saccam Moghamannanti santi paneke samanabrahmana evamvadino evamditthino asassato atta ca loko ca idameva saccam moghamannanti {142.2} santeke samanabrahmana evamvadino evamditthino sassato ca asassato ca atta ca loko ca idameva saccam moghamannanti santi paneke samanabrahmana evamvadino evamditthino neva sassato nasassato atta ca loko ca idameva saccam moghamannanti {142.3} santeke samanabrahmana evamvadino evamditthino sayankato parankato sayankato ca parankato ca asayankaro ca aparankaro ca adhiccasamuppanno atta caloko ca idameva saccam moghamannanti santeke samanabrahmana evamvadino evamditthino sassatam sukhadukkham atta ca loko ca idameva saccam moghamannanti santi paneke samanabrahmana evamvadino evamditthino asassatam sukhadukkham atta ca loko ca idameva saccam moghamannanti {142.4} santeke samanabrahmana evamvadino evamditthino sassatam ca asassatam ca sukhadukkham atta ca loko ca idameva saccam moghamannanti santi paneke samanabrahmana evamvadino evamditthino neva sassatam nasassatam sukhadukkham atta ca loko ca idameva saccam moghamannanti {142.5} santeke samanabrahmana evamvadino evamditthino sayankatam sukhadukkham atta ca loko ca idameva saccam moghamannanti santi paneke Samanabrahmana evamvadino evamditthino parankatam sukhadukkham atta ca loko ca idameva saccam moghamannanti {142.6} santeke samanabrahmana evamvadino evamditthino sayankatam ca parankatam ca sukhadukkham atta ca loko ca idameva saccam moghamannanti santi paneke samanabrahmana evamvadino evamditthino sayankaram ca parankaram ca adhiccasamuppannam sukhadukkham atta ca loko ca idameva saccam moghamannanti te bhandanajata kalahajata vivadapanna annamannam mukhasattihi vitudanta viharanti ediso dhammo nediso dhammo nediso dhammo ediso dhammoti. {142.7} Annatitthiya bhikkhave paribbajaka andha acakkhuka attham na jananti anattham na jananti dhammam na jananti adhammam na jananti te attham ajananta anattham ajananta dhammam ajananta adhammam ajananta bhandanajata kalahajata vivadapanna annamannam mukhasattihi vitudanta viharanti ediso dhammo nediso dhammo nediso dhammo ediso dhammoti . atha kho bhagava etamattham viditva tayam velayam imam udanam udanesi ahankarapasutayam paja parankarupasanhita etadeke nabbhannamsu na nam sallanti addasum etanca sallam patigacca ^1- passato aham karomiti na tassa hoti @Footnote: ¹ Po. Ma. patikacca. Paro karotiti na tassa ^1- hoti. Manupeta ayam paja managantha manavinibbaddha ^2- ditthisu byarabbhakata ^3- samsaram nativattatiti. Chattham.

The Pali Tipitaka in Roman Character Volume 25 page 188-193. https://84000.org/tipitaka/read/roman_read.php?B=25&A=3875&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=3875&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=141&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=91 Study Atthakatha :- https://84000.org/tipitaka/attha/attha.php?b=25&i=141 The Pali Atthakatha in Thai :- https://84000.org/tipitaka/atthapali/read_th.php?B=26&A=8312 The Pali Atthakatha in Roman :- https://84000.org/tipitaka/atthapali/read_rm.php?B=26&A=8312 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25