PaliRoman Vol.25

Dhammapadagathaya pancamo balavaggo [15] |15.60| ⁵ Digha jagarato ratti digham santassa yojanam digho balana samsaro saddhammam avijanatam. |15.61| Carance nadhigaccheyya seyyam sadisamattano ekacariyam dalham kayira natthi bale sahayata. |15.62| Putta matthi dhanamatthi iti balo vihannati atta hi attano natthi kuto putta kuto dhanam. |15.63| Yo balo mannati balyam pandito vapi tena so balo ca panditamani sa ve baloti vuccati. |15.64| Yavajivampi ce balo panditam payirupasati na so dhammam vijanati dabbi suparasam yatha. |15.65| Muhuttamapi ce vinnu panditam payirupasati khippam dhammam vijanati jivha suparasam yatha. |15.66| Caranti bala dummedha amitteneva attana karonta papakam kammam yam hoti katukapphalam. |15.67| Na tam kammam katam sadhu yam katva anutappati yassa assumukho rodam vipakam patisevati. |15.68| Tanca kammam katam sadhu yam katva nanutappati yassa patito sumano vipakam patisevati. |15.69| Madhuva mannati balo yava papam na paccati yada ca paccati papam atha (balo) dukkham nigacchati. |15.70| Mase mase kusaggena balo bhunjetha bhojanam na so sankhatadhammanam kalam agghati solasim. |15.71| Na hi papam katam kammam sajjukhiramva muccati dahantam balamanveti bhasmacchannova pavako. |15.72| Yavadeva anatthaya nattam balassa jayati hanti balassa sukkamsam muddham assa vipatayam. |15.73| Asantam bhavamiccheyya ^1- purekkharanca bhikkhusu avasesu ca issariyam puja parakulesu ca |15.74| mameva katamannantu gihi pabbajita ubho mameva ativasa assu kiccakiccesu kismici iti balassa sankappo issa mano ca vaddhati. |15.75| Anna hi labhupanisa anna nibbanagamini evametam abhinnaya bhikkhu buddhassa savako sakkaram nabhinandeyya vivekamanubruhaye. Balavaggo pancamo. --------- @Footnote: ¹ Po. Ma. Yu. bhavanamiccheyya.

The Pali Tipitaka in Roman Character Volume 25 page 23-24. https://84000.org/tipitaka/read/roman_read.php?B=25&A=425&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=425&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=15&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=14 Study Atthakatha :- https://84000.org/tipitaka/attha/attha.php?b=25&i=15 The Pali Atthakatha in Thai :- https://84000.org/tipitaka/atthapali/read_th.php?B=20&A=2059 The Pali Atthakatha in Roman :- https://84000.org/tipitaka/atthapali/read_rm.php?B=20&A=2059 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25