|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 25 : PALI ROMAN Sutta Pitaka Vol 17 : Sutta. Khu. khuddakapāṭho-dhammapadagāthā-udānaṃ-itivuttakaṃ-suttanipāto
Suttanipate tatiyassa mahavaggassa chattham sabhiyasuttam [364] 6 Evamme sutam . ekam samayam bhagava rajagahe viharati veluvane kalandakanivape . tena kho pana samayena sabhiyassa paribbajakassa puranasalohitaya devataya panha udittha honti yo te sabhiya samano va brahmano va ime panhe puttho byakaroti tassa santike brahmacariyam careyyasiti. {364.1} Atha kho sabhiyo paribbajako tassa devataya santike [1]- panhe uggahetva ye te samanabrahmana sanghino ganino ganacariya nata yasassino titthakara sadhusammata bahujanassa seyyathidam purano kassapo makkhali gosalo ajito kesakambalo 2- pakuddho 3- kaccayano sanjayo velatthaputto 4- nigantho nataputto te upasankamitva te panhe pucchati . te sabhiyena paribbajakena panhe puttha na sampayanti asampayanta kopanca dosanca appaccayanca patukaronti api ca sabhiyam 5- paribbajakam patipucchanti. {364.2} Atha kho sabhiyassa paribbajakassa etadahosi ye kho te bhonto samanabrahmana sanghino ganino ganacariya nata yasassino titthakara sadhusammata bahujanassa seyyathidam purano kassapo .pe. nigantho nataputto te maya panhe puttha na sampayanti asampayanta kopanca dosanca appaccayanca patukaronti @Footnote: 1 Po. Ma. Yu. etthantare teti dissati. 2 Yu. kesakambali. 3 Ma. pakudho @kaccano. Yu. pakudho. 4 Ma. belatthaputto. Yu. belatthiputto. @5 Ma. Yu. sabhiyanneva.--------------------------------------------------------------------------------------------- page427.
Api ca mannevettha patipucchanti yannunaham hinayavattitva kame paribhunjeyyanti . atha kho sabhiyassa paribbajakassa etadahosi ayam 1- kho samano gotamo sanghi ceva gani ca ganacariyo nato yasassi titthakaro sadhusammato bahujanassa . Yannunaham samanam gotamam upasankamitva ime panhe puccheyyanti. {364.3} Atha kho sabhiyassa paribbajakassa etadahosi ye 2- kho te bhonto samanabrahmana jinna vuddha mahallaka addhagata vayo anuppatta thera rattannu cirapabbajita sanghino ganino ganacariya nata yasassino titthakara sadhusammata bahujanassa seyyathidam purano kassapo .pe. nigantho nataputto tepi 3- maya panhe puttha na sampayanti asampayanta kopanca dosanca appaccayanca patukaronti api ca mannevettha patipucchanti . Kim pana me samano gotamo ime panhe puttho byakarissati . Samano hi gotamo daharo ceva jatiya navo ca pabbajjayati. {364.4} Atha kho sabhiyassa paribbajakassa etadahosi samano kho gotamo 4- daharoti na unnatabbo na paribhotabbo 5- daharopi ce samano hoti so ca mahiddhiko hoti mahanubhavo . yannunaham samanam gotamam upasankamitva ime panhe puccheyyanti. @Footnote: 1 Ma. ayampi. 2 Ma. yepi. 3 Yu. pisaddo natthi. 4 Ma. ayam patho @natthi. 5 ito param marammapotthake daharopi cesa samano gotamo mahiddhiko @hoti mahanubhavoti dissati.--------------------------------------------------------------------------------------------- page428.
{364.5} Atha kho sabhiyo paribbajako yena rajagaham tena carikam pakkami anupubbena carikancaramano yena rajagaham veluvanam kalandakanivapo yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinno kho sabhiyo paribbajako bhagavantam gathaya ajjhabhasi [365] |365.937| Kankhi vecikicchi agamam (iti sabhiyo) panhe pucchitum abhikankhamano tesantakaro bhavahi panhe me puttho anupubbam anudhammam byakarohi me. |365.938| Durato agatosi sabhiyati bhagava panhe pucchitum abhikankhamano tesantakaro bhavami panhe te puttho anupubbam anudhammam byakaromi te. |365.939| Puccha mam sabhiya panham yankinci manasicchasi tassa tasseva panhassa aham antam karomi teti. [366] Atha kho sabhiyassa paribbajakassa etadahosi acchariyam vata bho abbhutam vata bho yam vataham annesu samanabrahmanesu okasakamma- mattampi nalattham tamme idam samanena gotamena okasakammam katanti attamano pamudito 1- udaggo pitisomanassajato @Footnote: 1 Yu. modito.--------------------------------------------------------------------------------------------- page429.
Bhagavantam panham apucchi |366.940| kimpattinamahu bhikkhunam (iti sabhiyo) soratam kena kathanca dantamahu buddhoti katham pavuccati puttho me bhagava byakarohi 1-. |366.941| Pajjena katena attana (sabhiyati bhagava) parinibbanagato vitinnakankho vibhavanca bhavanca vippahaya vusitava khinapunabbhavo sa bhikkhu. |366.942| Sabbattha upekkhako satima na so himsati kanci sabbaloke tinno samano anavilo ussada yassa na santi sorato so |366.943| yassindriyani bhavitani ajjhattam bahiddha ca sabbaloke nibbijjimam 2- paranca lokam kalam kankhati bhavito sa danto. |366.944| Kappani viceyya kevalani samsaram dubhayam 3- cutupapatam @Footnote: 1 Yu. vayakarohi. 2 Ma. nibbijja imam . 3 vannanayam tadubhayam.--------------------------------------------------------------------------------------------- page430.
Vigatarajamananganam visuddham pattam jatikkhayam tamahu buddhanti. [367] Atha kho sabhiyo paribbajako bhagavato bhasitam abhinanditva anumoditva attamano pamudito 1- udaggo pitisomanassajato bhagavantam uttarim panham apucchi |367.945| kimpattinamahu brahmanam (iti sabhiyo) samanam kena kathanca nhatakoti nagoti katham pavuccati puttho me bhagava byakarohi. |367.946| Bahetva 2- sabbapapakani (sabhiyati bhagava) vimalo sadhusamahito thitatto samsaramaticca kevali so anissito 3- tadi pavuccate sa 4- brahma. |367.947| Samitavi pahaya punnapapam virajo natva imam paranca lokam jatimaranam upativatto samano tadi pavuccate tathatta. |367.948| Ninnahaya sabbapapakani ajjhattanca 5- bahiddha ca sabbaloke @Footnote: 1 Yu. pamodito. 2 Po. Ma. bahitva. 3 Ma. Yu. asito. 4 Yu. ayam @patho natthi. 5 Ma. casaddo natthi.--------------------------------------------------------------------------------------------- page431.
Devamanussesu kappiyesu kappam neti tamahu nhatakoti. |367.949| Agum na karoti kinci loke sabbasamyoge visajja bandhanani sabbattha na sajjati vippamutto 1- nago tadi pavuccate tathattati. [368] Atha kho sabhiyo paribbajako .pe. bhagavantam uttarim panham apucchi |368.950| kam khettajinam vadanti buddha (iti sabhiyo) kusalam kena kathanca panditoti muni nama katham pavuccati puttho me bhagava byakarohi. |368.951| Khettani viceyya kevalani (sabhiyati bhagava) dibbam 2- manusakanca brahmakhettam (sabba) khettamulabandhana pamutto khettajino tadi pavuccate tathatta. |368.952| Kosani viceyya kevalani dibbam manusakanca brahmakosam (sabba) kosamulabandhana pamutto kusalo tadi pavuccate tathatta. @Footnote: 1 Ma. Yu. vimutto. 2 Po. dibyam. Yu. divayam.--------------------------------------------------------------------------------------------- page432.
|368.953| Dubhayani viceyya pandarani ajjhattam bahiddha ca suddhapanno kanhasukkam upativatto pandito tadi pavuccate tathatta. |368.954| Asatanca satanca natva dhammam ajjhattam bahiddha ca sabbaloke devamanussehi pujiyo 1- so sangajalamaticca so muniti. [369] Atha sabhiyo kho paribbajako .pe. bhagavantam uttarim panham apucchi |369.955| kimpattinamahu vedagum (iti sabhiyo) anuviditam kena kathanca viriyavati ajaniyo kinti nama hoti puttho me bhagava byakarohi. |369.956| Vedani viceyya kevalani (sabhiyati bhagava) samananam yanipatthi 2- brahmananam sabbavedanasu vitarago sabbam vedamaticca vedagu so. |369.957| Anuvicca papancanamarupam @Footnote: 1 pujitotipi patho. Po. Ma. pujaniyo. 2 Po. yanimatthi. Ma. yanidhatthi.--------------------------------------------------------------------------------------------- page433.
Ajjhattam bahiddha ca rogamulam (sabba) rogamulabandhana pamutto anuvidito tadi pavuccate tathatta. |369.958| Virato sabbapapakehi nirayadukkhamaticca viriyava so so viriyava padhanava dhiro tadi pavuccate tathatta. |369.959| Yassassu lunani 1- bandhanani ajjhattam bahiddha ca sangamulam sabbasangamulabandhana pamutto ajaniyo tadi pavuccate tathatta. [370] Atha kho sabhiyo paribbajako .pe. bhagavantam uttarim panham apucchi |370.960| kimpattinamahu sottiyam (iti sabhiyo) ariyam kena kathanca caranavati paribbajako kinti nama hoti puttho me bhagava byakarohi. |370.961| Sutava sabbadhammam abhinnaya loke (sabhiyati bhagava) savajjanavajjam yadatthi kinci abhibhum akathankathim vimuttam @Footnote: 1 Po. Ma. lulani. Yu. lutani.--------------------------------------------------------------------------------------------- page434.
Anigham sabbadhimahu sottiyoti. |370.962| Chetva alayani asavani 1- vidva so na upeti gabbhaseyyam sannam tividham panujja pankam kappam neti tamahu ariyoti. |370.963| Yo idha caranesu pattipatto kusalo sabbada ajani 2- dhammam sabbattha na sajjati vimuttacitto patigha yassa na santi caranava so. |370.964| Dukkhavepakkam yadatthi kammam uddham adho tiriyancapi 3- majjhe paribbajayitva 4- parinnacari mayam manamathopi lobhakodham pariyantamakasi namarupam tam paribbajakamahu pattipattanti. [371] Atha kho sabhiyo paribbajako bhagavato bhasitam abhinanditva anumoditva attamano udaggo pamudito pitisomanassajato utthayasana ekamsam uttarasangam karitva yena bhagava tenanjalimpanametva bhagavantam sammukha saruppahi gathahi abhitthavi @Footnote: 1 Ma. Yu. asavani alayani. 2 Po. Ma. ajanati. 3 Po. Ma. tiriyam vapi. @4 Yu. parivajjayitva.--------------------------------------------------------------------------------------------- page435.
|371.965| Yani ca tini yani ca satthi 1- samanappavadanissitani 2- bhuripanna sannakkharasannanissitani osaranani vineyya oghatamaga. |371.966| Antagusi paragusi 3- dukkhassa arahasi (sammasambuddho) khinasavam tam 4- manne jutima matima pahutapanno dukkhassantakaram 5- ataresi mam. |371.967| Yam me kankhitamannasi vicikiccham 6- mam atarayi namo te (muni) monapathesu pattipatta akhiladiccabandhu 7- soratosi. |371.968| Ya me kankha pure asi tamme byakasi cakkhuma addha munisi sambuddho natthi nivarana tava. |371.969| Upayasa ca te sabbe viddhasta vinalikata sitibhuto damappatto dhitima saccanikkamo. |371.970| Tassa te naganagassa mahavirassa bhasato sabbe deva anumodanti ubho naradapabbata. |371.971| Namo te purisajanna namo te purisuttama sadevakasmim lokasmim natthi te patipuggalo. @Footnote: 1 Po. tesatthi. 2 Ma. Yu. samanappavadasitani. 3 Ma. Yu. paragu. @4 Po. khinasavanti manne . 5 Ma. Yu. dukkhassantakara. 6 Po. vicikiccha. @Ma. vicikicca mam tarayi . 7 Ma. Yu. akhilaadiccabandhu.--------------------------------------------------------------------------------------------- page436.
|371.972| Tuvam buddho tuvam sattha tuvam marabhibhu muni tuvam anusaye chetva tinno taresimam pajam. |371.973| Upadhi te samatikkanta asava te padalita sihosi anupadano pahinabhayabheravo |371.974| pundarikam yatha vaggu toye na upalimpati evam punne ca pape ca ubhaye tvam na limpasi pade vira pasarehi sabhiyo vandati satthunoti. [372] Atha kho sabhiyo paribbajako bhagavato padesu sirasa nipatitva bhagavantam etadavoca abhikkantam bhante abhikkantam bhante seyyathapi bhante nikkujjitam va ukkujjeyya paticchannam va vivareyya mulhassa va maggam acikkheyya andhakare va telapajjotam dhareyya cakkhumanto rupani dakkhantiti evamevam bhagavata anekapariyayena dhammo pakasito esaham bhagavantam saranam gacchami dhammanca bhikkhusanghanca labheyyaham bhante bhagavato santike pabbajjam labheyyam upasampadanti. {372.1} Yo kho sabhiya annatitthiyapubbo imasmim dhammavinaye akankhati pabbajjam akankhati upasampadam so cattaro mase parivasati catunnam masanam accayena parivutthaparivasam 1- araddhacitta bhikkhu pabbajenti upasampadenti bhikkhubhavaya api cettha 2- puggalavemattata viditati . sace bhante annatitthiyapubba imasmim dhammavinaye akankhanta pabbajjam @Footnote: 1 Po. Ma. Yu. ayam patho natthi. 2 Po. Ma. Yu. apica mettha.--------------------------------------------------------------------------------------------- page437.
Akankhanta upasampadam cattaro mase parivasanti catunnam masanam accayena parivutthaparivase araddhacitta bhikkhu pabbajenti upasampadenti bhikkhubhavaya . aham cattari vassani parivasami catunnam vassanam accayena parivutthaparivasam araddhacitta bhikkhu pabbajentu upasampadentu bhikkhubhavayati . alattha kho sabhiyo paribbajako bhagavato santike pabbajjam alattha upasampadam. {372.2} Acirupasampanno kho panayasma sabhiyo eko vupakattho appamatto atapi pahitatto viharanto na cirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam dittheva dhamme sayam abhinna sacchikatva upasampajja vihasi khina jati vusitam brahmacariyam katam karaniyam naparam itthattayati abbhannasi . annataro kho panayasma sabhiyo arahatam ahositi. Sabhiyasuttam chatthamam. -----------The Pali Tipitaka in Roman Character Volume 25 page 426-437. https://84000.org/tipitaka/read/roman_read.php?B=25&A=8828&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=8828&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=364&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=259 Study Atthakatha :- https://84000.org/tipitaka/attha/attha.php?b=25&i=364 The Pali Atthakatha in Thai :- https://84000.org/tipitaka/atthapali/read_th.php?B=29&A=5488 The Pali Atthakatha in Roman :- https://84000.org/tipitaka/atthapali/read_rm.php?B=29&A=5488 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]