PaliRoman Vol.26

[64] |64.757| ¹⁴ Sahassayuttam hayavahanam subham aruyhimam sandananekacittam uyyanabhumim abhito anukkamam purindado bhutapativa vasavo |64.758| sovannamaya te rathakubbara ubho phalehi amsehi ativa sangata sujatagumba naraviranitthita virocati pannaraseva cando |64.759| suvannajalavitato ^2- ratho ayam bahuhi nanaratanehi cittito sunandighoso ca subhassaro ca virocati camarahatthabahuhi |64.760| ima ca nabhyo manasahi ^3- nimmita rathassa padantaramajjhabhusita ima ca nabhyo satarajicittita saterita ^4- vijjurivappabhasare @Footnote: ¹ Ma. nandane ca vane. Yu. pavane . ² suvannajalavatatotipi dissati. @³ Ma. Yu. manasabhinimmita . ⁴ Ma. saterata. |64.761| Anekacittavitato ^1- ratho ayam puthu ca nemi ca sahassaramsiyo ^2- tesam saro suyyati vaggurupo pancangikam turiyamivappavaditam |64.762| sirasmim cittam manisandakappitam ^3- sada visuddham ruciram pabhassaram suvannarajihi ativa sangatam veluriyarajihi ativa sobhati |64.763| ime ca vali manisandakappita ^3- arohakambu sujava brahmupama braha mahanta balino mahajava mano tavannaya tatheva simsare |64.764| ime ca sabbe sahita catukkama mano tavannaya tatheva simsare samam vahanti muduka anuddhata amodamana turaganamuttama |64.765| dhunanti vagganti pavattanti ambare abbhuddhunanta sukate pilandhane tesam saro suyyati vaggurupo @Footnote: ¹ anekacittavatatotipi dissati . ² Ma. sahassaramsiko. @³ ...canda... itipi dissati. Pancangikam turiyamivappavaditam |64.766| rathassa ghoso apilandhanani ^1- khurassa nadi abhihimsanaya ca ghoso suvaggu samitassa suyyati gandhabbaturiyani vicitrasavane |64.767| rathe thita ta migamandalocana alarapamha hasita piyamvada veluriyajala vinata ^2- tanucchava sadeva gandhabbasuraggapujita |64.768| ratta rattambarapitavasasa visalanetta abhirattalocana kulesu jata sutanu suvimhita ^3- rathe thita panjalika upatthita |64.769| ta kambukayuradhara suvasasa sumajjhima uruthanopapanna vattanguliyo sumukha sudassana rathe thita panjalika upatthita |64.770| annasu venisu sumissakesiyo ^4- samam vibhattahi pabhassarahi ca @Footnote: ¹ apilandhanananca itipi dissati . ² veluriyajalavitatatipi dissati. @³ sucimhitatipi dissati . ⁴ anna suveni sus missakesiyotipi dissati. Anupubbata ta tava manase rata rathe thita panjalika upatthita |64.771| aveliniyo padumuppalacchada alankata candanasaravosita ^1- anupubbata ta tava manase rata rathe thita panjalika upatthita |64.772| ta maliniyo padumuppalacchada alankata candanasaravosita anupubbata ta tava manase rata rathe thita panjalika upatthita |64.773| kanthesu te ^2- yani pilandhanani ca hatthesu padesu tatheva sise obhasayanti dasa sabbato ^3- disa abbhuddayam saradikova bhanuma |64.774| vatassa vegena ca sampakampita bhujesu mala apilandhanani ca muncanti ghosam ruciram sucim subham sabbehi vinnuhi susattarupam ^4- |64.775| uyyanabhumya ca duvatthito ^5- thita @Footnote: ¹ ma ... vasita . ² Yu. tava . ³ Ma. sabbaso. @⁴ Po. sutaggarupam. Ma. sutabbarupam . ⁵ Ma. duvaddhato . Yu. duhatthato. Ratha ca naga turiyani vasaro ^1- tameva devinda pamodayanti vina yatha pokkharapattabahuhi |64.776| imasu vinasu bahusu vaggusu manunnarupasu hadayeritampi tam pavajjamanasu ativa acchara bhamanti kanna padumesu sikkhita |64.777| yatha ca gitani ca vaditani ca naccani cimani samenti ekato athettha naccanti athettha acchara obhasayanti ubhato va rattiya |64.778| so modasi turiyaganappabodhano mahiyamano vajiravudhoriva imasu vinasu bahusu vaggusu manunnarupasu hadayeritampi tam |64.779| kim tvam pure kammamakasi attana manussabhuto purimaya jatiya uposatham kim va tuvam upavisi kim dhammacariyam vatamabhirocasi |64.780| nayidam appassa katassa kammuno pubbe sucinnassa uposathassa va @Footnote: ¹ ca sarotipi dissati. Iddhanubhavo vipulo ayam tava yam devasangham abhirocase bhusam |64.781| danassa te idam phalam atho silassa va pana atho anjalikammassa tamme akkhahi pucchito (iti). |64.782| So devaputto attamano moggallanena pucchito panham puttho viyakasi yassa kammassidam phalam |64.783| jitindriyam buddhamanomanikkamam naruttamam kassapamaggapuggalam apapurantam amatassa dvaram devatidevam satapunnalakkhanam |64.784| tamaddasam kunjaramoghatinnam suvannasinginadabimbasadisam disvana tam khippamahum sucimano tameva disvana subhasitaddhajam |64.785| tamannapanam atha vapi civaram sucim panitam rasasa upetam pupphabhikinnamhi sake nivasane patitthapesim sa asangamanaso |64.786| tamannapanena ca civarena ca khajjena bhojjena ca sayanena ca Santappayitva dipadanamuttamam so saggaso devapure ramamaham |64.787| etenupayena imam niraggalam yannam yajitva tividham visuddham pahayaham manussakam samussayam indasamo devapure ramamaham |64.788| ayunca vannanca sukham balanca panitarupam abhikankhata muni annanca pananca bahum susankhatam patitthapetabbamasangamanaso |64.789| imasmim loke parasmim va pana buddhena settho ca samo na vijjati ahuneyyanam paramahutam ^1- gato punnatthikanam vipulapphalesinanti. Maharathavimanam cuddasamam. Uddanam manduko revati chatto kakkatako ^2- dvarapalako dve karaniya dve suci tayo naga ca dve ratha purisanam pancamo vaggoti pathamo vaggo ^3- pavuccatiti. Bhanavaram tatiyam. @Footnote: ¹ Ma. Yu. paramahtim. ² Ma. Yu. kakkato. ³ Yu. pathamo vaggoti ime patha natthi. Chattho payasikavaggo

The Pali Tipitaka in Roman Character Volume 26 page 110-117. https://84000.org/tipitaka/read/roman_read.php?B=26&A=2220&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=26&A=2220&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=26&item=64&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=26&siri=64 Study Atthakatha :- https://84000.org/tipitaka/attha/attha.php?b=26&i=64 The Pali Atthakatha in Thai :- https://84000.org/tipitaka/atthapali/read_th.php?B=30&A=6631 The Pali Atthakatha in Roman :- https://84000.org/tipitaka/atthapali/read_rm.php?B=30&A=6631 Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26