ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

     [106] |106.238| 9 Yassa atthaya gacchama   kambojam dhanaharaka
                             ayam kamadado yakkho             imam yakkham niyamase
      |106.239| imam yakkham gahetvana      sadhukena pasayha va
                    yanam aropayitvana          khippam gacchama dvarakanti.
      |106.240| Yassa rukkhassa chayaya   nisideyya sayeyya va
                    na tassa sakham bhanjeyya       mittadubbho hi papakoti.
      |106.241| Yassa rukkhassa chayaya    nisideyya sayeyya va
                    khandhampi tassa chindeyya     attho ce tadiso siyati.
      |106.242| Yassa rukkhassa chayaya   nisideyya sayeyya va
                  na tassa 1- pattam bhindeyya   mittadubbho hi papakoti.
      |106.243| Yassa rukkhassa chayaya   nisideyya sayeyya va
                    samulampi tam abbuyha 1-       atthopetadiso siyati.
               |106.244| Yassekarattim hi 2- ghare vaseyya
                             yatthannapanam puriso labhetha
                             na tassa papam manasapi cetaye 3-
@Footnote: 1 Ma. abbuhe .  2 Ma. pi .  3 Ma. cintaye.
                             Katannuta sappurisehi vannita.
      |106.245| Yassekarattimpi ghare vaseyya
                 annena panena upatthito siya
                 na tassa papam manasapi cetaye 1-
                 adubbhapani dahate mittadubbhim.
      |106.246| Yo pubbe katakalyano    paccha papena himsati
                    allapanihato poso             na so bhadrani passatiti.
      |106.247| Yo 2- appadutthassa narassa dussati
                 suddhassa posassa ananganassa
                 tameva balam pacceti papam
                 sukhumo rajo pativatamva khittoti 2-.
      |106.248| Naham devena va manussena va
                 issariyena vaham suppasayho
                 yakkhohamasmi paramiddhipatto
                 durangamo vannabalupapannoti.
      |106.249| Pani te sabbaso vanno    pancadharo madhussavo
                        nanarasa paggharanti           mannehantam purindadam.
      |106.250| Namhi devo na gandhabbo      napi sakko purindado
                      petam ankura janahi                roruvamha 3- idhagatam.
@Footnote: 1 Ma. cintaye .  2 Ma. yo appadutthassa .pe. khittotiti ime patha natthi.
@3 Si. Yu. bheruvamha.
      |106.251| Kimsilo kimsamacaro        roruvamhi 1- pure tvam
                      kena te brahmacariyena      punnam panimhi ijjhati.
      |106.252| Tantavayo pure asim     roruvasmim 2- tada aham
                       sukicchavutti kapano          na me vijjati datave.
      |106.253| Nivesananca 3- me asi   asayhassa upantike
                      saddhassa danapatino          katapunnassa lajjino.
      |106.254| Tattha yacanaka yanti     nanagotta vanibbaka
                      te ca mam tattha pucchanti      asayhassa nivesanam.
      |106.255| Kattha gacchama 4- bhaddam vo     tattha 5- danam padiyati
                      tesaham 6- puttho 7- akkhami   asayhassa nivesanam.
      |106.256| Paggayha dakkhinam bahum      ettha gacchatha bhaddam vo
                      ettha danam padiyati [8]-       tena pani kamadado
      |106.257| tena pani madhussavo         tena me brahmacariyena
                                punnam panimhi ijjhati.
      |106.258| Na kira tvam ada danam         sakapanihi kassaci
                      parassa danam anumodamano   panim paggayha pavadi.
      |106.259| Tena pani kamadado        tena pani madhussavo
                       tena me brahmacariyena         punnam panimhi ijjhati.
@Footnote: 1 Ma. roruvasmim .  2 Yu. bheruvasmim .  3 Si. Yu. avesananca.
@4 Yu. tattha gacchami .  5 Ma. Yu. kattha .  6 Yu. tenaham .  7 Yu. vakkhami.
@[8] Ma. asayhassa nivesane.
      |106.260| Yo so danamada bhante     pasanno sakapanihi
                      so hitva manusam deham          kinnu so disatam gato.
      |106.261| Naham janami asayhasahino
                 angirasassa gatim agatim va
                 sutam ca me vessavanassa santike
                 sakkassa sahabyatam gato asayho.
      |106.262| Alameva katum kalyanam       danam datum yatharaham
                      panim kamadadam disva           ko punnam na karissati.
      |106.263| So hi nuna ito gantva     anuppatvana dvarakam
                      danam tam 1- patthapayissami  yam mamassa sukhavaham.
      |106.264| Dassami annapananca     vatthasenasanani ca
                      papanca udapananca            dugge sankamanani cati.
      |106.265| Kena te anguli kunda 2-  mukhanca kundalikatam
                       akkhini ca paggharanti            kim papam pakatam tayati.
      |106.266| Angirasassa gahapatino        saddhassa gharamesino
                      tassaham danavissagge          dane adhikato ahu.
      |106.267| Tattha yacanake disva        agate bhojanatthike
                      ekamantam apakkamma            akasim kundalimukham.
      |106.268| Tena me anguli kunda      mukhanca kundalikatam
                      akkhini ca 3- paggharanti         tam papam pakatam mayati.
@Footnote: 1 Ma. ayam patho natthi .  2 Ma. kuna .  3 Ma. me.
      |106.269| Dhammena te kapurisa           mukhanca kundalikatam
                       akkhini ca paggharanti            yam tvam parassa danassa
                                akasi kundalimukhanti.
      |106.270| Katham hi danam dadamano       kareyya parapattiyam
                       annapanam khadaniyam             vatthasenasanani cati.
      |106.271| So hi nuna ito gantva     anuppatvana dvarakam
                      danam tam patthapayissami       yam mamassa sukhavaham.
      |106.272| Dassamannanca pananca  vatthasenasanani ca
                       papanca udapananca           dugge sankammanani cati.
      |106.273| Tato hi so nivattitva       anuppatvana dvarakam
                      danam patthayi ankuro             yantam 1- assa sukhavaham.
      |106.274| Ada annanca pananca    vatthasenasanani ca
                       papanca udapananca           vippasannena cetasa.
      |106.275| Ko chato ko ca tasito       ko vattham paridahissati 2-
                        kassa santani yoggani      ito yojentu vahanam.
      |106.276| Ko chatticchati gandhanca      ko malam ko upahanam
                       iti su tattha ghosenti           kappaka sudamagadha
                       sada sayanca pato ca        ankurassa nivesaneti.
      |106.277| Sukham supati ankuro              iti janati mam jano
@Footnote: 1 Ma. yam tumassa .  2 Yu. parivassati.
                     Dukkham supami sindhuka 1-          yam na passami yacake.
      |106.278| Sukham supati ankuro              iti janati mam jano
                      dukkham sindhuka 1- supami        appake su vanibbaketi.
      |106.279| Sakko ce te varam dajja      tavatimsanamissaro
                      kissa sabbassa lokassa         varamano varam vareti.
      |106.280| Sakko ce me varam dajja      tavatimsanamissaro
                       kalutthitassa me sato          suriyuggamanam pati.
                       Dibba bhakkha patubhaveyyum  silavanto ca yacaka
      |106.281| dadato me na khiyetha           datva nanutappeyyaham
                       dadam cittam pasadeyya           evam sakka 2- varam vareti.
      |106.282| Na sabbavittani pare pavecche
                 dadeyya dananca dhananca rakkhe
                 tasma hi dana dhanameva seyyo
                 atippadanena kula na honti.
      |106.283| Idanamatidananca           na pasamsanti pandita
                 tasma hi dana dhanameva seyyo
                 samena vatteyya sa dhiradhammoti.
      |106.284| Aho vatare ahameva dajjam
                 santo hi mam sappurisa bhajeyyum
@Footnote: 1 Ma. Yu. sindhaka .  2 Ma. etam sakkam .  sakkavarantipi disati.
                 Meghova ninnani hi 1- purayanto
                 santappaye sabbavanibbakanam.
      |106.285| Yassa yacanake disva        mukhavanno pasidati
                       datva attamano hoti         tam gharam vasato sukham.
      |106.286| Yassa yacanake disva        mukhavanno pasidati.
                      Datva attamano hoti          esa yannassa 2- sampada.
      |106.287| Pubbeva dana sumano       dadam cittam pasadaye 3-
                       datva attamano hoti         esa 4- yannassa sampadati.
      |106.288| Satthivahasahassani          ankurassa nivesane
                       bhojanam diyate niccam              punnapekkhassa jantuno.
      |106.289| Tisahassani sudani 5-      amuttamanikundala
                       ankuram upajivanti                dane yannassa pavata.
      |106.290| Satthipurisasahassani          amuttamanikundala
                       ankurassa mahadane           kattham phalenti manava.
      |106.291| Solasitthisahassani          sabbalankarabhusita
                       ankurassa mahadane           vidha pindenti nariyo.
      |106.292| Solasitthisahassani          sabbalankarabhusita
                        ankurassa mahadane          dabbiggaha upatthita.
@Footnote: 1 Ma. paripurayanto .  2 Si. Yu. punnassa .  3 Yu. pasadeyya .  4 Yu. eso.
@5 Yu. jana tisahassa suda.
      |106.293| Bahum bahunam padasi          ciram padasi khattiyo
                      sakkaccanca sahattha ca      vittim katva punappunam.
      |106.294| Bahumase ca pakkhe ca       utusamvaccharani ca
                       mahadanam pavattesi          ankuro dighamantaram.
      |106.295| Evam datva yajitva ca     ankuro dighamantaram
                       so hitva manusam deham       tavatimsupago ahuti.
      |106.296| Katacchubhikkham datvana       anuruddhassa indako
                      so hitva manusam deham         tavatimsupago ahu.
      |106.297| Dasahi thanehi ankuram        indako atirocati
                      rupe sadde rase gandhe         photthabbe ca manorame
      |106.298| ayuna yasasa ceva        vannena ca sukhena ca
                      adhipaccena ankuram              indako atirocatiti.
      |106.299| Mahadanam taya dinnam      ankura dighanantaram
                     avidure nisinnosi                agaccha mama santiketi 1-.
      |106.300| Tavatimse yada buddho      silayam pandukambale
                      parichattakamulamhi             vihasi purisuttamo.
      |106.301| Dasasu lokadhatusu            sannipatitvana devata
                      payirupasanti sambuddham       vasantam nagamuddhani.
      |106.302| Na koci devo vannena    sambuddham atirocati
                      sabbe deve atikkamma 2-    sambuddhova virocati.
@Footnote: 1 Ma. mahadanam .pe.  santiketiti ime patha natthi .  2 Si. Yu. adhigayha.
      |106.303| Yojanani dasa ceva       ankuroyam tada ahu
                     avidureva buddhassa            indako atirocati.
      |106.304| Oloketvana sambuddho    ankurancapi indakam
                       dakkhineyyam sambhavento 1- idam vacanamabruvi 2-
      |106.305| mahadanam taya dinnam   ankura dighamantaram
                    atidure nisinnosi           agaccha mama santikam 3- (iti).
      |106.306| Codito bhavitattena     ankuro idamabruvi
                       kim mayham tena danena      dakkhineyyena sunnatam.
      |106.307| Ayam so indako yakkho  dajja danam parittakam
                      atirocati amhehi            cando taragane yatha (iti).
      |106.308| Ujjangale 4- yatha khette   bijam bahumpi ropitam
                      na phalam vipulam hoti 5-        napi toseti kassakam
      |106.309| tatheva danam bahukam        dussilesu patitthitam
                      na phalam vipulam hoti 5-        napi toseti dayakam.
      |106.310| Yathapi bhaddake khette bijam appampi ropitam
                      sammadharam pavecchante   phalam toseti kassakam
      |106.311| tatheva silavantesu        gunavantesu tadisu
                      appakampi katam karam          punnam hoti mahapphalanti.
      |106.312| Viceyya danam databbam    yattha dinnam mahapphalam
@Footnote: 1 Yu. pabhavento .  2 Ma. vacanamabravi .  3 Ma. santiketi .  4 Yu. ujjhangale.
@5 Ma. na vipulaphalam hoti. Yu. na vipulam na phalam hoti.
                       Viceyya danam datvana   saggam gacchanti dayaka.
      |106.313| Viceyya danam sugatappasattham
                      ye dakkhineyya idha jivaloke
                      etesu dinnani mahapphalani
                      bijani vuttani yatha sukhetteti.
                    Ankurapetavatthu navamam.



             The Pali Tipitaka in Roman Character Volume 26 page 188-197. https://84000.org/tipitaka/read/roman_read.php?B=26&A=3813&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=26&A=3813&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=26&item=106&items=1              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=26&siri=106              Study Atthakatha :- https://84000.org/tipitaka/attha/attha.php?b=26&i=106              The Pali Atthakatha in Thai :- https://84000.org/tipitaka/atthapali/read_th.php?B=31&A=2662              The Pali Atthakatha in Roman :- https://84000.org/tipitaka/atthapali/read_rm.php?B=31&A=2662              Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]