PaliRoman Vol.26

[110] |110.351| ¹³ Ahu raja brahmadatto pancalanam rathesabho ahorattanamaccaya raja kalamakrubbatha ^2-. |110.352| Tassa alahanam gantva bhariya kandati ubbari brahmadattam apassanti brahmadattati kandati. |110.353| Isi ca tattha agacchi sampannacaranamuni so ca tattha apucchittha ye tattha su samagata |110.354| kassa cidam alahanam nanagandhasameritam kassayam kandati bhariya ito duragatam patim brahmadattam apassanti brahmadattati kandati. |110.355| Te ca tattha viyakamsu ye tattha su samagata brahmadattassa bhadante brahmadattassa marisa @Footnote: ¹ Yu. bhutva . ² Si. Yu. kalam kari tada. |110.356| Tassa idam alahanam nanagandhasameritam tassayam kandati bhariya ito duragatam patim brahmadattam apassanti brahmadattati kandatiti. |110.357| Chalasitisahassani brahmadattassa namaka imasmim alahane daddha tesam kam anusocasiti. |110.358| Yo raja culaniputto pancalanam rathesabho tam bhante anusocami bhattaram sabbakamadanti. |110.359| Sabbevahesum rajano brahmadattassa namaka sabbeva culaniputta pancalanam rathesabha |110.360| sabbesam anupubbena mahesittam akarayi kasma purimake hitva pacchimam anusocasiti. |110.361| Atume itthibhutaya digharattaya marisa yassa me itthibhutaya samsare bahu bhasasiti. |110.362| Ahu itthi ahu puriso pasuyonimpi ^1- agama evametam atitanam pariyanto na dissatiti. |110.363| Adittam vata mam santam ghatasittamva pavakam varina viya osincam sabbam nibbapaye daram |110.364| abbulhi ^2- vata me sallam sokam hadayanissitam yo me sokaparetaya patisokam apanudi. @Footnote: ¹ Yu. pasum yonimpi agama . ² Ma. ablahi . Yu. abbulham. |110.365| Saham abbulhasallasmi sitibhutasmi nibbuta na socami na rodami tava sutva mahamuniti. |110.366| Tassa tam vacanam sutva samanassa subhasitam pattacivaramadaya pabbaji anagariyam |110.367| sa ca pabbajita santa agarasma anagariyam mettam cittam abhavesi brahmalokupapattiya |110.368| gama gamam vicaranti nigame rajadhaniyo. Uruvelam ^1- nama so gamo yattha kalamakrubbatha |110.369| mettacittam abhavetva ^2- brahmalokupapattiya itthicittam virajetva brahmalokupaga ahuti. Ubbaripetavatthu terasamam. Uddanam. Pandumata ^3- patiya ca nandi kundalina ghato dvesetthi tantavayo ^4- viharasuttasovanaubbariti ^5-. Ubbarivaggo dutiyo. -------------

The Pali Tipitaka in Roman Character Volume 26 page 202-204. https://84000.org/tipitaka/read/roman_read.php?B=26&A=4103&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=26&A=4103&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=26&item=110&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=26&siri=110 Study Atthakatha :- https://84000.org/tipitaka/attha/attha.php?b=26&i=110 The Pali Atthakatha in Thai :- https://84000.org/tipitaka/atthapali/read_th.php?B=31&A=3786 The Pali Atthakatha in Roman :- https://84000.org/tipitaka/atthapali/read_rm.php?B=31&A=3786 Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26