PaliRoman Vol.26

Tatiyo cūḷavaggo [111] |111.370| 1 Abhijjamāne vārimhi gaṅgāya idha gacchasi naggo pubbaḍḍhapetova mālādhārī alaṅkato kuhiṃ gamissasi peto ^6- kattha vāso bhavissatīti. @Footnote: ¹ Ma. uruveḷā . ² Yu. abhāvetvā . ³ Ma. mocakaṃ mātā mattā ca nandā. @⁴ Ma. tunnavāyo ca uttarasuttakaṇṇaubbarīti . ⁵ idaṃ uddānaṃ na dissati. @⁶ Ma. peta. |111.371| Cundaṭṭhilaṃ ^1- gamissāmi peto so iti bhāsati ^2- antare vāsabhagāmaṃ bārāṇasiyā ^3- va santike. |111.372| Tañca disvā mahāmatto koliyo iti vissuto sattubhattañca petassa pītakañca yugaṃ adā. |111.373| Nāvāya tiṭṭhamānāya kappakassa adāpayi kappakassa padinnamhi ṭhāne petassa dissatha. |111.374| Tato suvatthavasano mālādhārī alaṅkato ṭhāne ṭhitassa petassa dakkhiṇā upakappatha tasmā dajjetha petānaṃ anukampāya punappunanti. |111.375| Sāhunnavāsino ^4- eke aññe kesanivāsino ^5- petā bhattāya gacchanti pakkamanti diso disaṃ. |111.376| Dūrepeke ^6- padhāvitvā aladdhā ca nivattare chātā pamucchitā gantvā ^7- bhūmiyaṃ paṭisumbhitā |111.377| keci tattha ca patitā ^8- bhūmiyaṃ paṭisumbhitā pubbe akatakalyāṇā aggidaḍḍhāva ātape. |111.378| Mayaṃ ^9- pubbe pāpadhammā gharaṇī kulamātaro santesu deyyadhammesu dīpaṃ nākamha attano. @Footnote: ¹ Yu. cundatthiyaṃ . ² Yu. bhāsasi . ³ Ma. bārāṇasiṃ ca ... . ⁴ Ma. sātunna .... @⁵ Ma. ... vāsinā . ⁶ Ma. Yu. dūre eke . ⁷ Ma. Yu. bhantā . ⁸ Ma. te ca tattha @⁸ Ma. te ca tattha papatitā . ⁹ Yu. mayampi. |111.379| Pahūtaṃ annapānaṃ hi apissu ^1- avakirīyati samaggate ^2- pabbajite na ca kiñci adamhase. |111.380| Akammakāmā alasā sādhukāmā mahagghasā ālopapiṇḍadātāro paṭiggahe paribhāsitā ^3-. |111.381| Te gharā tā va dāsiyo tānevābharaṇāni no te aññe paricārenti ^4- mayaṃ dukkhassa bhāgino |111.382| veṇiṃ vā avaññā honti rathakārī ca dubbhikā caṇḍālī kapaṇā honti kappakā ^6- ca punappunaṃ. |111.383| Yāni yāni nihīnāni kulāni kapaṇāni ca tesu tesveva jāyanti esā maccharino gati. |111.384| Pubbe ca katakalyāṇā dāyakā vītamaccharā saggante paripūrenti obhāsenti ca nandanaṃ. |111.385| Vejayante ca pāsāde ramitvā kāmakāmino uccākulesu jāyanti sabhogesu tato cutā. |111.386| Kūṭāgāre ca pāsāde pallaṅke goṇakatthate ^7- vījitaṅgā morahatthehi kule jātā yasassino. |111.387| Aṅgato aṅgaṃ ^8- gacchanti mālādhārī alaṅkatā jātiyo ^9- upatiṭṭhanti sāyaṃ pātaṃ sukhesino. @Footnote: ¹ Yu. apisu . ² Yu. samāgate . ³ Ma. Yu. paribhāsimhase . ⁴ Yu. parihārenti. @⁵ Ma. veṇī . ⁶ Yu. nhāminī . ⁷ Yu. goṇasaṇṭhite . ⁸ Yu. aṅkato aṅkaṃ. @⁹ Ma. bhātiyo. |111.388| Nayidaṃ akatapuññānaṃ katapuññānamevidaṃ asokaṃ nandanaṃ rammaṃ tidasānaṃ mahāvanaṃ |111.389| sukhaṃ akatapuññānaṃ idha natthi parattha ca sukhañca katapuññānaṃ idha ceva parattha ca. |111.390| Tesaṃ sahabyakāmānaṃ kattabbaṃ kusalaṃ bahuṃ katapuññā hi modanti sagge bhogasamaṅginoti. Abhijjamānapetavatthu paṭhamaṃ.

The Pali Tipitaka in Roman Character Volume 26 page 204-207. https://84000.org/tipitaka/read/roman_read.php?B=26&A=4151 Compare with The Pali Tipitaka in Thai Character :- https://84000.org/tipitaka/read/pali_read.php?B=26&A=4151 Compare with The Royal Version of Thai Tipitaka :- https://84000.org/tipitaka/read/byitem.php?book=26&item=111&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=26&siri=111 Study Atthakatha :- https://84000.org/tipitaka/attha/attha.php?b=26&i=111 The Pali Atthakatha in Thai :- https://84000.org/tipitaka/atthapali/read_th.php?B=31&A=3963 The Pali Atthakatha in Roman :- https://84000.org/tipitaka/atthapali/read_rm.php?B=31&A=3963 Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26