|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ
10 Campeyyajatakam [2180] Ka nu vijjurivabhasi osadhi viya taraka devata nusi gandhabbi na tam mannami manusi 1-. [2181] Namhi devi na gandhabbi na maharaja manusi nagakannasmi bhaddante atthenamhi idhagata. [2182] Vibbhantacitta kupitindriyasi nettehi te varigana savanti @Footnote: 1 Ma. manusim.--------------------------------------------------------------------------------------------- page449.
Kinte nattham kim pana patthayana idhagata nari tadingha bruhi. [2183] Yamuggatejo uragoti cahu nagoti nam ahu jano 1- janinda tamaggahi puriso jivikattho tam bandhana munca pati mameso. [2184] Kathanvayam balaviriyupapanno hatthatthamagacchi vanibbakassa akkhahi me nagakanne tamattham katam vijanemu gahitanagam. [2185] Nagarampi nago bhasmam kareyya tathahi so balaviriyupapanno dhammanca nago apacayamano tasma parakkamma tapo karoti. [2186] Catuddasim pannarasim 2- ca raja catuppathe sammati nagaraja tamaggahi puriso jivikattho tam bandhana munca pati mameso. [2187] Solasitthisahassani amuttamanikundala varigehasaya nari tapi tam saranam gata. @Footnote: 1 Ma. jana . 2 Ma. pancadasim.--------------------------------------------------------------------------------------------- page450.
Dhammena mocehi asahasena gamena nikkhena gavam satena ossatthakayo urago caratu punnatthiko muncatu bandhanasma. [2188] Dhammena mocemi asahasena gamena nikkhena gavam satena ossatthakayo urago caratu punnatthiko muncatu bandhanasma. Dammi nikkhasatam ludda thulanca manikundalam caturassanca pallankam ummarapupphasannibham. Dve ca sadisiyo bhariya usabhanca gavam satam ossatthakayo urago caratu punnatthiko muncatu bandhanasma. [2189] Vinapi dana tava vacanam janinda muncemu nam uragam bandhanasma ossatthakayo urago caratu punnatthiko muncatu bandhanasma. [2190] Mutto campeyyako nago rajanam etadabravi namo te kasirajatthu namo te kasivaddhana anjalim te pagganhami passeyyam me nivesanam.--------------------------------------------------------------------------------------------- page451.
[2191] Addha hi dubbissasametamahu yam manuso vissase amanusamhi sace ca mam yacasi etamattham dakkhemu te naga nivesanani. [2192] Sacepi vato girimavaheyya cando ca suriyo ca chama pateyyum sabba ca najjo patisotam vajeyyum na tvevaham raja musa bhaneyyam. Nabham phaleyya udadhi visusse 1- samvatteyya bhutadhara vasundhara siluccayo meru samulamubbahe na tvevaham raja musa bhaneyyam. [2193] Addha hi dubbissasametamahu yam manuso vissase amanusamhi sace ca mam yacasi etamattham dakkhemu te naga nivesanani. [2194] Tumhe khottha ghoravisa ulara mahateja khippakopi ca hotha mama karana bandhanasma pamutto arahasi no janitave 2- katani. @Footnote: 1 Ma. udadhipi susse . 2 Si. janitaye. Ma. janituye. Yu. janitaye.--------------------------------------------------------------------------------------------- page452.
[2195] So paccatam niraye ghorarupe ma kayikam satamalattha kinci pelaya bandho maranam upetu yo tadisam kammakatam na jane. [2196] Saccappatinna tavamesa hotu akkodhano hohi anupanahi sabbanca te nagakulam supanna aggimva gimhasu 1- vivajjayantu. [2197] Anukampasi nagakulam janinda mata yatha suppiyamekaputtam ahanca te nagakulena saddhim kahami veyyavatikam ularam. [2198] Yojentu ve rajarathe sucitte kambojake assatare sudante nage ca yojentu suvannakappane dakkhemu nagassa nivesanani. [2199] Bheri mudinga panava ca sankha avajjayimsu uggasenaranno payasi raja bahu sobhamano purakkhato nariganassa majjhe. @Footnote: 1 Ma. gimhesu.--------------------------------------------------------------------------------------------- page453.
[2200] Suvannacittakam bhumim addakkhi kasivaddhano sovannamaye ca pasade veluriyaphalakatthate. Sa raja pavisi byamham campeyyassa nivesanam adiccavannasannibham kamsavijjupabhassaram. Nanarukkhehi sanchannam nanagandhasamiritam so pavekkhi kasiraja campeyyassa nivesanam. Pavitthasmim kasiranne campeyyassa nivesane dibba turiya pavajjimsu nagakanna ca naccisum 1-. Tam nagakanna caritam ganena anvaruhi kasiraja pasanno nisidi sovannamayamhi pithe sapassaye candanasaralitte. [2201] So tattha bhutva ca atho ramitva campeyyakam kasiraja avoca vimanasetthani imani tuyham adiccavannani pabhassarani netadisam atthi manussaloke kimatthiyam 2- naga tapo karosi. Ta kambukayuradhara suvattha vattanguli tambatalupapanna @Footnote: 1 Si. Yu. naccayum . 2 Ma. kim patthayam. evamuparipi.--------------------------------------------------------------------------------------------- page454.
Paggayha payenti anomavanna netadisam atthi manussaloke kimatthiyam naga tapo karosi. Najjo ca tema puthulomamaccha adasakuntabhiruda sutittha netadisam atthi manussaloke kimatthiyam naga tapo karosi. Konca mayura diviya ca hamsa vaggussara kokila sampatanti netadisam atthi manussaloke kimatthiyam naga tapo karosi. Amba ca sala tilaka ca jambuyo uddalaka pataliyo ca phulla netadisam atthi manussaloke kimatthiyam naga tapo karosi. Ima ca te pokkharanna samantato dibya ca gandha satatam sampavayanti netadisam atthi manussaloke kimatthiyam naga tapo karosi. [2202] Na puttahetu na dhanassa hetu--------------------------------------------------------------------------------------------- page455.
Na ayuno capi janinda hetu manussayonim abhipatthayano tasma parakkamma tapo karomi. [2203] Tvam lohitakkho vihatantaramso alankato kappitakesamassu surosito lohitacandanena gandhabbarajava disa pabhasasi. Deviddhipattosi mahanubhavo sabbehi kamehi samangibhuto pucchami tam nagarajetamattham seyyo ito kena manussaloko. [2204] Janinda nannatra manussaloka suddhi va samvijjati samyamo va ahanca laddhana manussayonim kamami jatimaranassa antam. [2205] Addha have sevitabba sapanna bahussuta ye bahuthanacintino nariyo ca disvana tuvanca naga kahami punnani anappakani. [2206] Addha have sevitabba sapanna--------------------------------------------------------------------------------------------- page456.
Bahussuta ye bahuthanacintino nariyo ca disvana mamanca raja karohi punnani anappakani. [2207] Idanca me jatarupam pahutam rasi suvannassa ca talamatta ito 1- haritva sovannagharani karaya rupiyassa ca pakaram karontu 1-. Muttananca vahasahassani panca veluriyamissani ito haritva antepure bhumiyam santharantu nikkaddama hehiti niraja ca. Etadisam avasa rajasettha vimanasettham bahu sobhamanam baranasim nagaram iddham phitam rajjanca karehi anomapannati. Campeyyajatakam dasamam. ----------The Pali Tipitaka in Roman Character Volume 27 page 448-456. https://84000.org/tipitaka/read/roman_read.php?B=27&A=9223&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=27&A=9223&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=2180&items=28 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=27&siri=506 Study Atthakatha :- https://84000.org/tipitaka/attha/attha.php?b=27&i=2180 The Pali Atthakatha in Thai :- https://84000.org/tipitaka/atthapali/read_th.php?B=41&A=2270 The Pali Atthakatha in Roman :- https://84000.org/tipitaka/atthapali/read_rm.php?B=41&A=2270 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]