PaliRoman Vol.28

² Mahahamsajatakam [199] |199.1| Ete hamsa pakkamanti vankanga bhayamerita harittaca hemavanna kamam sumukha pakkama. |199.2| Ohaya mam natigana ekam pasavasam gatam anapekkhamana gacchanti kim eko avahiyasi. |199.3| Pateva patatam settha natthi bandhe ^1- sahayata ma anighaya hapesi kamam sumukha pakkama. [200] |200.1| Naham dukkhaparetopi dhatarattha tuvam jahe jivitam maranam va me taya saddhim bhavissati. |200.2| Naham dukkhaparetopi dhatarattha tuvam jahe na mam anariyasamyutte kamme yojetumarahasi. |200.3| Sakumaro sakha tyasmi sacittesmi ^2- te thito nato senapati tyaham hamsanam pavaruttama |200.4| kathamaham vikatthissam ^3- natimajjhe ito gato tam hitva patatam settha kinte vakkhamito gato idha panam cajissami nanariyam kattumussahe. @Footnote: ¹ Ma. baddhe . ² Ma. sacitte casmi . ³ Yu. vikattissam. [201] |201.1| Eso hi dhammo sumukha yam tvam ariyapathe thito yo bhattaram sakharam mam na pariccattumussahe. |201.2| Tanhi me pekkhamanassa bhayam natveva jayati adhigacchasi tvam mayham evambhutassa jivitam. [202] |202.1| Iccevam mantayantanam ariyanam ariyavuttinam dandamadaya nesado apati turito bhusam. |202.2| Tamapatantam disvana sumukho atibruhayi ^1- atthasi purato ranno hamso vissasayam byatham. |202.3| Ma bhayi patatam settha na hi bhayanti tadisa aham yogam payunjissam yuttam dhammupasanhitam tena pariyapadanena khippam pasa pamokkhasi. [203] |203.1| Tassa tam vacanam sutva sumukhassa subhasitam pahatthalomo nesado anjalissupanamayi ^2-. |203.2| Na me sutam va dittham va bhasanto manusim dijo ariyam bruhanto ^3- vankango cajanto manusim giram. |203.3| Kinnu tayam dijo hoti mutto bandham ^4- upasasi ohaya sakuna yanti kim eko avahiyasi. [204] |204.1| Raja me so dijamitta senapaccassa karayim tamapade pariccattum nussahe vihagadhipam. |204.2| Mahaganayam ^5- bhatta me ma eko byasanam aga @Footnote: ¹ Si. Yu. aparibruhayi . ² Ma. anjalissa panamayi . ³ Ma. bruvano. @⁴ Ma. baddham. ito param idisameva . ⁵ Ma. mahaganaya. Yatha tam samma nesada bhattayam abhito rame. [205] Ariyavutti ^1- vankanga yo pindamapacayasi cajami te tam bhattaram gacchathubho yathasukham. [206] |206.1| Sace attappayogena ohito hamsapakkhinam patigganhama te samma etam abhayadakkhinam. |206.2| No ce attappayogena ohito hamsapakkhinam anissaro muncam amhe theyyam kayirasi luddaka. [207] Yassa tvam bhatako ranno kamam tasseva papaya tassa ^2- samyamano raja yathabhinnam karissati. [208] |208.1| Iccevam vutto nesado hemavanne harittace ubho hatthehi paggayha ^3- panjare ajjhavodahi. |208.2| Te panjaragate pakkhi ubho bhassaravannine sumukham dhataratthanca luddo adaya pakkami. [209] |209.1| Hariyamano dhatarattho sumukham etadabravi balham bhayami sumukha samaya lakkhanuruya asmakam vadhamannaya athattanam vadhissati. |209.2| Pakahamsa ca sumukha suhema hemasuttaca konci samuddatireva kapana nuna ruccati. [210] |210.1| Evam mahanto lokassa appameyyo mahagani ekitthimanusoceyya nayidam pannavatomiva. @Footnote: ¹ Ma. ariyavattasi . ² Ma. tattha . ³ Ma. sangayha. |210.2| Vatova gandhamadeti ubhayam chekapapakam balo amakapakkamva lolo andhova amisam. |210.3| Avinicchayannu atthesu mandova patibhasi mam kiccakiccam na janasi sampatto kalapariyayam. |210.4| Addhummatto udiresi yo seyyo mannasitthiyo bahusadharana heta sondanamva suragharam. |210.5| Maya ceta mariciva soka roga cupaddava kharava bandhana ceta maccupasa guhasaya tasu yo vissase poso so naresu naradhamo. [211] |211.1| Yam vuddhehi upannatam ko tam ninditumarahati mahabhutitthiyo nama lokasmim upapajjisum. |211.2| Khidda panihita tasu rati tasu patitthita vijani tasu ruhanti yadidam satta pajayare tasu ko nibbije ^1- poso panamasajja panibhi. |211.3| Tvameva nanno sumukha thinam atthesu yunjasi tassa tyajja bhaye jate bhitena jayate mati. |211.4| Sabbo hi samsayam patto bhayam bhiru titikkhati pandita hi mahantano atthe yunjanti duyyuje. |211.5| Etadatthaya rajano suramicchanti mantinam patibahati yam suro apadam attapariyayam. @Footnote: ¹ Ma. nibbide. |211.6| Ma no ajja vikantimsu ranno suda mahanase tathahi vanno pattanam phalam velumva tam vadhi. |211.7| Muttopi necchasi uddetum sayam bandham upagami sopajja samsayam patto attham ganhahi ma mukham. [212] So tvam ^1- yogam payunjassu yuttam dhammupasanhitam tava pariyapadanena mama panesanam cara. [213] Ma bhayi patatam settha na hi bhayanti tadisa aham yogam payunjissam yuttam dhammupasanhitam mama pariyapadanena khippam pasa pamokkhasi. [214] So luddo hamsakajena rajadvaram upagami pativedetha mam ranno dhataratthayamagato. [215] |215.1| Te disva punnasankase ubho lakkhanasammate ^2- khalu sannamano raja amacce ajjhabhasatha. |215.2| Detha luddassa vatthani annam pananca bhojanam kamankaro hirannassa yavanto esa icchati. [216] |216.1| Disva luddam pasannattam kasirajetadabravi ^3- yadayam ^4- samma khemaka punna hamsehi titthati. |216.2| Katham rucimajjhagatam pasahattho upagami okinnam natisanghehi nimmajjhimam katham gahi. [217] |217.1| Ajja me sattama ratti adanani ^5- upasato @Footnote: ¹ Ma. tam . ² Si. Yu. lakkhannasammate . ³ Ma. kasiraja tadabravi . ⁴ yadyayam. @⁵ Ma. adanani. Padametassa anvesam appamatto ghatassito. |217.2| Athassa padamaddakkhim carato adanesanam tatthaham odahim pasam evantam dijamaggahim. [218] Ludda dve ime sakuna atha ekoti bhasasi cittam nu te vipariyattam ^1- adu kinnu jigimsasi. [219] |219.1| Yassa lohitaka tala tapaneyyanibha ^2- subha uram samhacca titthanti so me bandham upagami. |219.2| Athayam bhassaro pakkhi abandho bandhamaturam ariyam bruhanto ^3- atthasi vadanto ^4- manusim giram. [220] Kathannudani ^5- sumukha hanum samhacca titthasi adu me parisam patto bhaya bhito na bhasasi. [221] Naham kasipati bhito oggayha parisam tava naham bhaya na bhasissam vakyam atthasmi tadise. [222] |222.1| Na te abhissaram passe na rathe napi pattike nassa cammam va kitam va vammine ^6- ca dhanuggahe. |222.2| Na hirannam suvannam va nagaram va sumapitam okinnaparikham duggam dalhamattalakotthakam yattha pavittho sumukha bhayitabbam na bhayasi. [223] |223.1| Na me abhissarenattho nagarena dhanena va apathena patham yama antalikkhe cara mayam. @Footnote: ¹ vipallatthantipi . ² Ma. tapaniyanibha . ³ Ma. bruvano . ⁴ Ma. cajanto. @⁵ Ma. atha kim dani. Si. Yu. atha kinnu . ⁶ Ma. vammite. |223.2| Suta ca panditatyamha nipuna catthacintaka ^1- bhasematthavatim vacam sacce cassa patitthito. |223.3| Kinca tuyham asaccassa anariyassa karissati musavadissa luddassa bhanitampi subhasitam. [224] |224.1| Tam brahmananam vacana imam khemamakarayi abhayanca taya ghuttham imayo dasadha disa. |224.2| Oggayha te pokkharanim vippasannodakam sucim pahutam khadanam ^2- tattha ahimsa cettha pakkhinam. |224.3| Idam sutvana nigghosam agatamha tavantike te te bandhasma pasena etante bhasitam musa. |224.4| Musavadam purakkhatva icchalobhanca papakam ubhosandhim atikkamma asatam upapajjati. [225] |225.1| Naparajjhama sumukha napi lobhava maggahim suta ca panditatyattha nipuna catthacintaka ^3-. |225.2| Appevatthavatim vacam byahareyyum ^4- idhagata tathatam samma nesado vutto sumukha maggahi. [226] |226.1| Neva bhuta ^5- kasipati upanitasmi jivite bhasematthavatim vacam sampatta kalapariyayam. |226.2| Yo migena migam hanti pakkhinam ^6- pana pakkhina sutena va sutam kilya ^7- kim anariyataram tato. @Footnote: ^1-3 Ma. atthacintaka . ² Ma. cadanam . ⁴ Si. Yu. byakareyyum . ⁵ Ma. bhita. @⁶ Ma. pakkhim va . ⁷ Ma. kinya. Si. Yu. kine. kilye itipi. |226.3| Yo cariyarudam bhase anariyadhammavassito ubho so dhamsate loka idha ceva parattha ca. |226.4| Na majjetha yasam patto na byadhe ^1- pattasamsayam vayametheva kiccesu samvare vivarani ca. |226.5| Ye vuddha abbhatikkanta sampatta kalapariyayam idha dhammam caritvana evam te ^2- tidivangata. |226.6| Idam sutva kasipati dhammamattani palaya dhataratthanca muncahi hamsanam pavaruttamam. [227] |227.1| Aharantudakam pajjam asananca maharaham panjarato pamokkhami dhatarattham yasassinam. |227.2| Tanca senapatim dhiram nipunam atthacintakam yo sukhe sukhito ranno ^3- dukkhite hoti dukkhito. |227.3| Ediso kho arahati pindamasnatu bhattuno yathayam sumukho ranno panasadharano sakha. [228] |228.1| Pithanca sabbasovannam atthapadam manoramam mattham kasikavatthinam ^4- dhatarattho upavisi. |228.2| Kocchanca sabbasovannam veyyagghaparisibbitam sumukho ajjhapavekkhi ^5- dhataratthassanantara. |228.3| Tesam kancanapattehi puthu adaya kasiyo hamsanam abhiharesum aggam ranno pavasitam. @Footnote: ¹ Si. Yu. byathe. ² Si. Yu. evete. ³ Ma. ranne. ⁴ Si. kasikapatthinnam. @Ma. kasikamatthannam. ⁵ Ma. ajjhupavekkhi. [229] |229.1| Disva abhihatam aggam kasirajena pesitam kusalo khattadhammanam tato pucchi anantara. |229.2| Kacci nu bhoto kusalam kacci bhoto anamayam kacci ratthamidam phitam dhammena anusasasi ^1-. [230] Kusalanceva me hamsa atho hamsa anamayam atho ratthamidam phitam dhammena anusasaham. [231] Kacci bhoto amaccesu doso koci na vijjati kacci ca te tavatthesu navakankhanti jivitam. [232] Athopi me amaccesu doso koci na vijjati athopi te mamatthesu navakankhanti jivitam. [233] Kacci te sadisi bhariya assava piyabhanini puttarupayasupeta tava chandavasanuga. [234] Atho me sadisi bhariya assava piyabhanini puttarupayasupeta mama chandavasanuga. [235] Kacci rattham anuppilam akutociupaddavam asahasena dhammena samena anusasasi. [236] Atho rattham anuppilam akutociupaddavam asahasena dhammena samena anusasaham. [237] Kacci santo apacita asanto parivajjita no ca ^2- dhammam nirankatva adhammamanuvattasi. @Footnote: ¹ Ma. manusasasi. ² Ma. ce. [238] Santo ca me apacita asanto parivajjita dhammamevanuvattami adhammo me nirankato. [239] Kacci nunagatam ^1- digham samavekkhasi khattiya kacci matto madaniye paralokam na santasi. [240] |240.1| Aham anagatam digham samavekkhami pakkhima thito dasasu dhammesu paralokam na santasim ^2-. |240.2| Danam silam pariccagam ajjavam maddavam tapam akkodham avihimsanca khantinca avirodhanam. |240.3| Iccete kusale dhamme thite passami attani tato me jayate piti somanassancanappakam. |240.4| Sumukho ca acintetva visajji ^3- pharusam giram bhavadosamanannaya asmakayam vihangamo. |240.5| So kuddho pharusam vacam niccharesi ayoniso yanasmasu ^4- na vijjanti nayidam pannavatamiva. [241] |241.1| Atthi me tam atisaram vegena manujadhipa dhataratthe ca bandhasmim dukkham me vipulam ahu. |241.2| Tvam no pitava puttanam bhutanam dharaniriva asmakam adhipannanam khamassu rajakunjara. [242] Evante ^5- anumodama yam bhavam na niguhasi khilam pabhindasi pakkhi ujukosi vihangama. @Footnote: ¹ Ma. nanagatam. ² Ma. santase. ³ Si. Yu. vissaji. ⁴ Ma. yanasmesu. @⁵ Ma. etam te. [243] |243.1| Yankinci ratanam atthi kasirajanivesane rajatam jatarupanca mutta veluriya bahu. |243.2| Manayo sankhamuttanca vatthikam ^1- haricandanam ajinam dantabhandanca loham kalayasam bahum etam dadami vo vittam issaram ^2- vissajami vo. [244] |244.1| Addha apacita tyamha sakkata ca rathesabha dhammesu vattamananam tvam no acariyo bhava. |244.2| Acariya samanunnata taya anumata mayam tam padakkhinato katva nati ^3- passemurindama. [245] Sabbarattim cintayitva mantayitva yathatatham kasiraja anunnasi hamsanam pavaruttamam. [246] Tato ratya vivasane suriyassuggamanam pati pekkhato kasirajassa bhavanato ^4- vigahisum. [247] |247.1| Te aroge anuppatte disvana parame dije kekatimakarum hamsa puthusaddo ajayatha. |247.2| Te patita pamuttena bhattuna bhattugarava samanta parikarimsu ^5- andaja laddhapaccaya. [248] Evam mittavatam attha sabbe honti padakkhina hamsa yatha dhatarattha natisanghamupagamunti. Mahahamsajatakam dutiyam. @Footnote: ¹ Ma. vatthakam. ² Ma. issariyam. ³ Ma. nati. ⁴ Ma. bhavana te. @⁵ Ma. parikirimsu. sabbattha idisameva.

The Pali Tipitaka in Roman Character Volume 28 page 77-87. https://84000.org/tipitaka/read/roman_read.php?B=28&A=1574&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=28&A=1574&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=28&item=199&items=50 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=28&siri=9 Study Atthakatha :- https://84000.org/tipitaka/attha/attha.php?b=28&i=199 The Pali Atthakatha in Thai :- https://84000.org/tipitaka/atthapali/read_th.php?B=42&A=4899 The Pali Atthakatha in Roman :- https://84000.org/tipitaka/atthapali/read_rm.php?B=42&A=4899 Contents of The Tipitaka Volume 28 https://84000.org/tipitaka/read/?index_28 https://84000.org/tipitaka/english/?index_28