ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 28 : PALI ROMAN Sutta Pitaka Vol 20 : Sutta. Khu. Jā.(2): paññāsa-Mahānipātajātakaṃ

                    4 Nemirajajatakam 1-
     [525] |525.1| Accheram vata lokasmim       uppajjanti vicakkhana
                          yada ahu nimiraja            pandito kusalatthiko
            |525.2| raja sabbavidehanam          ada danam arindamo.
                          Tassa tam dadato danam          sankappo upapajjatha
                          danam va brahmacariyam va     katamam su mahapphalam.
     [526] |526.1| Tassa sankappamannaya maghava devakunjaro
                          sahassanetto paturahu       vannena vihatantamam.
            |526.2| Salomahattho manujindo      vasavam avaca nimi
                          devata nusi gandhabbo       adu sakko purindado.
            |526.3| Na ca metadiso vanno      dittho va yadiva suto
                          acikkha me tvam bhaddante   katham janemu tam mayam.
            |526.4| Salomahattham natvana         vasavo avaca nimim
                          sakkohamasmi devindo       agatosmi tavantike
                          alomahattho manujinda       puccha panham yamicchasi.
            |526.5| So ca tena katokaso         vasavam avaca nimi
                          pucchami tam maharaja          sabbabhutanamissara
                          danam va brahmacariyam va     katamam su mahapphalam.
            |526.6| So puttho naradevena          vasavo avaca nimim
                          vipakam brahmacariyassa        janam akkhasijanato.
@Footnote: 1 Ma. nimijatakam.
            |526.7| Hinena brahmacariyena         khattiye upapajjati
                          majjhimena ca devattam         uttamena visujjhati.
            |526.8| Na hete sulabha kaya        yacayogena kenaci
                          ye kaye upapajjanti         anagara tapassino.
     [527] |527.1| Dudipo sagaro selo      mucalindo bhagiraso 1-
                          usinnaro atthako ca          assako ca puthuddhano.
            |527.2| Ete canne ca rajano     khattiyaya brahmana bahu
                          puthuyannam yajitvana          petattam nativattimsu 2-.
     [528] Ye adutiya na ramanti ekika
                  vivekajam ye na labhanti pitim
                  kincapi te indasamanabhoga
                  te ve paradhinasukha varaka.
     [529] |529.1| Addhayime 3- ativattimsu  anagara tapassino
                          sattisayo yamahanu            somayago manojavo.
            |529.2| Samuddo magho bharato 4-   isi kalapurakkhito
                          angiraso kassapo ca           kisavaccho akanti ca.
     [530] |530.1| Uttarena nadi sida        gambhira duratikkama
                          nalaggivanna jotanti      sada kancanapabbata.
            |530.2| Parulhagaccha taggara        parulhagaccha vana naga
                          tatrasum dasasahassa          porana isayo pure.
@Footnote: 1 bhagirathoti manne .   2 Ma. nativattisum .  3 Ma. atha yime .  4 Ma. bharato ca.
            |530.3| Aham setthosmi danena      sannamena damena ca
                          anuttaram vatam katva            pakiracari samahite.
            |530.4| Jatimantam ajaccanca         ahamujugatam naram
                          ativelam namassissam            kammabandhu hi manava.
            |530.5| Sabbe vanna adhammattha  patanti nirayam adho
                          sabbe vanna visujjhanti  caritva dhammamuttamam.
     [531] Idam vatvana maghava                   devaraja sujampati
              vedehamanusasitva                       saggakayam apakkami.
     [532] |532.1| Imam bhonto nisametha    yavantettha samagata
                          dhammikanam manussanam         vannam uccavacam bahum.
            |532.2| Yatha ayam nimiraja            pandito kusalatthiko
                          raja sabbavidehanam         ada danam arindamo.
            |532.3| Tassa tam dadato danam          sankappo upapajjatha
                          danam va brahmacariyam va     katamam su mahapphalam.
     [533] Abbhuto vata lokasmim                   uppajji somahamsano
                dibbo ratho paturahu                    vedehassa yasassino.
     [534] |534.1| Devaputto mahiddhiko     matali devasarathi
                     nimantayittha rajanam               vedeham mithilaggaham.
       |534.2| Ehimam rathamaruyha                  raja settha disampati
                     deva dassanakama te            tavatimsa saindaka
                     Saramana hi te deva              sudhammayam samacchare.
     [535] |535.1| Tato raja taramano     vedeho mithilaggaho
                     asana vutthahitvana             pamukho rathamaruhi.
       |535.2| Abhirulham ratham dibbam                 matali etadabravi
                     kena tam nemi maggena               raja settha disampati
                     yena va papakammanta          punnakamma ca ye nara.
     [536] Ubhayeneva mam nehi                       matali devasarathi
                 yena va papakammanta              punnakamma ca ye nara.
     [537] Kena tam pathamam nemi                       raja settha disampati
                yena va papakammanta               punnakamma ca ye nara.
     [538] Nirayam 1- tava passami                 avasam 2- papakamminam
                thanani luddakammanam                 dussilananca ya gati.
     [539] Dassesi matali ranno                duggam vetaranim nadim
                 kutthitam kharasamyuttam                     tattam aggisikhupamam.
             [540] Nemi have matalimajjhabhasi 3-
                         disva janam patamanam vidugge
                         bhayam hi mam vindati suta disva
                         pucchami tam matali devasarathi
                         ime nu macca kimakamsu papam
                         yeme jana vetaranim patanti.
@Footnote: 1 Ma. niraye .  2 Ma. avase .  3 Ma. ...ajjhabhasatha.
     [541] |541.1| Tassa puttho viyakasi    matali devasarathi
                            vipakam papakammanam        janam akkhasijanato.
               |541.2| Ye dubbale balavanto jivaloke
                         himsenti rosenti 1- supapadhamma
                         te luddakamma pasavetva papam
                         teme jana vetaranim patanti.
             [542] Sama ca sona savala ca gijjha
                         kakolusangha ca adenti 2- bherava
                         bhayam hi mam vindati suta disva
                         pucchami tam matali devasarathi
                         ime nu macca kimakamsu papam
                         yeme jane kakolusangha adenti.
     [543] |543.1| Tassa puttho viyakasi    matali devasarathi
                            vipakam papakammanam        janam akkhasijanato.
              |543.2| Yekecime maccharino kadariya
                            paribhasaka samanabrahmananam
                            himsenti rosenti supapadhamma
                            te luddakamma pasavetva papam
                            teme jane kakolusangha adenti.
             [544] Sanjotibhuta pathavim kamanti
@Footnote: 1 Ma. himsanti rosanti. ito param idisameva .  2 Ma. kakolasangha adanti.
@ito param idisameva.
                   Tattehi khandhehi ca pothayanti
                   bhayam hi mam vindati suta disva
                   pucchami tam matali devasarathi
                   ime nu macca kimakamsu papam
                   yeme jana khandhahata sayanti.
     [545] |545.1| Tassa puttho viyakasi    matali devasarathi
                             vipakam papakammanam       janam akkhasijanato.
              |545.2| Ye jivalokasmim supapadhammino
                            naranca narinca apapadhammam
                            himsenti rosenti supapadhamma
                            te luddakamma pasavetva papam
                            teme jana khandhahata sayanti.
             [546] Angarakasum apare thunanti 1-
                        nara rudanta paridaddhagatta
                        bhayam hi mam vindati suta disva
                        pucchami tam matali devasarathi
                        ime nu macca kimakamsu papam
                        yeme jana angarakasum thunanti 1-.
     [547] |547.1| Tassa puttho viyakasi    matali devasarathi
                             vipakam papakammanam      janam akkhasijanato.
@Footnote: 1 Ma. phunanti. Yu. phunanti.
                |547.2| Yekeci pugaya dhanassa 1- hetu
                            sakkhim karitva inam japayanti
                            te japayitva janatam janinda
                            te luddakamma pasavetva papam
                            teme jana angarakasum thunanti.
             [548] Sanjotibhuta jalita paditta
                        padissati mahati lohakumbhi
                        bhayam hi mam vindati suta disva
                        pucchami tam matali devasarathi
                        ime nu macca kimakamsu papam
                        yeme jana (avamsira) lohakumbhim patanti.
     [549] |549.1| Tassa puttho viyakasi    matali devasarathi
                             vipakam papakammanam       janam akkhasijanato.
               |549.2| Ye silavantam samanam brahmanam va
                              himsenti rosenti supapadhamma
                              te luddakamma pasavetva papam
                              teme jana (avamsira) lohakumbhim patanti.
             [550] Luncanti givam atha vethayitva
                        unhodakasmim pakilodayitva 2-
                        bhayam hi mam vindati suta disva
@Footnote: 1 Si. Yu. pugayatanassa .   2 Ma. pakilotayitva. Si. Yu. pakiledayitva.
                        Pucchami tam matali devasarathi
                        ime nu macca kimakamsu papam
                        yeme jana luttasira sayanti.
     [551] |551.1| Tassa puttho viyakasi    matali devasarathi
                            vipakam papakammanam        janam akkhasijanato.
              |551.2| Ye jivalokasmim supapadhammino
                            pakkhi gahetvana vihethayanti
                            te hethayitva sakunam janinda
                            te luddakamma pasavetva papam
                            teme jana luttasira sayanti.
     [552] |552.1| Bahutatoya anikhatakula 1-
                             nadi ayam sandati suppatittha
                             ghammabhitatta manuja pivanti
                             pivatanca 2- tesam thusa 3- hoti pani
              |552.2|  bhayam hi mam vindati suta disva
                             pucchami tam matali devasarathi
                             ime nu macca kimakamsu papam
                            pivatanca tesam thusa hoti pani.
     [553] |553.1| Tassa puttho viyakasi    matali devasarathi
@Footnote: 1 Ma. anigadhakula .  2 Ma. pitanca. ito param idisameva .  3 Ma. bhusa. ito param
@idisameva.
                            Vipakam papakammanam       janam akkhasijanato.
             |553.2| Ye suddhadhannam palasena missam
                           asuddhakamma kayino dadanti
                           ghammabhitattana pipasitanam
                            pivatanca tesam thusa hoti pani.
             [554] Usuhi sattihi ca tomarehi
                        ubhayani passani tudanti kandatam
                        bhayam hi mam vindati suta disva
                        pucchami tam matali devasarathi
                        ime nu macca kimakamsu papam
                        yeme jana sattihata sayanti.
     [555] |555.1| Tassa puttho viyakasi    matali devasarathi
                            vipakam papakammanam        janam akkhasijanato.
           |555.2| Ye jivalokasmim asadhukammino
                   adinnamadaya karonti jivitam
                   dhannam dhanam rajatam jatarupam
                   ajelakancapi pasum mahimsam 1-
                   te luddakamma pasavetva papam
                   teme jana sattihata sayanti.
     [556] Givaya bandha kissime puneke
@Footnote: 1 Si. Yu. mahisam.
                        Anne vikanta 1- vilakata sayanti 2-
                        bhayam hi mam vindati suta disva
                        pucchami tam matali devasarathi
                        ime nu macca kimakamsu papam
                        yeme jana vilakata sayanti.
     [557] |557.1| Tassa puttho viyakasi    matali devasarathi
                            vipakam papakammanam        janam akkhasijanato.
              |557.2| Orabbhika sukarika ca macchika
                            pasum mahimsanca ajelakanca
                            hantvana sunesu pasarayimsu
                            te luddakamma pasavetva papam
                            teme jana vilakata sayanti.
             [558] Rahado ayam muttakarisapuro
                        duggandharupo asuci puti vati
                        khuddapareta manuja adenti
                        bhayam hi mam vindati suta disva
                        pucchami tam matali devasarathi
                        ime nu macca kimakamsu papam
                        yeme jana muttakarisabhakkha.
     [559] |559.1| Tassa puttho viyakasi    matali devasarathi
@Footnote: 1 Si. Yu. vikatta .   2 Si. Yu. puneke.
                         Vipakam papakammanam     janam akkhasijanato.
            |559.2| Yekecime karanika virosika 1-
                          paresam vihimsaya sada nivittha
                          te luddakamma pasavetva papam
                          mittadduno milhamadenti bala.
             [560] Rahado ayam lohitapubbapuro
                        duggandharupo asuci puti vati
                        ghammabhitatta manuja pivanti
                        bhayam hi mam vindati suta disva
                        pucchami tam matali devasarathi
                        ime nu macca kimakamsu papam
                        yeme jana lohitapubbabhakkha.
     [561] |561.1| Tassa puttho viyakasi    matali devasarathi
                            vipakam papakammanam        janam akkhasijanato.
            |561.2| Ye mataram va pitaram va jivaloke
                          parajika arahante hananti
                          te luddakamma pasavetva papam
                          teme jana lohitapubbabhakkha.
     [562] |562.1| Jivhanca passa balisena viddham
                            vihatam yatha sankusakena cammam
@Footnote: 1 Ma. virosaka.
                            Phandanti macchava thalamhi khitta
                            muncanti khelam rudamana kimete
               |562.2| bhayam hi mam vindati suta disva
                             pucchami tam matali devasarathi
                             ime nu macca kimakamsu papam
                             yeme jana vankaghasta sayanti.
     [563] |563.1| Tassa puttho viyakasi    matali devasarathi
                            vipakam papakammanam        janam akkhasijanato.
             |563.2| Yekeci santhanagata 1- manussa
                           agghena aggham kayam hapayanti
                           kutena kutam dhanalobhahetu
                           channam yatha varicaram vadhaya.
             |563.3| Na hi kutakarissa bhavanti tana
                           sakehi kammehi purakkhitassa 2-
                          te luddakamma pasavetva papam
                          teme jana vankaghasta sayanti.
     [564] |564.1| Nariyo ima samparibhinnagatta
                           paggayha kandanti bhuje dujacca
                           samakkhita lohitapubbalitta
                           gavo yatha aghatane vikanta
@Footnote: 1 Ma. sandhanagata. Si. Yu. santhanagata .   2 Ma. purakkhatassa. ito param
@idisameva.
                          Ta bhumibhagasmim sada nikhata
                          khandhativattanti sajotibhuta.
            |564.2| Bhayam hi mam vindati suta disva
                          pucchami tam matali devasarathi
                          ima nu nariyo kimakamsu papam
                          ya bhumibhagasmim sada nikhata
                          khandhativattanti sajotibhuta.
     [565] |565.1| Tassa puttho viyakasi    matali devasarathi
                         vipakam papakammanam           janam akkhasijanato.
           |565.2| Kolitthiyayo 1- idha jivaloke
                         asuddhakamma asatam 2- acarum
                        ta dittarupa pati vippahaya
                        annam acarum ratikhiddahetu
                        ta jivalokasmim ramapayitva
                        khandhativattanti sajotibhuta.
             [566] Pade gahetva kissime puneke
                        avamsira narake patayanti
                        bhayam hi mam vindati suta disva
                        pucchami tam matali devasarathi
@Footnote: 1 Si. Yu. koliniyayo .  2 ayuttantipi.
                       Ime nu macca kimakamsu papam
                       yeme jana (avamsira) narake patayanti.
     [567] |567.1| Tassa puttho viyakasi    matali devasarathi
                            vipakam papakammanam        janam akkhasijanato.
              |567.2| Ye jivalokasmim asadhukammino
                             parassa darani atikkamanti
                            te tadisa uttamabhandathena
                            teme jana (avamsira) narake patayanti.
              |567.3| Te vassapugani bahuni tattha
                            nirayesu dukkham vedanam vedayanti
                            na hi papakarissa bhavanti tana
                            sakehi kammehi purakkhitassa
                            te luddakamma pasavetva papam
                            teme jana (avamsira) narake patayanti.
             [568] Uccavacame vividha upakkama
                        nirayesu dissanti sughorarupa
                        bhayam hi mam vindati suta disva
                        pucchami tam matali devasarathi
                        ime nu macca kimakamsu papam
                        yeme jana adhimatta dukkha tippa 1-
@Footnote: 1 Ma. tibba. ito param idisameva.
                   Khara katuka vedana vedayanti.
     [569] |569.1| Tassa puttho viyakasi    matali devasarathi
                            vipakam papakammanam        janam akkhasijanato.
              |569.2| Ye jivalokasmim supapaditthino
                             vissasakammani karonti moha
                            paranca ditthisu samadapenti
                            te papaditthi 1- pasavetva papam
                            teme jana adhimatta dukkha tippa
                            khara katuka vedana vedayanti.
     [570] Viditani te maharaja                   avasam papakamminam
              thanani luddakammanam                   dussilananca ya gati
              uyyahidani rajisi                       devarajassa santike.
     [571] |571.1| Pancathupam dissatidam vimanam
                          malapilandha sayanassa majjhe
                          tatthacchati nari mahanubhava
                          uccavacam iddhi vikubbamana
             |571.2| vitti hi mam vindati suta disva
                           pucchami tam matali devasarathi
                           ayam nu nari kimakasi sadhum
                           ya modati saggappatta vimane.
@Footnote: 1 Yu. papaditthisu.
     [572] Tassa puttho viyakasi                  matali devasarathi
               vipakam punnakammanam                   janam akkhasijanato.
                           Yadi te suta birani 1- jivaloke
                           amayadasi ahu brahmanassa
                           sa pattakalam 2- atithim viditva
                           matava puttam sakimabhinandi
               sannama samvibhaga ca                   sa vimanasmi modati.
     [573] |573.1| Daddallamana abhanti 3-   vimana satta nimmita
                            tattha yakkho mahiddhiko     sabbabharanabhusito
                            samanta anupariyayati     nariganapurakkhito.
                 |573.2| Vitti hi mam vindati suta disva
                               pucchami tam matali devasarathi
                               ayam nu macco kimakasi sadhum
                               yo modati saggappatto vimane.
     [574] |574.1| Tassa puttho viyakasi   matali devasarathi
                            vipakam punnakammanam     janam akkhasijanato.
              |574.2| Sonadinno gahapati         esa danapati ahu
                            esa pabbajituddissa       vihare satta karayi.
              |574.3| Sakkaccante upatthasi    bhikkhavo tattha vasike
                            acchadananca bhattanca   senasanam padipayam
@Footnote: 1 varunitipi .   2 Ma. pattakale .    3 Ma. abhenti.
                             Adasi ujubhutesu            vippasannena cetasa.
                |574.4| Catuddasim pancadasim      ya ca pakkhassa atthami
                               patihariyapakkhanca     atthangasusamahitam
                               uposatham upavasi           sada silesu samvuto
                               sannamo samvibhago ca    so vimanasmi modati.
     [575] |575.1| Pabhasatimidam byamham      phalikasu sunimmitam
                              narivaraganakinnam        kutagaravirocitam
                              upetam annapanehi       naccagitehi cubhayam.
               |575.2| Vitti hi mam vindati suta disva
                              pucchami tam matali devasarathi
                              ima nu nari 1- kimakamsu sadhum
                              ya 2- modare saggappatta vimane.
     [576] |576.1| Tassa puttho viyakasi    matali devasarathi
                            vipakam punnakammanam      janam akkhasijanato.
              |576.2| Yakaci nari idha jivaloke
                            silavantiyo upasika
                           dane rata niccapasannacitta
                           sacce thita uposathe appamatta
                            sannama samvibhaga ca      ta vimanasmi modare.
     [577] |577.1| Pabhasatimidam byamham     veluriyasu nimmitam
@Footnote: 1 Ma. ime nu macca .    2 Ma. ye.
                            Upetam bhumibhagehi           vibhattam bhagaso mitam.
             |577.2| Alambara mudinga ca       naccagita suvadita
                            dibba sadda niccharanti savaniya manorama.
             |577.3| Naham evam gatam jatu          evam suruciram pure
                           saddam samabhijanami          dittham va yadiya sutam.
             |577.4| Vitti hi mam vindati suta disva
                            pucchami tam matali devasarathi
                            ime nu macca kimakamsu sadhum
                            ye modare saggappatta vimane.
     [578] |578.1| Tassa puttho viyakasi   matali devasarathi
                            vipakam punnakammanam     janam akkhasijanato.
              |578.2| Yekeci macca idha jivaloke   silavanta 1- upasaka
                            arame udapane ca       papa sankamanani ca
                            arahante sitibhute            sakkaccam patipadayum
             |578.3| civaram pindapatanca         paccayam sayanasanam
                            adamsu ujubhutesu               vippasannena cetasa.
              |578.4| Catuddasim pancadasim        ya ca pakkhassa atthami
                             patihariyapakkhanca       atthangasusamahitam
              |578.5| uposatham upavasum              sada silesu samvuta
                             sannama samvibhaga ca    te vimanasmi modare.
@Footnote: 1 Si. Yu. silavanto.
     [579] |579.1| Pabhasatimidam byamham      phalikasu sunimmitam
                              narivaraganakinnam       kutagaravirocitam
              |579.2|  upetam annapanehi        naccagitehi cubhayam
                            najjo anupariyayati 1-    nanapupphadumayuta.
                   |579.3| Vitti hi mam vindati suta disva
                                 pucchami tam matali devasarathi
                                 ayam nu macco kimakasi sadhum
                                yo modati saggappatto vimane.
     [580] |580.1| Tassa puttho viyakasi   matali devasarathi
                            vipakam punnakammanam     janam akkhasijanato.
              |580.2| Mithilayam gahapati             esa danapati ahu
                            arame udapane ca       papa sankamanani ca
                            arahante sitibhute           sakkaccam patipadayi
               |580.3| civaram pindapatanca      paccayam sayanasanam
                              adasi ujubhutesu           vippasannena cetasa.
               |580.4| Catuddasim pancadasim       ya ca pakkhassa atthami
                             patihariyapakkhanca       atthangasusamahitam
                |580.5| uposatham upavasi            sada silesu samvuto
                              sannamo samvibhago ca    so vimanasmi modati.
     [581] |581.1| Pabhasatimidam byamham      phalikasu sunimmitam 2-
@Footnote: 1 Ma. canupariyati .    2 Yu. veluriyasu nimmitam.
                              Narivaraganakinnam       kutagaravirocitam
         |581.2| upetam annapanehi              naccagitehi cubhayam
                       najjo anupariyayati 1-         nanapupphadumayuta
        |581.3| rajayatana kapittha ca          amba sala ca jambuyo
                      tinduka ca piyala ca           duma niccaphala bahu.
        |581.4| Vitti hi mam vindati suta disva
                      pucchami tam matali devasarathi
                      ayam nu macco kimakasi sadhum
                      yo modati saggappatto vimane.
     [582] |582.1| Tassa puttho viyakasi    matali devasarathi
                            vipakam punnakammanam      janam akkhasijanato.
            |582.2| Mithilayam gahapati                esa danapati ahu
                          arame udapane ca          papa sankamanani ca
                          arahante sitibhute              sakkaccam patipadayi
            |582.3| civaram pindapatanca          paccayam sayanasanam
                          adasi ujubhutesu               vippasannena cetasa.
            |582.4| Catuddasim pancadasim          ya ca pakkhassa atthami
                           patihariyapakkhanca         atthangasusamahitam
            |582.5| uposatham upavasi                 sada silesu samvuto
                          sannamo samvibhago ca        so vimanasmi modati.
@Footnote: 1 Ma. canupariyati.
     [583] |583.1| Pabhasatimidam byamham        veluriyasu nimmitam
                           upetam bhumibhagehi            vibhattam bhagaso mitam
             |583.2| alambara mudinga ca       naccagita suvadita
                           dibba sadda niccharanti  savaniya manorama
              |583.3| naham evam gatam jatu          evam suruciram pure
                             saddam samabhijanami        dittham va yadiva sutam.
              |583.4|  Vitti hi mam vindati suta disva
                            pucchami tam matali devasarathi
                            ayam nu macco kimakasi sadhum
                            yo modati saggappatto vimane.
     [584] |584.1| Tassa puttho viyakasi   matali devasarathi
                            vipakam punnakammanam     janam akkhasijanato.
              |584.2| Baranasiyam gahapati        esa danapati ahu
                            arame udapane ca       papa sankamanani ca
                            arahante sitibhute           sakkaccam patipadayi
              |584.3| civaram pindapatanca        paccayam sayanasanam
                             adasi ujubhutesu            vippasannena cetasa.
              |584.4| Catuddasim pancadasim        ya ca pakkhassa atthami
                              patihariyapakkhanca      atthangasusamahitam
              |584.5| uposatham upavasi               sada silesu samvuto
                               Sannamo samvibhago ca   so vimanasmi modati.
     [585] |585.1| Yatha udayamadicco      hoti lohitako maha
                            tathupamam idam byamham         jatarupassa nimmitam.
              |585.2|  Vitti hi mam vindati suta disva
                             pucchami tam matali devasarathi
                             ayam nu macco kimakasi sadhum
                            yo modati saggappatto vimane.
     [586] |586.1| Tassa puttho viyakasi    matali devasarathi
                            vipakam punnakammanam     janam akkhasijanato.
              |586.2| Savatthiyam gahapati            esa danapati ahu
                           arame udapane ca         papa sankamanani ca
                           arahante sitibhute             sakkaccam patipadayi
              |586.3| civaram pindapatanca        paccayam sayanasanam
                            adasi ujubhutesu             vippasannena cetasa.
              |586.4| Catuddasim pancadasim        ya ca pakkhassa atthami
                            patihariyapakkhanca        atthangasusamahitam
              |586.5| uposatham upavasi              sada silesu samvuto
                            sannamo samvibhago ca      so vimanasmi modati.
     [587] |587.1| Vehayasame bahuka      jatarupassa nimmita
                            daddallamana abhanti  vijjuvabbhaghanantare
                           Tattha 1- yakkha mahiddhika  sabbabharanabhusita
                           samanta anupariyayanti     nariganaparivuta 1-.
              |587.2| Vitti hi mam vindati suta disva
                           pucchami tam matali devasarathi
                           ime nu macca kimakamsu sadhum
                          ye modare saggappatta vimane.
     [588] |588.1| Tassa puttho viyakasi    matali devasarathi
                             vipakam punnakammanam    janam akkhasijanato.
              |588.2| Saddhaya sunivitthaya        saddhamme suppavedite
                            akamsu satthu vacanam             sammasambuddhasavaka 2-
                            tesam etani thanani       yani tvam raja passasi.
     [589] Viditani te maharaja                  avasam papakamminam
                atho kalyanakammanam                 thanani viditani te
                uyyahidani rajisi                    devarajassa santike.
     [590] Sahassayuttam hayavahim                   dibbayanamadhitthito
              yayamano maharaja                   adda sidantare nage
              disvanamantayi sutam                     ime ke nama pabbata.
                         [3]-
     [591] |591.1| Sudassano karaviko         isindharo 4- yugandharo
                           nemindharo vinatako           assakanno giribraha
             |591.2| ete sidantare naga         anupubbasamuggata
@Footnote:1-1 Ma. ayam gatha natthi .  2 Si. Yu. sammasambuddhasasanam.
@3 Ma.    tassa puttho viyakasi        matali devasarathi
@        vipakam punnakammanam          janam akkhasijanato.
@4 Ma. isadharo.
                           Maharajanamavasa        yani tvam raja passasi.
     [592] |592.1| Anekarupam ruciram               nanacittam pakasati
                          akinnam indasadisehi  byaggheheva surakkhitam.
           |592.2|  Vitti hi mam vindati suta disva
                          pucchami tam matali devasarathi
                          imam nu dvaram kimabhannamahu 1-
                          manoramam dissati duratova.
     [593] |593.1| Tassa puttho viyakasi    matali devasarathi
                             vipakam punnakammanam     janam akkhasijanato.
              |593.2| Cittakutoti yam ahu         devarajappavesanam
                            sudassanassa girino          dvaram hetam pakasati
              |593.3| anekarupam ruciram                 nanacittam pakasati
                            akinnam indasadisehi    byaggheheva surakkhitam
                             pavisetena rajisi            arujam bhumi pakkama.
     [594] |594.1| Sahassayuttam hayavahim     dibbayanamadhitthito
                          yayamano maharaja       adda devasabham idam.
            |594.2| Yatha sarade akaso 2-     nilobhaso padissati
                          tathupamam idam byamham           veluriyasu nimmitam.
            |594.3|  Vitti hi mam vindati suta disva
                           pucchami tam matali devasarathi
@Footnote: 1 Si. Yu. kimabhinnamahu .  2 Ma. akase.
                           Imam nu byamham kimabhannamahu 1-.
     [595] |595.1| Tassa puttho viyakasi   matali devasarathi
                             vipakam punnakammanam    janam akkhasijanato
              |595.2| sudhammaiti yam ahu        esesa 2- dissate sabha
                             veluriyarucira citra      dharayanti sunimmita
              |595.3| atthamsa sukata thambha    sabbe veluriyamaya
                            yattha deva tavatimsa       sabbe indapurohita
               |595.4|  attham devamanussanam      cintayanta samacchare
                              pavisetena rajisi           devanam anumodanam.
     [596] |596.1| Tam deva patinandimsu       disva rajanamagatam
                            svagatante maharaja      atho te aduragatam
                            nisidadani rajisi            devarajassa santike.
             |596.2| Sakko tam 3- patinandittha  vedeham mithilaggaham
                           nimantayittha 4- kamehi    asanena ca vasavo.
             |596.3| Sadhu khosi anuppatto       avasam vasavattinam
                           vasa devesu rajisi             sabbakamasamiddhisu
                           tavatimsesu devesu            bhunja kame amanuse.
     [597] |597.1| Yatha yacitakam yanam       yatha yacitakam dhanam
                          evam sampadamevetam             yam parato danapaccaya.
           |597.2| Na cahametamicchami            yam parato danapaccaya
@Footnote: 1 Si.Yu. kimabhinnamahu .  2 Ma. passesa .  3 Ma. sakkopi .  4 Si.Yu. nimantayi ca.
                         Sayam katani punnani          tam me aveniyam 1- dhanam.
        |597.3| Soham gantva manussesu          kahami kusalam bahum
                      danena samacariyaya                sannamena damena ca
                      yam katva sukhito hoti              na ca pacchanutappati.
     [598] Bahupakaro no bhavam                      matali devasarathi
              yo me kalyanakammanam                 papanam patidassayi 2-.
     [599] Idam vatva nimiraja                    vedeho mithilaggaho
              puthuyannam yajitvana                      sannamam ajjhupagamiti.
                                    Nemirajajatakam catuttham.
                                                ---------



             The Pali Tipitaka in Roman Character Volume 28 page 198-223. https://84000.org/tipitaka/read/roman_read.php?B=28&A=4107&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=28&A=4107&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=28&item=525&items=75              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=28&siri=16              Study Atthakatha :- https://84000.org/tipitaka/attha/attha.php?b=28&i=525              The Pali Atthakatha in Thai :- https://84000.org/tipitaka/atthapali/read_th.php?B=43&A=3284              The Pali Atthakatha in Roman :- https://84000.org/tipitaka/atthapali/read_rm.php?B=43&A=3284              Contents of The Tipitaka Volume 28 https://84000.org/tipitaka/read/?index_28 https://84000.org/tipitaka/english/?index_28

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]