ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 29 : PALI ROMAN Sutta Pitaka Vol 21 : Sutta. Khu. Mahāniddeso

                    Catuttho suddhatthakasuttaniddeso
     [109] Passami suddham paramam arogam
                      ditthena samsuddhi narassa hoti
                      evabhijanam 1- paramanti natva
                      suddhanupassiti pacceti nanam.
     [110]   Passami   suddham   paramam   aroganti   passami   suddhanti
passami   suddham   dakkhami   suddham   olokemi   suddham  nijjhayami  suddham
upaparikkhami    suddham    .    paramam   aroganti   paramam   arogyappattam
khemappattam     tanappattam     lenappattam    saranappattam    parayanappattam
abhayappattam     accutappattam    amatappattam    nibbanappattanti    passami
suddham paramam arogam.
     [111]   Ditthena   samsuddhi   narassa   hotiti  cakkhuvinnanena  2-
rupadassanena   narassa   suddhi   visuddhi   parisuddhi  mutti  vimutti  parimutti
hoti   naro   sujjhati   visujjhati   parisujjhati  muccati  vimuccati  parimuccatiti
ditthena samsuddhi narassa hoti.
     [112]    Evabhijanam   paramanti   natvati   evam   abhijananto
ajananto    vijananto    pativijananto    pativijjhanto   idam   paramam
aggam   settham   visettham   pamokkham   uttamam  paramanti  natva  janitva
@Footnote: 1 Yu. etabhijanam .  2 Po. Ma. cakkhuvinnanam.
Tulayitva   tirayitva   vibhavayitva  vibhutam  katvati  evabhijanam  paramanti
natva.
     [113]   Suddhanupassiti  pacceti  nananti  yo  suddham  passati  so
suddhanupassi   .   pacceti   nananti   cakkhuvinnanena   1-   rupadassanam
nananti    pacceti   maggoti   pacceti   pathoti   pacceti   niyyananti
paccetiti suddhanupassiti pacceti nanam. Tenaha bhagava
                      passami suddham paramam arogam
                      ditthena samsuddhi narassa hoti
                      evabhijanam paramanti natva
                      suddhanupassiti pacceti nananti.
     [114] Ditthena ce suddhi narassa hoti
                      nanena va so pajahati dukkham
                      annena so sujjhati sopadhiko
                      ditthi hi nam pava tatha vadanam.
     [115]   Ditthena   ce   suddhi   narassa   hotiti  cakkhuvinnanena
rupadassanena    ce   narassa   suddhi   visuddhi   parisuddhi   mutti   vimutti
parimutti   hoti   naro   sujjhati   visujjhati   parisujjhati   muccati  vimuccati
parimuccatiti ditthena ce suddhi narassa hoti.
     [116]   Nanena   va   so   pajahati  dukkhanti  cakkhuvinnanena
rupadassanena   ce  naro  jatidukkham  pajahati  jaradukkham  pajahati  byadhidukkham
@Footnote: 1 Po. Ma. cakkhuvinnanam rupadassanena nananti. sabbattha idisameva.
Dukkham    pajahati   maranadukkham   pajahati   sokaparidevadukkhadomanassupayasadukkham
pajahatiti nanena va so pajahati dukkham.
     [117]   Annena  so  sujjhati  sopadhikoti  annena  asuddhimaggena
micchapatipadaya     aniyyanapathena     1-     annatra    satipatthanehi
annatra      sammappadhanehi     annatra     iddhippadehi     annatra
indriyehi     annatra    balehi    annatra    bojjhangehi    annatra
ariya    atthangika    magga    naro    sujjhati   visujjhati   parisujjhati
muccati   vimuccati   parimuccati   .  sopadhikoti  sarago  sadoso  samoho
samano    satanho   saditthi   sakileso   saupadanoti   annena   so
sujjhati sopadhiko.
     [118]  Ditthi  hi  nam  pava  tatha  vadananti  sava ditthi tam puggalam
pavadati   itipayam   puggalo   micchaditthiko   viparitadassanoti   .  tatha
vadananti    tatha    vadantam    kathentam    bhanantam   dipayantam   voharantam
sassato   loko   idameva   saccam   moghamannanti  tatha  vadantam  kathentam
bhanantam    dipayantam    voharantam    asassato   loko   antava   loko
anantava   loko   tam   jivam   tam  sariram  annam  jivam  annam  sariram  hoti
tathagato   parammarana   na   hoti   tathagato   parammarana   hoti   ca
na  ca  hoti  tathagato  parammarana  neva  hoti  na  na  hoti  tathagato
parammarana     idameva     saccam     moghamannanti     tatha     vadantam
kathentam   bhanantam   dipayantam   voharantanti   ditthi   hi   nam  pava  tatha
@Footnote: 1 Ma. aniyyanikapathena.
Vadanam. Tenaha bhagava
                      ditthena ce suddhi narassa hoti
                      nanena va so pajahati dukkham
                      annena so sujjhati sopadhiko
                      ditthi hi nam pava tatha vadananti.
     [119] Na brahmano annato suddhimaha
                      ditthe sute silavate mute va
                      punne ca pape ca anupalitto
                      attanjaho nayidha pakubbamano.
     [120]  Na  brahmano  annato  suddhimaha  ditthe  sute  silavate
mute   vati   nati   patikkhepo   .   brahmanoti   sattannam  dhammanam
bahitatta   brahmano   .   sakkayaditthi   bahita   hoti   vicikiccha
bahita   hoti   silabbataparamaso   bahito   hoti   rago   bahito
hoti   doso   bahito   hoti  moho  bahito  hoti  mano  bahito
hoti   .   bahitassa   honti   papaka   akusala  dhamma  sankilesika
ponobbhavika sadara dukkhavipaka ayatim jatijaramaraniya.
                      Bahetva sabbapapakani (sabhiyati bhagava)
                      vimalo sadhusamahito thitatto
                      samsaramaticca kevali so
                      anissito tadi pavuccate sa brahma.
     {120.1}   Na   brahmano   annato   suddhimahati  brahmano
annena    asuddhimaggena    micchapatipadaya    aniyyanapathena    annatra
satipatthanehi     annatra    sammappadhanehi    annatra    iddhippadehi
annatra   indriyehi   annatra   balehi   annatra  bojjhangehi  annatra
ariya   1-   atthangika   magga  suddhim  visuddhim  parisuddhim  muttim  vimuttim
parimuttim   naha   na   katheti   na   bhanati  na  dipayati  na  voharatiti  na
brahmano   annato   suddhimaha  .  ditthe  sute  silavate  mute  vati
santeke   samanabrahmana   ditthasuddhika   2-   te  ekaccanam  rupanam
dassanam mangalam paccenti ekaccanam rupanam dassanam amangalam paccenti.
     {120.2}  Katamesam  rupanam  dassanam mangalam paccenti. Te kalato
vutthahitva    abhimangalagatani    rupani    passanti   vatasakunam   passanti
pussaveluvalatthim    passanti    gabbhinitthim    passanti    kumarikam    khandhe
aropetva    gacchantam    passanti    punnaghatam    passanti   rohitamaccham
passanti    ajannam    passanti   ajannaratham   passanti   usabham   passanti
gokapilam passanti evarupanam rupanam dassanam mangalam paccenti.
     {120.3}  Katamesam  rupanam  dassanam amangalam paccenti. Palalapunjam
passanti    takkaghatam    passanti    rittaghatam    passanti    natam   passanti
naggasamanam   passanti   kharam   passanti   kharayanam   passanti   ekayuttayanam
@Footnote: 1 Po. Yu. ariyatthangikamaggena. Ma. ariyena atthangikena maggena.
@2 Po. Ma. ditthisuddhika. ito param idisameva.
Passanti    kanam   passanti   kunim   passanti   khanjam   passanti   pakkhahatam
passanti   jinnakam   passanti   byadhikam  passanti  matam  passanti  evarupanam
rupanam   dassanam   amangalam   paccenti   .   ime   te  samanabrahmana
ditthasuddhika  te  ditthena  suddhim visuddhim parisuddhim muttim vimuttim parimuttim
paccenti.
     {120.4}  Santeke  samanabrahmana  sutasuddhika  te  ekaccanam
saddanam   savanam   mangalam   paccenti  ekaccanam  saddanam  savanam  amangalam
paccenti.
     {120.5}   Katamesam   saddanam  savanam  mangalam  paccenti  .  te
kalato    vutthahitva    abhimangalagatani    saddani    sunanti   vaddhati
va   vaddhamanati   va   punnati   va  pussati  va  assokati  va
sumanati   va  sunakkhattati  va  sumangalati  va  siriti  va  sirivaddhati
va evarupanam saddanam savanam mangalam paccenti.
     {120.6}  Katamesam  saddanam savanam amangalam paccenti. Kanoti va
kuniti   va   khanjoti   va  pakkhahatoti  va  jinnakoti  va  byadhikoti
va  matoti  va  chinnanti  va  bhinnanti  va  daddhanti  va  natthanti va
natthiti  va  evarupanam  saddanam  savanam  amangalam  paccenti  .  ime te
samanabrahmana   sutasuddhika   te   sutena  suddhim  visuddhim  parisuddhim  muttim
vimuttim parimuttim paccenti.
     {120.7}  Santeke  samanabrahmana  silasuddhika  te  silamattena
sannamamattena   samvaramattena   avitikkamamattena   suddhim   visuddhim   parisuddhim
muttim   vimuttim   parimuttim  paccenti  .  samanamundikaputto  1-  evamaha
catuhi   kho   aham   thapati   dhammehi   samannagatam  purisapuggalam  pannapemi
sampannakusalam      paramakusalam     uttamappattippattam     samanam     ayojjham
katamehi   catuhi   idha   thapati  na  kayena  papakammam  karoti  na  papikam
vacam   bhasati   na   papakam   sankappam   sankappeti   na  papakam  ajivam
ajivati   imehi  kho  aham  thapati  catuhi  dhammehi  samannagatam  purisapuggalam
pannapemi        sampannakusalam       paramakusalam       uttamappattippattam
samanam   ayojjham   .   evameva   santeke   samanabrahmana  silasuddhika
te     silamattena     sannamamattena    samvaramattena    avitikkamamattena
suddhim visuddhim parisuddhim muttim vimuttim parimuttim paccenti.
     {120.8} Santeke samanabrahmana vattasuddhika te hatthivattika 2-
va  honti  assavattika  va  honti  govattika va honti kukkuravattika
va   honti   kakavattika   va   honti  vasudevavattika  va  honti
baladevavattika     va     honti    punnabhaddavattika    va    honti
manibhaddavattika     va     honti     aggivattika     va     honti
nagavattika   va   honti   supannavattika   va   honti   yakkhavattika
va   honti   asuravattika   va   honti   gandhabbavattika  va  honti
maharajavattika   va   honti   candavattika   va  honti  suriyavattika
@Footnote: 1 Ma. Yu. samano mundikaputto. 2 Po. Ma. ...vatika. ito param idisameva.
Va   honti   indavattika   va   honti   brahmavattika   va  honti
devavattika   va   honti  disavattika  1-  va  honti  .  ime  te
samanabrahmana   vattasuddhika   te   vattena   suddhim   visuddhim   parisuddhim
muttim vimuttim parimuttim paccenti.
     {120.9}  Santeke  samanabrahmana  mutasuddhika  .  te kalato
vutthahitva    pathavim    amasanti   haritam   amasanti   gomayam   amasanti
kacchapam   amasanti   jalam   2-   akkamanti  tilavaham  amasanti  pussatilam
khadanti     pussatelam     makkhenti    pussadantakattham    3-    khadanti
pussamattikaya     nahayanti     pussasatakam    nivasenti    pussavetthanam
vetthanti   .   ime   te   samanabrahmana   mutasuddhika   te  mutena
suddhim visuddhim parisuddhim muttim vimuttim parimuttim paccenti.
     {120.10}   Na   brahmano   annato  suddhimaha  ditthe  sute
silavate  mute  vati  brahmano  ditthasuddhiyapi  suddhim  naha  sutasuddhiyapi
suddhim   naha   silasuddhiyapi   suddhim   naha   vattasuddhiyapi   suddhim  naha
mutasuddhiyapi  suddhim  naha  na  katheti  na  bhanati  na  dipayati  na  voharatiti
na brahmano annato suddhimaha ditthe sute silavate mute va.
     [121]   Punne   ca   pape   ca   anupalittoti   punnam  vuccati
yankinci    tedhatukam    kusalabhisankharam    .    apunnam   vuccati   sabbam
akusalam    .    yato    punnabhisankharo    ca   apunnabhisankharo   ca
@Footnote: 1 Ma. disavatika. 2 Ma. phalam. 3 Ma. phussa ... phussamattika.
Anenjabhisankharo   ca   pahina   honti   ucchinnamula  talavatthukata
anabhavangata   ayatim   anuppadadhamma   ettavata   ca   punne   ca
pape   ca   na   limpati  na  samlimpati  na  upalimpati  alitto  asamlitto
anupalitto      nikkhanto      nissattho     vippamutto     visannutto
vimariyadikatena cetasa viharatiti punne ca pape ca anupalitto.
     [122]     Attanjaho     nayidha    pakubbamanoti    attanjahoti
attaditthijaho    .    attanjahoti   gahajaho   1-   .   attanjahoti
tanhavasena    ditthivasena    gahitam    paramattham    abhinivittham   ajjhositam
adhimuttam   sabbam   tam   cattam   hoti   vantam  muttam  pahinam  patinissattham .
Nayidha    pakubbamanoti    punnabhisankharam    va   apunnabhisankharam   va
anenjabhisankharam    va    akubbamano   ajanayamano   asanjanayamano
anibbattayamano       anabhinibbattayamanoti       attanjaho      nayidha
pakubbamano. Tenaha bhagava
                      na brahmano annato suddhimaha
                      ditthe sute silavate mute va
                      punne ca pape ca anupalitto
                      attanjaho nayidha pakubbamanoti.
     [123] Purimam pahaya aparam sitase
                      ejanuga te na taranti sangam
@Footnote: 1 Po. Ma. gaham jaho.
                      Te uggahayanti nirassajanti
                      kapiva sakham pamukham 1- gahaya.
     [124]  Purimam  pahaya  aparam sitaseti purimam sattharam pahaya aparam 2-
sattharam   nissita   purimam  dhammakkhanam  pahaya  aparam  dhammakkhanam  nissita
purimam  ganam  pahaya  aparam  ganam  nissita  purimam  ditthim  pahaya  aparam  ditthim
nissita   purimam   patipadam   pahaya   aparam   patipadam  nissita  purimam  maggam
pahaya   aparam   maggam  nissita  sannissita  allina  upagata  ajjhosita
adhimuttati purimam pahaya aparam sitase.
     [125]  Ejanuga  te  na taranti sanganti eja vuccati tanha yo
rago   sarago   .pe.   abhijjha  lobho  akusalamulam  .  ejanugati
ejanuga    ejanugata   ejanusata   ejayapanna   3-   patita
abhibhuta  pariyadinnacitta  .  te  na  taranti  sanganti ragasangam dosasangam
mohasangam   manasangam   ditthisangam  kilesasangam  duccaritasangam  na  taranti  na
uttaranti   na   pataranti   na   samatikkamanti  na  vitivattantiti  ejanuga
te na taranti sangam.
     [126]   Te   uggahayanti   nirassajantiti   sattharam  ganhanti  tam
muncitva    annam    sattharam    ganhanti    dhammakkhanam    ganhanti   tam
muncitva     annam     dhammakkhanam    ganhanti    ganam    ganhanti    tam
muncitva    annam    ganam    ganhanti   ditthim   ganhanti   tam   muncitva
@Footnote: 1 Po. Ma. pamuncam. 2 Ma. param. 3 sabbattha potthake ejayapanna.
Annam    ditthim    ganhanti    patipadam    ganhanti   tam   muncitva   annam
patipadam    ganhanti    maggam    ganhanti    tam   muncitva   annam   maggam
ganhanti   ganhanti   ca   muncanti   ca   adiyanti  ca  nirassajanti  cati
te uggahayanti nirassajanti.
     [127]   Kapiva   sakham   pamukham  gahayati  yatha  makkato  aranne
pavane    caramano    sakham    ganhati   tam   muncitva   annam   sakham
ganhati    tam    muncitva    annam   sakham   ganhati   evameva   puthu
samanabrahmana    puthu    ditthigatani    ganhanti    ca    muncanti    ca
adiyanti   ca   nirassajanti   cati   kapiva   sakham   pamukham   gahaya  .
Tenaha bhagava
                      purimam pahaya aparam sitase
                      ejanuga te na taranti sangam
                      te uggahayanti nirassajanti
                      kapiva sakham pamukham gahayati.
     [128] Sayam samadaya vatani jantu
                      uccavacam gacchati sannasatto
                      vidva ca vedehi samecca dhammam
                      na uccavacam gacchati bhuripanno.
     [129]   Sayam   samadaya  vatani  jantuti  sayam  samadayati  samam
Samadaya  .  vataniti  hatthivattam  1-  va  assavattam  va  govattam  va
kukkuravattam   va   kakavattam   va  vasudevavattam  va  baladevavattam  va
punnabhaddavattam    va    manibhaddavattam   va   aggivattam   va   nagavattam
va   supannavattam   va   yakkhavattam  va  asuravattam  va  .pe.  disavattam
va     adaya    samadaya    adiyitva    samadiyitva    ganhitva
paramasitva   abhinivisitva   .   jantuti   satto  naro  .pe.  manujoti
sayam samadaya vatani jantu.
     [130]   Uccavacam   gacchati   sannasattoti   sattharato   sattharam
gacchati   dhammakkhanato   dhammakkhanam  gacchati  ganato  ganam  gacchati  ditthiya
ditthim  gacchati  patipadato  2-  patipadam  gacchati  maggato  maggam  gacchati .
Sannasattoti       kamasannaya      byapadasannaya      vihimsasannaya
ditthisannaya   satto   visatto  asatto  laggo  laggito  palibuddho .
Yatha  bhittikhile  va  nagadante  va  bhandam  sattam  visattam  asattam laggam
laggitam      palibuddham     evameva     kamasannaya     byapadasannaya
vihimsasannaya      ditthisannaya      satto      visatto     asatto
laggo laggito palibuddhoti uccavacam gacchati sannasatto.
     [131]   Vidva   ca  vedehi  samecca  dhammanti  vidvati  vidva
vijjagato   nani   buddhima   vibhavi   medhavi   .   vedehiti  veda
vuccanti    catusu    maggesu    nanam    panna   pannindriyam   pannabalam
dhammavicayasambojjhango    vimamsa    vipassana    sammaditthi    .   tehi
@Footnote: 1 Po. Ma. ...vatam. ito param idisameva. 2 Ma. patipadaya.
Vedehi     jatijaramaranassa     antagato     antappatto    kotigato
kotippatto   pariyantagato   pariyantappatto   vosanagato  vosanappatto
tanagato      tanappatto     lenagato     lenappatto     saranagato
saranappatto     abhayagato    abhayappatto    accutagato    accutappatto
amatagato   amatappatto   nibbanagato   nibbanappatto  .  vedanam  va
antagatoti  vedagu  .  vedehi  va  antagatoti  vedagu. Sattannam [1]-
dhammanam   viditatta  vedagu  sakkayaditthi  vidita  hoti  vicikiccha  vidita
hoti  silabbataparamaso  vidito  hoti  rago  vidito  hoti doso vidito
hoti  moho  vidito  hoti  mano vidito hoti .  viditassa honti papaka
akusala   dhamma  sankilesika  ponobbhavika  sadara  dukkhavipaka  ayatim
jatijaramaraniya.
               Vedani viceyya kevalani (sabhiyati bhagava)
               samananam yanipatthi 2- brahmananam
               sabbavedanasu vitarago
               sabbam vedamaticca vedagu so [3]-.
     {131.1}  Vidva  ca  vedehi samecca dhammanti samecca abhisamecca
dhammam   .   sabbe   sankhara  aniccati  samecca  abhisamecca  dhammam .
Sabbe  sankhara  dukkhati  samecca  abhisamecca  dhammam  .  sabbe  dhamma
anattati  samecca  abhisamecca  dhammam . Avijjapaccaya sankharati samecca
abhisamecca  dhammam  .  sankharapaccaya vinnananti samecca abhisamecca dhammam.
@Footnote: 1 Ma. vasaddo atthi. 2 Ma. yanidhatthi. 3 Ma. Yu. itisaddo dissati.
Vinnanapaccaya    namarupanti    .    namarupapaccaya   salayatananti  .
Salayatanapaccaya   phassoti  .  phassapaccaya  vedanati  .  vedanapaccaya
tanhati    .    tanhapaccaya    upadananti    .    upadanapaccaya
bhavoti   .   bhavapaccaya   jatiti  .  jatipaccaya  jaramarananti  samecca
abhisamecca dhammam.
     {131.2}   Avijjanirodha  sankharanirodhoti  samecca  abhisamecca
dhammam  .  sankharanirodha  vinnananirodhoti  samecca  abhisamecca  dhammam .
Vinnananirodha  namarupanirodhoti  .  namarupanirodha  salayatananirodhoti .
Salayatananirodha   phassanirodhoti   .   phassanirodha   vedananirodhoti .
Vedananirodha   tanhanirodhoti   .  tanhanirodha  upadananirodhoti .
Upadananirodha  bhavanirodhoti  .  bhavanirodha  jatinirodhoti. Jatinirodha
jaramarananirodhoti samecca abhisamecca dhammam.
     {131.3}   Idam   dukkhanti   samecca  abhisamecca  dhammam  .  ayam
dukkhasamudayoti  .  ayam  dukkhanirodhoti  .  ayam  dukkhanirodhagamini  patipadati
samecca   abhisamecca   dhammam   .   ime  asavati  samecca  abhisamecca
dhammam   .   ayam   asavasamudayoti   .   ayam   asavanirodhoti   .  ayam
asavanirodhagamini   patipadati   samecca   abhisamecca   dhammam   .   ime
dhamma   abhinneyyati   .   ime   dhamma   parinneyyati   .   ime
dhamma   pahatabbati   .  ime  dhamma  bhavetabbati  .  ime  dhamma
sacchikatabbati   samecca   abhisamecca   dhammam   .   channam  phassayatananam
samudayanca     atthangamanca     assadanca     adinavanca     nissarananca
Samecca   abhisamecca   dhammam   .   pancannam  upadanakkhandhanam  samudayanca
atthangamanca      assadanca     adinavanca     nissarananca     samecca
abhisamecca    dhammam   .   catunnam   mahabhutanam   samudayanca   atthangamanca
assadanca   adinavanca   nissarananca   samecca   abhisamecca   dhammam  .
Yankinci    samudayadhammam    sabbantam   nirodhadhammanti   samecca   abhisamecca
dhammanti viddha ca vedehi samecca dhammam.
     [132]  Na  uccavacam  gacchati  bhuripannoti  na  sattharato  sattharam
gacchati   na   dhammakkhanato   dhammakkhanam  gacchati  na  ganato  ganam  gacchati
na   ditthiya   ditthim   gacchati  na  patipadaya  patipadam  gacchati  na  maggato
maggam    gacchati    .    bhuripannoti    [1]-    mahapanno   puthupanno
hasapanno     javanapanno    tikkhapanno    nibbedhikapanno    .    bhuri
vuccati   pathavi   .   taya   pathavisamaya   pannaya   vipulaya   vitthataya
samannagatoti na uccavacam gacchati bhuripanno. Tenaha bhagava
                      sayam samadaya vatani jantu
                      uccavacam gacchati sannasatto
                      viddha ca vedehi samecca dhammam
                      na uccavacam gacchati bhuripannoti.
     [133] Sa sabbadhammesu visenibhuto
                      yankinci ditthamva sutam mutam va
@Footnote: 1 Ma. bhuripanno.
                      Tameva dassim vivatam carantam
                      kenidha lokasmi vikappayeyya.
     [134]   Sa   sabbadhammesu   visenibhuto  yankinci  ditthamva  sutam  mutam
vati  sena  vuccati  marasena  .  kayaduccaritam  marasena  vaciduccaritam
marasena  manoduccaritam  marasena  rago  marasena  doso marasena
moho   marasena   kodho   upanaho   .pe.   sabbakusalabhisankhara
marasena. Vuttam hetam bhagavata
         kama te pathama sena       dutiyarati vuccati
         tatiya khuppipasa te         catutthi tanha pavuccati
         pancamam 1- thinamiddhante     chattha bhiru 2- pavuccati
         sattami vicikiccha te            makkho thambho te atthamo
         labho siloko sakkaro       micchaladdho ca yo yaso
         yo cattanam samukkamse         pare ca avajanati
         esa namuci te sena          kanhassabhippaharini
         na nam asuro jinati              jetva ca labhate sukhanti.
Yato  catuhi  ariyamaggehi  sabba  ca  marasena  sabbe  ca  patisenikara
kilesa   jita   ca   parajita   ca  bhagga  vippalutta  parammukha  so
vuccati   visenibhuto   .   so   ditthe   visenibhuto   sute  visenibhuto
mute     visenibhuto     vinnate    visenibhutoti    sa    sabbadhammesu
visenibhuto yankinci ditthamva sutam mutam va.
@Footnote: 1 Ma. pancami .  2 Ma. Yu. bhiru.
     [135]  Tameva  dassim  vivatam  carantanti  tameva suddhadassim visuddhadassim
parisuddhadassim    vodanadassim    pariyodanadassim   .   athava   suddhadassanam
visuddhadassanam     parisuddhadassanam    vodanadassanam    pariyodanadassanam   .
Vivatanti   tanhachadanam   [1]-  kilesachadanam  [2]-  avijjachadanam  .  tani
chadanani   vivatani   honti   viddhamsitani  upaghatitani  3-  samugghatitani
pahinani    samucchinnani    vupasantani   patippassaddhani   abhabbuppattikani
nanaggina   daddhani   .   carantanti   carantam  vicarantam  [4]-  iriyantam
vattantam palentam yapentam yapentanti tameva dassim vivatam carantam.
     [136]   Kenidha   lokasmi  vikappayeyyati  kappati  dve  kappa
tanhakappo   ca   ditthikappo  ca  .pe.  ayam  tanhakappo  .pe.  ayam
ditthikappo   .   tassa   tanhakappo   pahino   ditthikappo  patinissattho
tanhakappassa        pahinatta       ditthikappassa       patinissatthatta
kena   ragena   kappeyya   kena   dosena   kappeyya  kena  mohena
kappeyya    kena    manena    kappeyya   kaya   ditthiya   kappeyya
kena    uddhaccena    kappeyya   kaya   vicikicchaya   kappeyya   kehi
anusayehi    kappeyya   rattoti   va   dutthoti   va   mulhoti   va
vinibandhoti   va   paramatthoti   va   vikkhepagatoti  va  anitthangatoti
va     thamagatoti     va     .     te     abhisankhara    pahina
abhisankharanam   pahinatta   gatiyo   kena   kappeyya   nerayikoti   va
@Footnote: 1 Ma. ditthichadanam. 2 Ma. duccaritachadanam. 3 Ma. ugghatitani. 4 Ma. viharantam.
Tiracchanayonikoti   va   pittivisayikoti   va   manussoti   va  devoti
va  rupiti  va  arupiti  va  sanniti  va  asanniti  va nevasanninasanniti
va  .  so  hetu  natthi  paccayo  natthi  karanam  natthi  yena  kappeyya
vikappeyya  vikappam  apajjeyya  .  lokasminti  apayaloke  manussaloke
devaloke   khandhaloke   dhatuloke   ayatanaloketi   kenidha   lokasmi
vikappayeyya. Tenaha bhagava
                      sa sabbadhammesu visenibhuto
                      yankinci ditthamva sutam mutam va
                      tameva dassim vivatam carantam
                      kenidha lokasmi vikappayeyyati.
     [137] Na kappayanti na purekkharonti
                      accantasuddhiti na te vadanti
                      adanagantham gathitam visajja
                      asam na kubbanti kuhinci loke.
     [138]   Na  kappayanti  na  purekkharontiti  kappati  dve  kappa
tanhakappo   ca   ditthikappo  ca  .pe.  ayam  tanhakappo  .pe.  ayam
ditthikappo   .   tesam   tanhakappo   pahino   ditthikappo  patinissattho
tanhakappassa        pahinatta       ditthikappassa       patinissatthatta
tanhakappam    va    ditthikappam    va    na   kappenti   na   janenti
na     sanjanenti     na     nibbattenti     nabhinibbattentiti     na
Kappayanti   .   na  purekkharontiti  dve  purekkhara  tanhapurekkharo
ca   ditthipurekkharo   ca   .pe.   ayam  tanhapurekkharo  .pe.  ayam
ditthipurekkharo   .   tesam   tanhapurekkharo  pahino  ditthipurekkharo
patinissattho      tanhapurekkharassa     pahinatta     ditthipurekkharassa
patinissatthatta   na   tanham   va   ditthim   va   purato  katva  caranti
na   tanhadhaja   na   tanhaketu   na   tanhadhipateyya  na  ditthiddhaja
na   ditthiketu   na   ditthadhipateyya   na   tanhaya  va  ditthiya  va
parivarita carantiti na kappayanti na purekkharonti.
     [139]  Accantasuddhiti  na  te  vadantiti accantasuddhiti anaccantasuddhim
samsarasuddhim   akiriyasuddhim   sassatavadam  na  vadanti  na  kathenti  na  bhananti
na dipayanti na voharantiti accantasuddhiti na te vadanti.
     [140]   Adanagantham  gathitam  visajjati  ganthati  cattaro  gantha
abhijjha     kayagantho    byapado    kayagantho    silabbataparamaso
kayagantho    idamsaccabhiniveso    kayagantho    .   attano   ditthiya
rago   abhijjha   kayagantho   .   paravadesu   aghato   appaccayo
byapado   kayagantho   .   attano   silam  va  vattam  va  silabbattam
va    paramasati   silabbataparamaso   kayagantho   .   attano   ditthi
idamsaccabhiniveso     kayagantho     .    kimkarana    vuccanti    1-
adanagantho   .   tehi   ganthehi  rupam  adiyanti  upadiyanti  ganhanti
paramasanti     abhinivisanti     vedanam     sannam    sankhare    vinnanam
@Footnote: 1 Ma. vuccati. ito param evam natabbam.
Gatim   upapattim   patisandhim   bhavam   samsaram   vattam   adiyanti   upadiyanti
ganhanti       paramasanti      abhinivisanti      tamkarana      vuccanti
adanagantho   .   visajjati   ganthe   vossajjitva   va  visajja .
Athava   ganthe  gathite  1-  ganthite  bandhe  vibandhe  abandhe  lagge
laggite  palibuddhe  bandhane  photayitva  2-  va visajja. Yatha vayham va
ratham  va  sakatam  va  sandamanikam  va  sajjam  visajjam  karonti  vikopenti
evameva   ganthe  vossajjitva  va  visajja  .  athava  ganthe  gathite
ganthite   bandhe  vibandhe  abandhe  lagge  laggite  palibuddhe  bandhane
photayitva 3- va visajjati adanagantham gathitam visajja.
     [141]   Asam   na   kubbanti   kuhinci   loketi  asa  vuccati
tanha   yo   rago   sarago  .pe.  abhijjha  lobho  akusalamulam .
Asam   na   kubbantiti   asam   na  kubbanti  na  janenti  na  sanjanenti
na    nibbattenti    nabhinibbattenti    .   kuhinciti   kuhinci   kimhici
katthaci   ajjhattam   va   bahiddha  va  ajjhattabahiddha  va  .  loketi
apayaloke    .pe.    ayatanaloketi   asam   na   kubbanti   kuhinci
loke. Tenaha bhagava
                      na kappayanti na purekkharonti
                      accantasuddhiti na te vadanti
                      adanagantham gathitam visajja
                      asam na kubbanti kuhinci loketi.
@Footnote: 1 Ma. gadhite. aparampi idisameva. 2-3 Ma. potayitva.
     [142] Simatito 1- brahmano tassa natthi
                      natva ca disva ca samuggahitam
                      na ragaragi na viragaratto
                      tassidam 2- natthi paramuggahitam.
     [143]   Simatito   brahmano   tassa  natthi  natva  ca  disva
ca   samuggahitanti   simati   catasso  simayo  .  sakkayaditthi  vicikiccha
silabbataparamaso      ditthanusayo      vicikicchanusayo      tadekattha
ca   kilesa   ayam   pathama   sima   .   olarikam   kamaragasannojanam
patighasannojanam    olariko   kamaraganusayo   patighanusayo   tadekattha
ca   kilesa   ayam   dutiya   sima   .   anusahagatam   kamaragasannojanam
patighasannojanam    anusahagato   kamaraganusayo   patighanusayo   tadekattha
ca  kilesa  ayam  tatiya  sima  .  ruparago  aruparago  mano uddhaccam
avijja   mananusayo   bhavaraganusayo   avijjanusayo   tadekattha   ca
kilesa ayam catuttha sima.
     {143.1}  Yato catuhi ariyamaggehi ima catasso simayo atikkanto
hoti  samatikkanto  vitivatto  so vuccati simatito. Brahmanoti  sattannam
dhammanam  bahitatta  brahmano  .pe.  anissito  tadi   pavuccate   sa
brahma   .   tassati  arahato  khinasavassa  .  natvati  paracittananena
va  natva  pubbenivasanussatinanena  va  natva. Disvati  mamsacakkhuna
va  [3]-  dibbacakkhuna  va  disvati  simatito  brahmano  tassa natthi
@Footnote: 1 Ma. Yu. simatigo. ito param idisameva. 2 Ma. tassidha. aparampi idisameva.
@3 Ma. disva.
Natva   ca  disva  ca  .  samuggahitanti  tassa  idam  paramam  aggam  settham
visettham   1-   pamokkham   uttamam   pavaranti  gahitam  paramattham  abhinivittham
ajjhositam  adhimuttam  .  natthiti  natthi  na  santi  na  samvijjati  nupalabbhati.
Pahinam    samucchinnam    vupasantam   patippassaddham   abhabbuppattikam   nanaggina
daddhanti    simatito   brahmano   tassa   natthi   natva   ca   disva
ca samuggahitam.
     [144]  Na  ragaragi  na  viragarattoti  ragaratta  vuccanti  ye
pancasu    kamagunesu   ratta   giddha   gadhita   mucchita   ajjhopanna
lagga   laggita   palibuddha  .  viragaratta  vuccanti  ye  rupavacara-
rupavacarasamapattisu    ratta   giddha   gadhita   mucchita   ajjhopanna
lagga   laggita   palibuddha   .  na  ragaragi  na  viragarattoti  yato
kamarago  ca  ruparago  ca  aruparago  ca  pahina  honti  ucchinnamula
talavatthukata   anabhavangata   ayatim   anuppadadhamma  ettavata  na
ragaragi na viragaratto.
     [145]  Tassidam  natthi  paramuggahitanti  tassati arahato khinasavassa.
Tassa  idam  paramam  aggam  settham  visettham  pamokkham  uttamam  pavaranti gahitam
paramattham   abhinivittham  ajjhositam  adhimuttam  .  natthiti  natthi  na  santi  na
samvijjati    nupalabbhati    .    pahinam   samucchinnam   vupasantam   patippassaddham
abhabbuppattikam    nanaggina   daddhanti   tassidam   natthi   paramuggahitam  .
Tenaha bhagava
@Footnote: 1 Ma. visittham. sabbattha idisameva.
                      Simatito brahmano tassa natthi
                      natva ca disva ca samuggahitam
                      na ragaragi na viragaratto
                      tassidam natthi paramuggahitanti.
                Catuttho suddhatthakasuttaniddeso nitthito.
                                 ------------



             The Pali Tipitaka in Roman Character Volume 29 page 99-121. http://84000.org/tipitaka/read/roman_read.php?B=29&A=1962&modeTY=2              Compare with The Pali Tipitaka in Thai Character :- http://84000.org/tipitaka/read/pali_read.php?B=29&A=1962&modeTY=2              Compare with The Royal Version of Thai Tipitaka :- http://84000.org/tipitaka/read/byitem.php?book=29&item=109&items=37              Compare with The MCU Version of Thai Tipitaka :- http://84000.org/tipitaka/pitaka_item/m_siri.php?B=29&siri=4              Study Atthakatha :- http://84000.org/tipitaka/attha/attha.php?b=29&i=109              The Pali Atthakatha in Thai :- http://84000.org/tipitaka/atthapali/read_th.php?B=45&A=4910              The Pali Atthakatha in Roman :- http://84000.org/tipitaka/atthapali/read_rm.php?B=45&A=4910              Contents of The Tipitaka Volume 29 http://84000.org/tipitaka/read/?index_29

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com