PaliRoman Vol.29

Pancamo paramatthakasuttaniddeso [146] Paramanti ditthisu paribbasano yaduttarim kurute jantu loke hinati anne tato sabbamaha tasma vivadani avitivatto. [147] Paramanti ditthisu paribbasanoti santeke samanabrahmana ditthigatika te dvasatthiya ditthigatanam annatarannataram ditthigatam idam paramam aggam settham visettham pamokkham uttamam pavaranti gahetva uggahetva ganhitva paramasitva abhinivisitva sakaya sakaya ditthiya vasanti samvasanti avasanti parivasanti . yatha agarika va gharesu vasanti sapattika va apattisu vasanti sakilesa va kilesesu vasanti evameva santeke samanabrahmana ditthigatika te dvasatthiya ditthigatanam annatarannataram ditthigatam idam paramam aggam settham visettham pamokkham uttamam pavaranti gahetva uggahetva ganhitva paramasitva abhinivisitva sakaya sakaya ditthiya vasanti samvasanti ^1- avasanti parivasantiti paramanti ditthisu paribbasano. [148] Yaduttarim kurute jantu loketi yadanti yam . uttarim kuruteti uttarim karoti aggam settham visettham pamokkham uttamam @Footnote: ¹ Ma. pavasanti. Pavaram karoti . ayam sattha sabbannuti uttarim karoti aggam settham visettham pamokkham uttamam pavaram karoti ayam dhammo svakkhato ayam gano supatipanno ayam ditthi bhaddika ayam patipada supannatta ayam maggo niyyanikoti uttarim karoti aggam settham visettham pamokkham uttamam pavaram karoti nibbatteti abhinibbatteti . jantuti satto naro .pe. manujo . loketi apayaloke .pe. Ayatanaloketi yaduttarim kurute jantu loke. [149] Hinati anne tato sabbamahati attano sattharam dhammakkhanam ganam ditthim patipadam maggam thapetva sabbe parappavade khipati ukkhipati parikkhipati so sattha na sabbannu dhammo na svakkhato gano na supatipanno ditthi na bhaddika patipada na supannatta maggo na niyyaniko natthettha suddhi va visuddhi va parisuddhi va mutti va vimutti va parimutti va na tattha ^1- sujjhanti va visujjhanti va parisujjhanti va muccanti va vimuccanti va parimuccanti va hina nihina omaka lamaka jatukka parittati evamaha evam katheti evam bhanati evam dipayati evam voharatiti hinati anne tato sabbamaha. [150] Tasma vivadani avitivattoti tasma ^2- tamkarana tamhetu tappaccaya tamnidana ditthikalahani ditthibhandanani ditthiviggahani ditthivivadani ditthimedhagani avitivatto anatikkanto asamatikkantoti @Footnote: ¹ Ma. natthettha . ² Ma. tasmati. Tasma vivadani avitivatto. Tenaha bhagava paramanti ditthisu paribbasano yaduttarim kurute jantu loke hinati anne tato sabbamaha tasma vivadani avitivattoti. [151] Yadattani passati anisamsam ditthe sute silavate mute va tadeva so tattha samuggahaya nihinato passati sabbamannam. [152] Yadattani passati anisamsam ditthe sute silavate mute vati yadattaniti yam attani . atta vuccati ditthigatam . attano ditthiya dve anisamse passati ditthadhammikanca anisamsam samparayikanca anisamsam. {152.1} Katamo ditthiya ditthadhammiko anisamso . yamditthiko sattha hoti tamditthika savaka honti tamditthikam sattharam savaka sakkaronti garukaronti ^1- manenti pujenti apacitim karonti ^2- labhanti ca tatonidanam civarapindapatasenasanagilanapaccayabhesajjaparikkharam ayam ditthiya ditthadhammiko anisamso. {152.2} Katamo ditthiya samparayiko anisamso. Ayam ditthi alam nagattaya va supannattaya va yakkhattaya va asurattaya va @Footnote: ¹ Ma. garum karonti. ² Po. Ma. apacitim karontiti natthi. Gandhabbattaya va maharajattaya va indattaya va brahmattaya va devattaya va ayam ditthi alam suddhiya visuddhiya parisuddhiya muttiya vimuttiya parimuttiya imaya ditthiya sujjhanti visujjhanti parisujjhanti muccanti vimuccanti parimuccanti imaya ditthiya sujjhissami visujjhissami parisujjhissami muccissami vimuccissami parimuccissamiti ^1- ayatim phalapatikankhi hoti. Ayam ditthiya samparayiko anisamso. Attano ditthiya ime dve anisamse passati. {152.3} Ditthasuddhiyapi dve anisamse passati sutasuddhiyapi dve anisamse passati silasuddhiyapi dve anisamse passati vattasuddhiyapi dve anisamse passati mutasuddhiyapi dve anisamse passati ditthadhammikanca anisamsam samparayikanca anisamsam. {152.4} Katamo mutasuddhiya ditthadhammiko anisamso. Yamditthiko sattha hoti tamditthika savaka honti .pe. ayam mutasuddhiya ditthadhammiko anisamso. {152.5} Katamo mutasuddhiya samparayiko anisamso. Ayam ditthi alam nagattaya va .pe. ayam mutasuddhiya samparayiko anisamso . Mutasuddhiyapi ime dve anisamse passati dakkhati oloketi nijjhayati upaparikkhatiti yadattani passati anisamsam ditthe sute silavate mute va. [153] Tadeva so tattha samuggahayati tadevati tam ditthigatam. @Footnote: ¹ Po. Ma. itisaddo natthi. Tatthati sakaya ditthiya sakaya khantiya sakaya ruciya sakaya laddhiya . samuggahayati idam paramam aggam settham visettham pamokkham uttamam pavaranti gahetva uggahetva ganhitva paramasitva abhinivisitvati tadeva so tattha samuggahaya. [154] Nihinato passati sabbamannanti annam sattharam dhammakkhanam ganam ditthim patipadam maggam hinato nihinato omakato lamakato jatukkato parittato ^[1]- passati dakkhati oloketi nijjhayati upaparikkhatiti nihinato passati sabbamannam. Tenaha bhagava yadattani passati anisamsam ditthe sute silavate mute va tadeva so tattha samuggahaya nihinato passati sabbamannanti. [155] Tam vapi gantham kusala vadanti yam nissito passati hinamannam tasma hi ditthamva sutam mutam va silabbatam bhikkhu na nissayeyya. [156] Tam vapi gantham kusala vadantiti kusalati ye te khandhakusala dhatukusala ayatanakusala paticcasamuppadakusala satipatthanakusala sammappadhanakusala iddhippadakusala indriyakusala balakusala bojjhangakusala maggakusala phalakusala nibbanakusala te @Footnote: ¹ Ma. dissati. sabbattha idisameva. Kusala evam vadanti gantho eso lambanam ^1- etam bandhanam etam palibodho esoti evam vadanti evam kathenti evam bhananti evam dipayanti evam voharantiti tam vapi gantham kusala vadanti. [157] Yam nissito passati hinamannanti yam nissitoti yam sattharam dhammakkhanam ganam ditthim patipadam maggam nissito sannissito allino upagato ajjhosito adhimutto . passati hinamannanti annam sattharam dhammakkhanam ganam ditthim patipadam maggam hinato nihinato omakato lamakato jatukkato parittato passati dakkhati oloketi nijjhayati ^[2]- upaparikkhatiti yam nissito passati hinamannam. [158] Tasma hi ditthamva sutam mutam va silabbatam bhikkhu na nissayeyyati tasma tamkarana tamhetu tappaccaya tamnidana dittham va ditthasuddhim va sutam va sutasuddhim va mutam va mutasuddhim va silam va silasuddhim va vattam va vattasuddhim va na nissayeyya na ganheyya na paramaseyya nabhiniviseyyati ^3- tasma hi ditthamva sutam mutam va silabbatam bhikkhu na nissayeyya. Tenaha bhagava tam vapi gantham kusala vadanti yam nissito passati hinamannam tasma hi ditthamva sutam mutam va silabbatam bhikkhu na nissayeyyati. @Footnote: ¹ Ma. lagganam. ² Ma. upanijjhayati. ³ Ma. nabhiniveseyyati. [159] Ditthimpi lokasmi ^1- na kappayeyya nanena va silavatena vapi samoti attanamanupaneyya hino na mannetha visesi vapi. [160] Ditthimpi lokasmi na kappayeyya nanena va silavatena vapiti atthasamapattinanena va pancabhinnananena va micchananena va silena va vattena va silavattena va ditthim na kappayeyya na janeyya na sanjaneyya na nibbatteyya nabhinibbatteyya. Lokasminti apayaloke manussaloke devaloke khandhaloke dhatuloke ayatanaloketi ditthimpi lokasmi na kappayeyya nanena va silavatena vapi. [161] Samoti attanamanupaneyyati sadisohamasmiti attanam na upaneyya jatiya va gottena va kolaputtikena va vannapokkharataya va dhanena va ajjhenena va kammayatanena va sippayatanena va vijjatthanena va sutena va patibhanena va annatarannatarena va vatthunati samoti attanamanupaneyya. [162] Hino na mannetha visesi vapiti hinohamasmiti attanam na upaneyya jatiya va gottena va .pe. annatarannatarena va vatthuna seyyohamasmiti attanam na upaneyya jatiya va gottena va .pe. annatarannatarena va vatthunati hino na @Footnote: ¹ Po. Ma. Yu. lokasmim. Mannetha visesi vapi. Tenaha bhagava ditthimpi lokasmi na kappayeyya nanena va silavatena vapi samoti attanamanupaneyya hino na mannetha visesi vapiti. [163] Attam pahaya anupadiyano nanepi ^1- so nissaya ^2- no karoti sa ve viyattesu na vaggasari ditthimpi so na pacceti kinci. [164] Attam pahaya anupadiyanoti attam pahayati attaditthim pahaya . attam pahayati gaham ^3- pahaya. Attam pahayati tanhavasena ditthivasena gahitam paramattham abhinivittham ajjhositam adhimuttam pahaya pajahitva vinodetva byantikatva ^4- anabhavangamitva ^5- . Attam pahaya anupadiyanoti catuhi upadanehi anupadiyamano agganhamano aparamasamano anabhinivisamanoti attam pahaya anupadiyano. [165] Nanepi so nissaya no karotiti atthasamapattinane va pancabhinnanane va micchanane va tanhanissayam va ditthinissayam va na karoti na janeti na sanjaneti na nibbatteti nabhinibbattetiti nanepi so nissaya no karoti. @Footnote: ¹ Po. Ma. nanenapi. ² Ma. nissayam. ³ Yu. attagaham. ⁴ Po. Ma. byantim karitva. @⁵ Ma. anabhavangametva. [166] Sa ve viyattesu na vaggasariti sa ve vavatthitesu bhinnesu dvejjhapannesu dvelhakajatesu nanaditthikesu nanakhantikesu nanarucikesu nanaladdhikesu nanaditthinissayanissitesu chandagatim gacchantesu dosagatim gacchantesu mohagatim gacchantesu bhayagatim gacchantesu na chandagatim gacchati na dosagatim gacchati na mohagatim gacchati na bhayagatim gacchati na ragavasena gacchati na dosavasena gacchati na mohavasena gacchati na manavasena gacchati na ditthivasena gacchati na uddhaccavasena gacchati na vicikicchavasena gacchati na anusayavasena gacchati na vaggehi dhammehi yayati niyyayati ^1- vuyhati samhariyatiti sa ve viyattesu na vaggasari. [167] Ditthimpi so na pacceti kinciti tassa dvasatthiditthigatani pahinani samucchinnani vupasantani patippassaddhani abhabbuppattikani nanaggina daddhani so kinci ditthigatam na pacceti na paccagacchatiti ditthimpi so na pacceti kinci. Tenaha bhagava attam pahaya anupadiyano nanepi so nissaya no karoti sa ve viyattesu na vaggasari ditthimpi so na pacceti kinciti. [168] Yassubhayante panidhidha natthi bhavabhavaya idha va huram va @Footnote: ¹ Ma. niyyati. Nivesana tassa na santi keci dhammesu niccheyya samuggahitam. [169] Yassubhayante panidhidha natthi bhavabhavaya idha va huram vati yassati arahato khinasavassa . antati phasso eko anto phassasamudayo dutiyo anto . atitam eko anto anagatam dutiyo anto . sukha vedana eko anto dukkha vedana dutiyo anto . namam eko anto rupam dutiyo anto . cha ajjhattikani ayatanani eko anto cha bahirani ayatanani dutiyo anto . Sakkayo eko anto sakkayasamudayo dutiyo anto . panidhi vuccati tanha yo rago sarago .pe. abhijjha lobho akusalamulam. Bhavabhavayati bhavabhavaya kammabhavaya punabbhavaya kamabhavaya kammabhavaya kamabhavaya punabbhavaya rupabhavaya kammabhavaya rupabhavaya punabbhavaya arupabhavaya kammabhavaya arupabhavaya punabbhavaya punappunam bhavaya punappunam gatiya punappunam upapattiya punappunam patisandhiya punappunam attabhavabhinibbattiya . idhati sakattabhavo . Hurati parattabhavo . idhati sakarupavedanasannasankharavinnanam . Hurati pararupavedanasanna sankhara vinnanam . idhati cha ajjhattikani ayatanani . hurati cha bahirani ayatanani . idhati manussaloko. Hurati devaloko . Idhati kamadhatu. Hurati rupadhatu arupadhatu. Idhati Kamadhatu rupadhatu. Hurati arupadhatu. {169.1} Yassubhayante panidhidha natthi bhavabhavaya idha va huram vati yassa ubho ante bhavabhavaya idha va huram va panidhi natthi na samvijjati nupalabbhati pahina samucchinna vupasanta patippassaddha abhabbuppattika nanaggina daddhati yassubhayante panidhidha natthi bhavabhavaya idha va huram va. [170] Nivesana tassa na santi keciti nivesanati dve nivesana tanhanivesana ca ditthinivesana ca .pe. ayam tanhanivesana .pe. ayam ditthinivesana . tassati arahato khinasavassa . Nivesana tassa na santiti na santi na samvijjanti nupalabbhanti pahina samucchinna vupasanta patippassaddha abhabbuppattika nanaggina daddhati nivesana tassa na santi keci. [171] Dhammesu niccheyya samuggahitanti dhammesuti dvasatthiya ditthigatesu . niccheyyati nicchinitva vinicchinitva vicinitva pavicinitva tulayitva tirayitva vibhavayitva vibhutam katva ^[1]- odhiggaho vilaggaho varaggaho kotthasaggaho uccayaggaho samuccayaggaho idam saccam taccham tatham bhutam yathavam aviparitanti gahitam paramattham abhinivittham ajjhositam adhimuttam natthi ^[2]- na samvijjati nupalabbhati pahinam samucchinnam vupasantam patippassaddham abhabbuppattikam nanaggina daddhanti dhammesu niccheyya samuggahitam. Tenaha bhagava @Footnote: ¹ Ma. samuggahitanti. ² Po. Ma. na santi na samvijjanti nupalabbhanti. @sabbattha idisameva. Yassubhayante panidhidha natthi bhavabhavaya idha va huram va nivesana tassa na santi keci dhammesu niccheyya samuggahitanti. [172] Tassidha dittheva sute mute va pakappita natthi anupi sanna tam brahmanam ditthimanadiyanam kenidha lokasmi vikappayeyya. [173] Tassidha dittheva sute mute va pakappita natthi anupi sannati tassa arahato khinasavassa ^[1]- ditthe va ditthasuddhiya va sute va sutasuddhiya va mute va mutasuddhiya va sanna- pubbangamatadhipateyyata ^2- sannaviggahena sannaya uddhapita ^3- kappita ^[4]- abhisankhata santhapita ditthi natthi na samvijjati nupalabbhati pahina samucchinna vupasanta patippassaddha abhabbuppattika nanaggina daddhati tassidha dittheva sute mute va pakappita natthi anupi sanna. [174] Tam brahmanam ditthimanadiyananti brahmanoti sattannam dhammanam bahitatta brahmano .pe. anissito ^5- tadi pavuccate sa brahma . tam brahmanam ditthimanadiyananti tam @Footnote: ¹ Ma. Yu. tassa. ² sannapubbangamata sannavikappeyyata .... @³ Ma. atthapita samutthapita. ⁴ Ma. pakappita sankhata .... ⁵ Po. Ma. asito. Brahmanam ditthim anadiyantam agganhantam aparamasantam anabhinivisantanti ^1- tam brahmanam ditthimanadiyanam. [175] Kenidha lokasmi vikappayeyyati kappati dve kappa tanhakappo ca ditthikappo ca .pe. ayam tanhakappo .pe. ayam ditthikappo . tassa tanhakappo pahino ditthikappo patinissattho tanhakappassa pahinatta ditthikappassa patinissatthatta kena ragena kappeyya kena dosena kappeyya kena mohena kappeyya kena manena kappeyya kaya ditthiya kappeyya kena uddhaccena kappeyya kaya vicikicchaya kappeyya kehi anusayehi kappeyya rattoti va dutthoti va mulhoti va vinibandhoti va paramatthoti va vikkhepagatoti va anitthangatoti va thamagatoti va . te abhisankhara pahina abhisankharanam pahinatta gatiyo kena kappeyya nerayikoti va tiracchanayonikoti va pittivisayikoti va manussoti va devoti va rupiti va arupiti va sanniti va asanniti va nevasanninasanniti va . so hetu natthi paccayo natthi karanam natthi yena kappeyya vikappeyya vikappam apajjeyya . Lokasminti apayaloke manussaloke devaloke khandhaloke dhatuloke ayatanaloketi kenidha lokasmi vikappayeyya. Tenaha bhagava @Footnote: ¹ Po. Ma. anabhinivesantanti. Tassidha dittheva sute mute va pakappita natthi anupi sanna tam brahmanam ditthimanadiyanam kenidha lokasmi vikappayeyyati. [176] Na kappayanti na purekkharonti dhammapi tesam na paticchitase na brahmano silavatena neyyo parangato na pacceti tadi ^1-. [177] Na kappayanti na purekkharontiti kappati dve kappa tanhakappo ca ditthikappo ca .pe. ayam tanhakappo .pe. ayam ditthikappo. {177.1} Katamo tanhakappo . Yavata tanhasankhatena simakatam mariyadikatam odhikatam pariyantikatam pariggahitam mamayitam idam mamam etam mamam ettakam mamam ettavata mamam mama rupa sadda gandha rasa photthabba attharana papurana dasidasa ajelaka kukkutasukara hatthigavassavalava khettam vatthu hirannam suvannam gamanigamarajadhaniyo ratthanca janapado ca koso ca kotthagaranca kevalampi mahapathavim tanhavasena mamayati yavata atthasatatanhaviparitam ^2- ayam tanhakappo. {177.2} Katamo ditthikappo. Visativatthuka sakkayaditthi dasavatthuka micchaditthi dasavatthuka antaggahika ditthi ya evarupa ditthi @Footnote: ¹ Ma. tadi . ² Ma. Yu. ... vicaritam. Ditthigatam ditthigahanam ditthikantaro ^1- ditthivisukayikam ditthivipphanditam ditthisannojanam gaho patiggaho abhiniveso paramaso kummaggo micchapatho micchattam titthayatanam vipariyesaggaho ^2- viparitaggaho vipallasaggaho micchagaho ayathavakasmim yathavakanti gaho yavata dvasatthi ditthigatani ayam ditthikappo. {177.3} Tesam tanhakappo pahino ditthikappo patinissattho tanhakappassa pahinatta ditthikappassa patinissatthatta tanhakappam va ditthikappam va na kappenti na janenti na sanjanenti na nibbattenti nabhinibbattentiti na kappayanti. {177.4} Na purekkharontiti purekkharati dve purekkhara tanhapurekkharo ca ditthipurekkharo ca .pe. ayam tanhapurekkharo .pe. ayam ditthipurekkharo . tesam tanhapurekkharo pahino ditthipurekkharo patinissattho tanhapurekkharassa pahinatta ditthipurekkharassa patinissatthatta na tanham va na ditthim va purato katva caranti na tanhadhaja na tanhaketu na tanhadhipateyya na ditthiddhaja na ditthiketu na ditthadhipateyya na tanhaya va na ditthiya va parivarita ^3- carantiti na kappayanti na purekkharonti. [178] Dhammapi tesam na paticchitaseti dhamma vuccanti dvasatthi ditthigatani . tesanti tesam arahantanam khinasavanam . @Footnote: ¹ Ma. Yu. ... kantaram. ² Ma. vipariyasaggaho. ³ Po. Yu. parivaretva. Paticchitaseti ^1- sassato loko idameva saccam moghamannanti na paticchitase asassato loko .pe. neva hoti na na hoti tathagato parammarana idameva saccam moghamannanti na paticchitaseti dhammapi tesam na paticchitase. [179] Na brahmano silavatena neyyoti nati patikkhepo . Brahmanoti sattannam dhammanam bahitatta brahmano .pe. Anissito tadi pavuccate sa brahma . na brahmano silavatena neyyoti brahmano silena va vattena va silavattena va na yayati na niyyayati na vuyhati na samhariyatiti na brahmano silavatena neyyo. [180] Parangato na pacceti taditi param vuccati amatam nibbanam yo so sabbasankharasamatho sabbupadhipatinissaggo tanhakkhayo virago nirodho nibbanam . yo paragato parappatto antagato antappatto kotigato kotippatto .pe. natthi tassa punabbhavoti parangato . Na paccetiti sotapattimaggena ye kilesa pahina te kilese na puneti na pacceti na paccagacchati sakadagamimaggena ye kilesa pahina te kilese na puneti na pacceti na paccagacchati anagamimaggena ye kilesa pahina te kilese na puneti na pacceti na paccagacchati arahattamaggena ye kilesa pahina te kilese na puneti na pacceti na paccagacchatiti @Footnote: ¹ Ma. na paticchitaseti. Parangato na pacceti . taditi araha pancahakarehi tadi itthanitthe tadi cattaviti tadi tinnaviti tadi muttaviti tadi tamniddesa tadi. {180.1} Katham araha itthanitthe tadi. Araha labhepi tadi alabhepi tadi yasepi tadi ayasepi tadi pasamsayapi tadi nindayapi tadi sukhepi tadi dukkhepi tadi . ekance baham gandhena limpeyyum ekance baham vasiya taccheyyum amusmim natthi rago amusmim natthi patigham anunayapatighavippahino ugghatinigghativitivatto anurodhavirodha- samatikkanto evam araha itthanitthe tadi. {180.2} Katham araha cattaviti tadi. Arahato rago catto vanto mutto pahino patinissattho . doso moho kodho upanaho makkho palaso issa macchariyam maya satheyyam thambho sarambho mano atimano mado pamado sabbe kilesa sabbe duccarita sabbe daratha sabbe parilaha sabbe santapa sabbakusalabhisankhara catta vanta mutta pahina patinissattha evam araha cattaviti tadi. {180.3} Katham araha tinnaviti tadi . Araha kamogham tinno bhavogham tinno ditthogham tinno avijjogham tinno sabbasamsarapatham ^1- tinno uttinno nittinno atikkanto samatikkanto @Footnote: ¹ Po. sabbasamsarapatipatham. Yu. sabbasankharapatipatham. Vitivatto so vutthavaso cinnacarano .pe. natthi tassa punabbhavoti evam araha tinnaviti tadi. {180.4} Katham araha muttaviti tadi. Arahato raga cittam muttam vimuttam suvimuttam . dosa cittam muttam vimuttam suvimuttam. Moha cittam muttam vimuttam suvimuttam . kodha upanaha makkha palasa issa macchariya maya satheyya thambha sarambha mana atimana mada pamada sabbakilesehi sabbaduccaritehi sabbadarathehi sabbaparilahehi sabbasantapehi sabbakusalabhisankharehi cittam muttam vimuttam suvimuttam evam araha muttaviti tadi. {180.5} Katham araha tamniddesa tadi. Araha sile sati silavati tamniddesa tadi . saddhaya sati saddhoti tamniddesa tadi . Viriye sati viriyavati tamniddesa tadi . satiya sati satimati tamniddesa tadi . samadhismim sati samahitoti tamniddesa tadi . Pannaya sati pannavati tamniddesa tadi . vijjaya sati tevijjoti tamniddesa tadi . abhinnaya sati chalabhinnoti tamniddesa tadi evam araha tamniddesa taditi parangato na pacceti tadi. Tenaha bhagava na kappayanti na purekkharonti dhammapi tesam na paticchitase Na brahmano silavatena neyyo parangato na pacceti taditi. Pancamo paramatthakasuttaniddeso nitthito. ---------------

The Pali Tipitaka in Roman Character Volume 29 page 122-140. https://84000.org/tipitaka/read/roman_read.php?B=29&A=2417&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=29&A=2417&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=29&item=146&items=35 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=29&siri=5 Study Atthakatha :- https://84000.org/tipitaka/attha/attha.php?b=29&i=146 The Pali Atthakatha in Thai :- https://84000.org/tipitaka/atthapali/read_th.php?B=45&A=5510 The Pali Atthakatha in Roman :- https://84000.org/tipitaka/atthapali/read_rm.php?B=45&A=5510 Contents of The Tipitaka Volume 29 https://84000.org/tipitaka/read/?index_29 https://84000.org/tipitaka/english/?index_29