|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
| ThaiVersion McuVersion PaliThai PaliRoman |
TIPITAKA Volume 29 : PALI ROMAN Sutta Pitaka Vol 21 : Sutta. Khu. Mahāniddeso
Ekadasamo kalahavivadasuttaniddeso [441] Kuto pahuta kalaha vivada paridevasoka sahamacchara ca manatimana sahapesuna ca kuto pahuta te tadingha bruhi. [442] Kuto pahuta kalaha vivadati kalahoti ekena akarena kalahopi vivadopi tanneva yo kalaho so vivado yo vivado so kalaho . athava aparena akarena vivado vuccati kalahassa pubbabhago vivado . rajanopi rajuhi vivadanti khattiyapi khattiyehi vivadanti brahmanapi brahmanehi vivadanti gahapatipi gahapatihi vivadanti matapi puttena vivadati puttopi matara vivadati pitapi puttena vivadati puttopi pitara vivadati bhatapi bhatara vivadati bhaginipi bhaginiya vivadati bhatapi bhaginiya vivadati bhaginipi bhatara vivadati sahayopi sahayena vivadati ayam vivado . Katamo kalaho . agarika randhapasuta kayena vacaya kalaham karonti pabbajita apattim apajjanta kayena vacaya kalaham karonti ayam kalaho . kuto pahuta kalaha vivadati kalaha ca vivada ca kuto pahuta kuto jata kuto sanjata kuto nibbatta kuto abhinibbatta kuto patubhuta kimnidana kimsamudaya kimjatika kimpabhavati kalahassa ca vivadassa ca mulam pucchati hetum Pucchati nidanam pucchati sambhavam pucchati pabhavam pucchati samutthanam pucchati aharam pucchati arammanam pucchati paccayam pucchati samudayam pucchati papucchati yacati ajjhesati pasadetiti kuto pahuta kalaha vivada. [443] Paridevasoka sahamacchara cati paridevoti natibyasanena va phutthassa bhogabyasanena va phutthassa rogabyasanena va phutthassa silabyasanena va phutthassa ditthibyasanena va phutthassa annatarannatarena va byasanena samannagatassa annatarannatarena va dukkhadhammena phutthassa adevo paridevo adevana paridevana adevitattam paridevitattam vaca palapo vippalapo lalappo lalappayana lalappayitattam . sokoti natibyasanena va phutthassa bhogabyasanena va phutthassa rogabyasanena va phutthassa silabyasanena va phutthassa ditthibyasanena va phutthassa annatarannatarena va byasanena samannagatassa annatarannatarena va dukkhadhammena phutthassa soko socana socitattam antosoko antoparisoko antodaho antoparidaho cetaso parijjhayana domanassam sokasallam . macchariyanti panca macchariyani avasamacchariyam kulamacchariyam labhamacchariyam vannamacchariyam dhammamacchariyam yam evarupam macchariyam maccharayana maccharayitattam veviccham kadariyam katukancakata aggahitattam cittassa idam vuccati macchariyam . apica khandhamacchariyampi Macchariyam dhatumacchariyampi macchariyam ayatanamacchariyampi macchariyam gaho idam vuccati macchariyanti paridevasoka sahamacchara ca. [444] Manatimana sahapesuna cati manoti idhekacco manam janeti jatiya va gottena va kolaputtikena va vannapokkharataya va dhanena va ajjhenena va kammayatanena va sippayatanena va vijjatthanena va sutena va patibhanena va annatarannatarena va vatthuna . atimanoti idhekacco annam 1- atimannati jatiya va gottena va .pe. annatarannatarena va vatthuna . Pesunnanti idhekacco pisunavaco hoti ito sutva amutra akkhata imesam bhedaya amutra va sutva imesam akkhata amusam bhedaya iti samagganam va bhetta bhinnanam va anuppadata vaggaramo vaggarato vagganandi vaggakaranim vacam bhasita hoti idam vuccati pesunnam . apica dvihi karanehi pesunnam upasamharati piyakamyataya va bhedadhippayo 2- va. {444.1} Katham piyakamyataya pesunnam upasamharati . imassa piyo bhavissami manapo bhavissami vissasiko bhavissami abbhantariko bhavissami suhadayo bhavissamiti evam piyakamyataya pesunnam upasamharati. {444.2} Katham bhedadhippayo 3- pesunnam upasamharati . katham ime nana assu vina assu vagga assu dvedha assu dvejjha assu dvepakkha assu bhijjeyyum na samagaccheyyum dukkham na @Footnote: 1 Ma. param . 2-3 Ma. Yu. bhedadhippayena. ito param evam natabbam. Phasu vihareyyunti evam bhedadhippayo pesunnam upasamharatiti manatimana sahapesuna ca. [445] Kuto pahuta te tadingha bruhiti kalaho ca vivado ca paridevo ca soko ca macchariyanca mano ca atimano ca pesunnanca ime attha kilesa kuto pahuta kuto jata kuto sanjata kuto nibbatta kuto abhinibbatta kuto patubhuta kimnidana kimsamudaya kimjatika kimpabhavati imesam atthannam kilesanam mulam pucchati hetum pucchati nidanam pucchati sambhavam pucchati pabhavam pucchati samutthanam pucchati aharam pucchati arammanam pucchati paccayam pucchati samudayam pucchati papucchati yacati ajjhesati pasadetiti kuto pahuta te . tadingha bruhiti ingha bruhi acikkhahi desehi pannapehi 1- patthapehi vivara vibhaja uttanikarohi pakasehiti kuto pahuta te tadingha bruhi. Tenaha so nimmito kuto pahuta kalaha vivada paridevasoka sahamacchara ca manatimana sahapesuna ca kuto pahuta te tadingha bruhiti. [446] Piyappahuta kalaha vivada paridevasoka sahamacchara ca manatimana sahapesuna ca @Footnote: 1 Ma. pannapehi. Maccherayutta kalaha vivada vivadajatesu ca pesunani. [447] Piyappahuta kalaha vivada paridevasoka sahamacchara cati piyati dve piya satta va sankhara va. {447.1} Katame satta piya. Idha yassa te honti atthakama hitakama phasukama yogakkhemakama mata va pita va bhata va bhagini va putto va dhita va mitta va amacca va nati va salohita va ime satta piya . Katame sankhara piya. Manapika rupa manapika sadda manapika gandha manapika rasa manapika photthabba ime sankhara piya. {447.2} Piyavatthuacchedasankinopi 1- kalaham karonti acchijjantepi kalaham karonti acchinnepi kalaham karonti . piyavatthuviparinamasankinopi kalaham karonti viparinamantepi kalaham karonti viparinatepi kalaham karonti . piyavatthuacchedasankinopi vivadanti acchijjantepi vivadanti acchinnepi vivadanti . piyavatthuviparinamasankinopi vivadanti viparinamantepi vivadanti viparinatepi vivadanti . piyavatthuaccheda- sankinopi paridevanti acchijjantepi paridevanti acchinnepi paridevanti. Piyavatthuviparinamasankinopi paridevanti viparinamantepi paridevanti viparinatepi paridevanti . piyavatthuacchedasankinopi socanti acchijjantepi socanti acchinnepi socanti . piyavatthuviparinamasankinopi @Footnote: 1 Ma. piyam vatthum. sabbattha evam natabbam. Socanti viparinamantepi socanti viparinatepi socanti . piyavatthum rakkhanti gopenti parigganhanti mayayanti maccharayanti. [448] Manatimana sahapesuna cati piyavatthum nissaya manam janenti piyavatthum nissaya atimanam janenti. {448.1} Katham piyavatthum nissaya manam janenti. Mayam labhino manapikanam rupanam saddanam gandhanam rasanam photthabbananti evam piyavatthum nissaya manam janenti. {448.2} Katham piyavatthum nissaya atimanam janenti. Mayam labhino manapikanam rupanam saddanam gandhanam rasanam photthabbanam ime pana na labhino manapikanam rupanam saddanam gandhanam rasanam photthabbananti evam piyavatthum nissaya atimanam janenti. {448.3} Pesunnanti idhekacco pisunavaco hoti ito sutva amutra akkhata imesam bhedaya .pe. evam bhedadhippayo pesunnam upasamharatiti .pe. Manatimana sahapesuna ca. [449] Maccherayutta kalaha vivadati kalaho ca vivado ca paridevo ca soko ca mano ca atimano ca pesunnanca ime satta kilesa macchariye yutta payutta ayutta samayuttati maccherayutta kalaha vivada. [450] Vivadajatesu ca pesunaniti vivade jate sanjate nibbatte abhinibbatte patubhute pesunnam upasamharanti ito Sutva amutra akkhayanti imesam bhedaya amutra va sutva imesam akkhayanti amusam bhedaya iti samagganam va bhetata 1- bhinnanam va anuppadata vaggarama vaggarata vagganandi vaggakaranim vacam bhasita honti idam vuccati pesunnam . apica dvihi karanehi pesunnam upasamharanti piyakamyataya va bhedadhippaya va. {450.1} Katham piyakamyataya pesunnam upasamharanti . Imassa piya bhavissama manapa bhavissama vissasika bhavissama abbhantarika bhavissama suhadaya bhavissamati evam piyakamyataya pesunnam upasamharanti. {450.2} Katham bhedadhippaya pesunnam upasamharanti . katham ime nana assu vina assu vagga assu dvedha assu dvejjha assu dvepakkha assu bhijjeyyum na samagaccheyyum dukkham na phasu vihareyyunti evam bhedadhippaya pesunnam upasamharantiti vivadajatesu ca pesunani. Tenaha bhagava piyappahuta kalaha vivada paridevasoka sahamacchara ca manatimana sahapesuna ca maccherayutta kalaha vivada vivadajatesu ca pesunaniti. @Footnote: 1 Ma. bhettaro. [451] Piya su lokasmi kutonidana ye vapi 1- lobha vicaranti loke asa ca nittha ca kutonidana ye samparayaya narassa honti. [452] Piya su lokasmi kutonidanati piya kutonidana kuto jata kuto sanjata kuto nibbatta kuto abhinibbatta kuto patubhuta kimnidana kimsamudaya kimjatika kimpabhavati piyanam mulam pucchati .pe. samudayam pucchati papucchati yacati ajjhesati pasadetiti piya su lokasmi kutonidana. [453] Ye vapi lobha vicaranti loketi ye vapiti khattiya ca brahmana ca vessa ca sudda ca gahattha ca pabbajita ca deva ca manussa ca . lobhati yo lobho lubbhana lubbhitattam sarago sarajjana sarajjitattam abhijjha lobho akusalamulam . vicarantiti vicaranti viharanti iriyanti vattanti palenti yapenti yapenti . Loketi apayaloke manussaloke devaloke khandhaloke dhatuloke ayatanaloketi ye vapi lobha vicaranti loke. [454] Asa ca nittha ca kutonidanati asa ca nittha ca kutonidana kuto jata kuto sanjata kuto nibbatta kuto abhinibbatta kuto patubhuta kimnidana kimsamudaya kimjatika kimpabhavati @Footnote: 1 Ma. ye capi. sabbattha idisameva. Asaya ca nitthaya ca mulam pucchati .pe. samudayam pucchati papucchati yacati ajjhesati pasadetiti asa ca nittha ca kutonidana. [455] Ye samparayaya narassa hontiti ye narassa parayana honti dipa honti tana honti lena honti sarana honti naro nitthaparayano hotiti ye samparayaya narassa honti . Tenaha so nimmito piya su lokasmi kutonidana ye vapi lobha vicaranti loke asa ca nittha ca kutonidana ye samparayaya narassa hontiti. [456] Chandanidanani piyani loke ye vapi lobha vicaranti loke asa ca nittha ca itonidana ye samparayaya narassa honti. [457] Chandanidanani piyani loketi chandoti yo kamesu kamacchando kamarago kamanandi kamatanha kamasneho kamaparilaho kamamuccha kamajjhosanam kamogho kamayogo kamupadanam kamacchandanivaranam . apica panca chanda pariyesanacchando patilabhacchando paribhogacchando sannidhicchando visajjanacchando. {457.1} Katamo pariyesanacchando . idhekacco ajjhositoyeva atthiko chandajato rupe pariyesati sadde gandhe rase photthabbe pariyesati ayam pariyesanacchando. {457.2} Katamo patilabhacchando . idhekacco ajjhositoyeva atthiko chandajato rupe patilabhati sadde gandhe rase photthabbe patilabhati ayam patilabhacchando. {457.3} Katamo paribhogacchando. Idhekacco ajjhositoyeva atthiko chandajato rupe paribhunjati sadde gandhe rase photthabbe paribhunjati ayam paribhogacchando. {457.4} Katamo sannidhicchando. Idhekacco ajjhositoyeva atthiko chandajato dhanasannicayam karoti apadasu bhavissatiti ayam sannidhicchando. {457.5} Katamo visajjanacchando. Idhekacco ajjhositoyeva atthiko chandajato dhanam visajjeti hattharohanam assarohanam rathikanam dhanuggahanam pattikanam ime mam rakkhissanti gopissanti samparivarissantiti ayam visajjanacchando. {457.6} Piyaniti dve piya satta va sankhara va .pe. Ime satta piya .pe. ime sankhara piya . chandanidanani piyani loketi piya chandanidana chandasamudaya chandajatika chandappabhavati chandanidanani piyani loke. [458] Ye vapi lobha vicaranti loketi ye vapiti khattiya ca brahmana ca vessa ca sudda ca gahattha ca pabbajita ca deva ca manussa ca . lobhati yo lobho lubbhana lubbhitattam sarago sarajjana sarajjitattam abhijjha lobho akusalamulam . Vicarantiti vicaranti viharanti iriyanti vattanti palenti yapenti yapenti . loketi apayaloke .pe. ayatanaloketi ye vapi lobha vicaranti loke. [459] Asa ca nittha ca itonidanati asa vuccati tanha yo rago sarago .pe. abhijjha lobho akusalamulam . Nitthati idhekacco rupe pariyesanto rupam patilabhati rupanittho hoti. Sadde gandhe rase photthabbe kulam ganam avasam labham yasam pasamsam sukham civaram pindapatam senasanam gilanapaccayabhesajjaparikkharam suttantam vinayam abhidhammam arannikangam pindapatikangam pamsukulikangam tecivarikangam sapadanacarikangam khalupacchabhattikangam nesajjikangam yathasanthatikangam pathamam jhanam dutiyam jhanam tatiyam jhanam catuttham jhanam akasanancayatanasamapattim vinnanancayatana- samapattim akincannayatanasamapattim nevasannanasannayatana- samapattim pariyesanto nevasannanasannayatanasamapattim patilabhati nevasannanasannayatanasamapattinittho hoti. Asaya kasate khettam vijam asaya vappati asaya vanija yanti samuddam dhanaharaka saya 1- asaya titthami sa me asa samijjhatiti. Nittha 2- vuccate asaya samiddhi . Asa ca nittha ca itonidanati asa ca nittha ca itochandanidana chandasamudaya chandajatika chandappabhavati asa ca nittha ca itonidana. [460] Ye samparayaya narassa hontiti ye narassa parayana honti dipa honti tana honti lena honti sarana honti naro nitthaparayano 3- hotiti ye samparayaya narassa honti . Tenaha bhagava chandanidanani piyani loke ye vapi lobha vicaranti loke asa ca nittha ca itonidana ye samparayaya narassa hontiti. [461] Chando nu lokasmi kutonidano vinicchaya vapi kuto pahuta kodho mosavajjanca kathamkatha ca ye vapi dhamma samanena vutta. [462] Chando nu lokasmi kutonidanoti chando kutonidano @Footnote: 1 Yu. yaya. 2 Po. Ma. asaya samiddhi vuccate nittha. 3 Ma. nitthaparayana @honti. Kuto jato kuto sanjato kuto nibbatto kuto abhinibbatto kuto patubhuto kimnidano kimsamudayo kimjatiko kimpabhavoti chandassa mulam pucchati .pe. samudayam pucchati papucchati yacati ajjhesati pasadetiti chando nu lokasmi kutonidano. [463] Vinicchaya vapi kuto pahutati vinicchaya kuto pahuta kuto jata kuto sanjata kuto nibbatta kuto abhinibbatta kuto patubhuta kimnidana kimsamudaya kimjatika kimpabhavati vinicchayanam mulam pucchati .pe. samudayam pucchati papucchati yacati ajjhesati pasadetiti vinicchaya vapi kuto pahuta. [464] Kodho mosavajjanca kathamkatha cati kodhoti yo [1]- cittassa aghato patighato patigham pativirodho kopo pakopo sampakopo doso padoso sampadoso cittassa byapatti manopadoso kodho kujjhana kujjhitattam doso dussana dussitattam byapatti byapajjana byapajjitattam virodho pativirodho candikkam assuropo anattamanata cittassa . mosavajjam vuccati musavado . kathamkatha vuccati vicikicchati kodho mosavajjanca kathamkatha ca. [465] Ye vapi dhamma samanena vuttati ye vapiti ye kodhena ca mosavajjena ca kathamkathaya ca sahagata sahajata samsattha sampayutta ekuppada ekanirodha ekavatthuka ekarammana ime vuccanti ye vapi dhamma . athava ye 2- vapiti @Footnote: 1 Ma. evarupo . 2 Ma. ye te kilesa. Kilesa annajatika annavihita ime vuccanti ye vapi dhamma . Samanena vuttati samanena samitapapena brahmanena vahitapapena 1- bhikkhuna bhinnakilesamulena sabbakusalamulabandhana pamuttena vutta pavutta acikkhita desita pannapita patthapita vivata vibhatta uttanikata pakasitati ye vapi dhamma samanena vutta . Tenaha so nimmito chando nu lokasmi kutonidano vinicchaya vapi kuto pahuta kodho mosavajjanca kathamkatha ca ye vapi dhamma samanena vuttati. [466] Satam asatanti yamahu loke tamupanissaya pahoti chando rupesu disva vibhavam bhavanca vinicchayam kurute 2- jantu loke. [467] Satam asatanti yamahu loketi satanti sukha ca vedana itthanca vatthu . asatanti dukkha ca vedana anitthanca vatthu . yamahu loketi yam ahamsu yam kathenti yam bhananti yam dipayanti yam voharantiti satam asatanti yamahu loke. [468] Tamupanissaya pahoti chandoti satasatam nissaya sukhadukkham nissaya somanassadomanassam nissaya itthanittham nissaya @Footnote: 1 Ma. bahitapapadhammena bhikkhuno . 2 Ma. kubbati. Anunayapatigham nissaya chando 1- hoti pahoti jayati sanjayati nibbattati abhinibbattatiti tamupanissaya pahoti chando. [469] Rupesu disva vibhavam bhavancati rupesuti cattaro ca mahabhuta catunnanca mahabhutanam upadayarupam. {469.1} Katamo rupanam bhavo . Yo rupanam bhavo jati sanjati nibbatti abhinibbatti patubhavo ayam rupanam bhavo. {469.2} Katamo rupanam vibhavo . Yo rupanam khayo vayo bhedo paribhedo aniccata antaradhanam ayam rupanam vibhavo. {469.3} Rupesu disva vibhavam bhavancati rupesu bhavanca vibhavanca disva passitva tulayitva tirayitva vibhavayitva vibhutam katvati rupesu disva vibhavam bhavanca. [470] Vinicchayam kurute jantu loketi vinicchayati dve vinicchaya tanhavinicchayo ca ditthivinicchayo ca. {470.1} Katham tanhavinicchayam karoti . idhekaccassa anuppanna ceva bhoga na uppajjanti uppanna ca bhoga parikkhayam gacchanti . Tassa evam hoti kena nu kho me upayena anuppanna ceva bhoga na uppajjanti uppanna ca bhoga parikkhayam gacchanti . tassa pana evam hoti suramerayamajjapamadatthananuyogam anuyuttassa me anuppanna ceva bhoga na uppajjanti uppanna ca bhoga parikkhayam gacchanti vikalavisikkhacariyanuyogam anuyuttassa me @Footnote: 1 Ma. chando pahoti pabhavati .... Anuppanna ceva bhoga na uppajjanti uppanna ca bhoga parikkhayam gacchanti samajjabhicaranam anuyuttassa me jutappamadatthananuyogam anuyuttassa me papamittanuyogam anuyuttassa me anuppanna ceva bhoga na uppajjanti uppanna ca bhoga parikkhayam gacchanti alassanuyogam 1- anuyuttassa me anuppanna ceva bhoga na uppajjanti uppanna ca bhoga parikkhayam gacchantiti . evam nanam katva cha bhoganam apayamukhani na sevati [2]- . evampi tanhavinicchayam karoti . athava kasiya va vanijjaya va gorakkhena va issatthena va rajaporisena va sippannatarena va patipajjati. Evampi tanhavinicchayam karoti. {470.2} Katham ditthivinicchayam karoti . Cakkhusmim uppanne janati atta me uppannoti. Cakkhusmim antarahite janati atta me antarahito vigato me attati . evampi ditthivinicchayam karoti . sotasmim ghanasmim jivhaya kayasmim rupasmim saddasmim gandhasmim rasasmim photthabbasmim uppanne janati atta me uppannoti . Photthabbasmim antarahite janati atta me antarahito vigato me attati . evampi ditthivinicchayam karoti janeti sanjaneti nibbatteti abhinibbatteti. {470.3} Jantuti satto naro manavo .pe. Manujoti. Loketi @Footnote: 1 Ma. alasyanuyogam. 2 Ma. Yu. etthantare cha bhoganam ayamukhani sevatiti @atthi. Apayaloke .pe. ayatanaloketi vinicchayam kurute jantu loke . Tenaha bhagava satam asatanti yamahu loke tamupanissaya pahoti chando rupesu disva vibhavam bhavanca vinicchayam kurute jantu loketi. [471] Kodho mosavajjanca kathamkatha ca etepi dhamma dvayameva sante kathamkathi nanapathaya sikkhe natva pavutta samanena dhamma. [472] Kodho mosavajjanca kathamkatha cati kodhoti yo [1]- Cittassa aghato patighato .pe. Mosavajjam vuccati musavado. Kathamkatha vuccati vicikiccha . ittham vatthum nissayapi kodho jayati . Anittham vatthum nissayapi kodho jayati . ittham vatthum nissayapi musavado uppajjati . anittham vatthum nissayapi musavado uppajjati . ittham vatthum nissayapi kathamkatha uppajjati . anittham vatthum nissayapi kathamkatha uppajjati. {472.1} Katham anittham vatthum nissaya kodho jayati. [2]- Anattham me acariti kodho jayati anattham me caratiti kodho jayati anattham me carissatiti kodho jayati . piyassa me manapassa anattham @Footnote: 1 Ma. evarupo. 2 Po. Ma. pakatiya anittham vatthum nissaya kodho jayati. Acari anattham carati anattham carissatiti kodho jayati . appiyassa me amanapassa attham acari attham carati attham carissatiti kodho jayati. Evam anittham vatthum nissaya kodho jayati. {472.2} Katham ittham vatthum nissaya kodho jayati. Itthavatthu- acchedasankinopi kodho jayati acchijjantepi kodho jayati acchinnepi kodho jayati . itthavatthuviparinamasankinopi kodho jayati viparinamantepi kodho jayati viparinatepi kodho jayati . evam ittham vatthum nissaya kodho jayati. {472.3} Katham anittham vatthum nissaya musavado uppajjati. Idhekacco addubandhanena 1- va bandho tassa bandhanassa mokkhatthaya sampajanamusa bhasati . rajjubandhanena va bandho . sankhalikabandhanena va bandho. Vettabandhanena va bandho . latabandhanena va bandho . [2]- parikkhepabandhanena va bandho . gamanigamanagarabandhanena 3- va bandho. Janapadabandhanena va bandho tassa bandhanassa mokkhatthaya sampajanamusa bhasati. Evam anittham vatthum nissaya musavado uppajjati. {472.4} Katham ittham vatthum nissaya musavado uppajjati. Idhekacco manapikanam rupanam hetu sampajanamusa bhasati . manapikanam saddanam gandhavanam rasanam photthabbanam hetu civarahetu pindapatahetu senasanahetu gilanapaccayabhesajjaparikkharahetu sampajanamusa bhasati. Evam ittham vatthum nissaya musavado uppajjati. @Footnote: 1 Po. Ma. andu ... baddho. 2 Ma. pakkhepabandhanena. @3 Ma. Yu. gamanigamanagararatthabandhanena. {472.5} Katham anittham vatthum nissaya kathamkatha uppajjati. Muccissami nu kho cakkhurogato na nu kho muccissami cakkhurogato muccissami nu kho sotarogato ghanarogato jivharogato kayarogato sisarogato kannarogato mukharogato muccissami nu kho dantarogato na nu kho muccissami dantarogatoti . evam anittham vatthum nissaya kathamkatha uppajjati. {472.6} Katham ittham vatthum nissaya kathamkatha uppajjati . Labhissami nu kho manapike rupe na nu kho labhissami manapike rupe labhissami nu kho manapike sadde gandhe rase photthabbe kulam ganam avasam labham yasam pasamsam sukham civaram pindapatam senasanam gilanapacca- yabhesajjaparikkharanti . evam ittham vatthum nissaya kathamkatha uppajjatiti kodho mosavajjanca kathamkatha ca. [473] Etepi dhamma dvayameva santeti satasate sante sukhadukkhe sante somanassadomanasse sante itthanitthe sante anunayapatighe sante samvijjamane [1]- upalabbhiyamaneti etepi dhamma dvayameva sante. [474] Kathamkathi nanapathaya sikkheti nanampi nanapatho nanassa arammanampi nanapatho nanasahabhunopi dhamma nanapatho . Yatha ariyamaggo ariyapatho devamaggo devapatho brahmamaggo brahmapatho evameva nanampi nanapatho nanassa @Footnote: 1 Po. Ma. atthi. Arammanampi nanapatho nanasahabhunopi dhamma nanapatho . Sikkheti tisso sikkha adhisilasikkha adhicittasikkha adhipannasikkha. {474.1} Katama adhisilasikkha . idha bhikkhu silava hoti patimokkhasamvarasamvuto viharati acaragocarasampanno anumattesu vajjesu bhayadassavi samadaya sikkhati sikkhapadesu khuddako silakkhandho mahanto silakkhandho silam patittha adi caranam samyamo samvaro mukham pamukham kusalanam dhammanam samapattiya ayam adhisilasikkha. {474.2} Katama adhicittasikkha . idha bhikkhu vivicceva kamehi .pe. Catuttham jhanam upasampajja viharati ayam adhicittasikkha. {474.3} Katama adhipannasikkha . idha bhikkhu pannava hoti udayatthagaminiya pannaya samannagato ariyaya nibbedhikaya sammadukkhakkhayagaminiya so idam dukkhanti yathabhutam pajanati .pe. Ayam dukkhanirodhagamini patipadati yathabhutam pajanati ime asavati yathabhutam pajanati .pe. ayam asavanirodhagamini patipadati yathabhutam pajanati ayam adhipannasikkha. {474.4} Kathamkathi nanapathaya sikkheti kathamkathi puggalo sakankho savilekho sadvelhako savicikiccho nanadhigamaya nanaphusanaya nanasacchikiriyaya adhisilampi sikkheyya adhicittampi sikkheyya adhipannampi sikkheyya . ima tisso sikkha avajjento sikkheyya jananto sikkheyya passanto sikkheyya paccavekkhanto sikkheyya cittam Adhitthahanto sikkheyya saddhaya adhimuccanto sikkheyya viriyam pagganhanto sikkheyya satim upatthahanto sikkheyya cittam samadahanto sikkheyya pannaya pajananto sikkheyya abhinneyyam abhijananto sikkheyya parinneyyam parijananto sikkheyya pahatabbam pajahanto sikkheyya bhavetabbam bhavento sikkheyya sacchikatabbam sacchikaronto sikkheyya acareyya samacareyya samadaya vatteyyati kathamkathi nanapathaya sikkhe. [475] Natva pavutta samanena dhammati [1]- natva janitva tulayitva tirayitva vibhavayitva vibhutam katva vutta pavutta acikkhita desita pannapita patthapita vivata vibhatta uttanikata pakasita . sabbe sankhara aniccati natva janitva tulayitva tirayitva vibhavayitva vibhutam katva vutta pavutta acikkhita desita pannapita patthapita vivata vibhatta uttanikata pakasita . Sabbe sankhara dukkhati. Sabbe dhamma anattati. {475.1} Avijjapaccaya sankhara 2- .pe. jatipaccaya jaramarananti . avijjanirodha sankharanirodho 3- .pe. jatinirodha jaramarananirodhoti . idam dukkhanti .pe. ayam dukkhanirodhagamini patipadati . ime asavati .pe. ayam asavanirodhagamini patipadati. Ime dhamma abhinneyyati . ime dhamma parinneyyati . Ime dhamma pahatabbati . ime dhamma bhavetabbati . @Footnote: 1 Ma. natvati . 2-3 Ma. itisaddo atthi. Ime dhamma sacchikatabbati . channam phassayatananam samudayanca atthangamanca assadanca adinavanca nissarananca pancannam upadanakkhandhanam catunnam mahabhutanam yankinci samudayadhammam sabbantam nirodhadhammanti natva janitva tulayitva tirayitva vibhavayitva vibhutam katva vutta pavutta acikkhita desita pannapita patthapita vivata vibhatta uttanikata pakasita. {475.2} Vuttam hetam bhagavata abhinnayaham bhikkhave dhammam desemi no anabhinnaya sanidanaham bhikkhave dhammam desemi no anidanam sappatihariyaham bhikkhave dhammam desemi no appatihariyam tassa mayham bhikkhave abhinnaya dhammam desayato no anabhinnaya sanidanam dhammam desayato no anidanam sappatihariyam dhammam desayato no appatihariyam karaniyo ovado karaniya anusasani alanca pana vo bhikkhave tutthiya alam pamojjaya alam somanassaya sammasambuddho bhagava svakkhato dhammo supatipanno sanghoti . Imasmim ca pana veyyakaranasmim bhannamane dasasahassi lokadhatu akampitthati natva pavutta samanena dhamma. Tenaha bhagava kodho mosavajjanca kathamkatha ca etepi dhamma dvayameva sante kathamkathi nanapathaya sikkhe natva pavutta samanena dhammati. [476] Satam asatanca kutonidana kismim asante na bhavanti hete vibhavam bhavancapi yametamattham etamme pabruhi yatonidanam. [477] Satam asatanca kutonidanati satasata kutonidana kuto jata kuto sanjata kuto nibbatta kuto abhinibbatta kuto patubhuta kimnidana kimsamudaya kimjatika kimpabhavati satasatanam mulam pucchati .pe. samudayam pucchati papucchati yacati ajjhesati pasadetiti satam asatanca kutonidana. [478] Kimsmim asante na bhavanti heteti kismim asante asamvijjamane [1]- anupalabbhiyamane satasata na bhavanti nappabhavanti na jayanti na sanjayanti na nibbattanti nabhinibbattantiti kismim asante na bhavanti hete. [479] Vibhavam bhavancapi yametamatthanti katamo satasatanam bhavo . yo satasatanam bhavo sambhavo 2- jati sanjati nibbatti abhinibbatti patubhavo ayam satasatanam bhavo . katamo satasatanam vibhavo . Yo satasatanam khayo vayo bhedo paribhedo aniccata antaradhanam ayam satasatanam vibhavo . yametamatthanti yam paramatthanti vibhavam bhavancapi yametamattham. [480] Etamme pabruhi yatonidananti etanti yam pucchami @Footnote: 1 Ma. natthi. ito param evam natabbam . 2 Ma. pabhavo. Yam yacami yam ajjhesami yam pasademi . Pabruhiti bruhi [1]- acikkha desehi pannapehi patthapehi vivara vibhaja uttanikarohi pakasehiti etamme pabruhi . yatonidananti yamnidanam yamsamudayam yamjatikam yampabhavanti etamme pabruhi yatonidanam. Tenaha so nimmito satam asatanca kutonidana kismim asante na bhavanti hete vibhavam bhavancapi yametamattham etamme pabruhi yatonidananti. [481] Phassanidanam satam asatam phasse asante na bhavanti hete vibhavam bhavancapi yametamattham etante pabrumi itonidanam. [482] Phassanidanam satam asatanti sukhavedaniyam phassam paticca uppajjati sukha vedana . sa 2- tasseva sukhavedaniyassa phassassa nirodha [3]- tajjam vedayitam sukhavedaniyam phassam paticca uppanna sukha vedana sa nirujjhati sa vupasammati . dukkhavedaniyam phassam paticca uppajjati dukkha vedana . sa 4- tasseva dukkhavedaniyassa phassassa nirodha [5]- tajjam vedayitam dukkhavedaniyam phassam paticca uppanna dukkha vedana sa nirujjhati sa vupasammati . adukkhamasukhavedaniyam phassam paticca uppajjati adukkhamasukha vedana . sa 6- tasseva adukkhamasukhavedaniyassa @Footnote: 1 Ma. Yu. vadehi. 2-4-6 Ma. ya. 3-5 Ma. yam. Sukhavedaniyassa phassassa nirodha [1]- tajjam vedayitam adukkhamasukhavedaniyam phassam paticca uppanna adukkhamasukha vedana sa nirujjhati sa vupasammati . phassanidanam satam asatanti satasata phassanidana phassasamudaya phassajatika phassappabhavati phassanidanam satam asatam. [483] Phasse asante na bhavanti heteti phasse asante asamvijjamane anupalabbhiyamane satasata na bhavanti nappabhavanti na jayanti na sanjayanti na nibbattanti nabhinibbattanti na patubhavantiti phasse asante na bhavanti hete. [484] Vibhavam bhavancapi yametamatthanti bhavaditthipi phassanidana vibhavaditthipi phassanidana . yametamatthanti yam paramatthanti vibhavam bhavancapi yametamattham. [485] Etante pabrumi itonidananti etanti yam pucchasi yam yacasi yam ajjhesasi yam pasadesi . pabrumiti brumi acikkhami desemi pannapemi patthapemi vivarami vibhajami uttanikaromi pakasemiti etante pabrumi . itonidananti itophassanidanam phassasamudayam phassajatikam phassappabhavanti etante pabrumi itonidanam . Tenaha bhagava phassanidanam satam asatam phasse asante na bhavanti hete @Footnote: 1 Ma. yam. Vibhavam bhavancapi yametamattham etante pabrumi itonidananti. [486] Phasso nu lokasmi kutonidano pariggaha vapi kuto pahuta kismim asante na mamattamatthi kismim vibhute na phusanti phassa. [487] Phasso nu lokasmi kutonidanoti phasso kutonidano kuto jato kuto sanjato kuto nibbatto kuto abhinibbatto kuto patubhuto kimnidano kimsamudayo kimjatiko kimpabhavoti phassassa mulam pucchati [1]- .pe. samudayam pucchati papucchati yacati ajjhesati pasadetiti phasso nu lokasmi kutonidano. [488] Pariggaha vapi kuto pahutati pariggaha kuto pahuta kuto jata kuto sanjata kuto nibbatta kuto abhinibbatta kuto patubhuta kimnidana kimsamudaya kimjatika kimpabhavati pariggahanam mulam pucchati .pe. samudayam pucchati papucchati yacati ajjhesati pasadetiti pariggaha vapi kuto pahuta. [489] Kismim asante na mamattamatthiti kismim asante asamvijjamane anupalabbhiyamane mamatta natthi na santi na samvijjanti nupalabbhanti pahina samucchinna vupasanta patippassaddha abhabbuppattika nanaggina daddhati kimsmim asante na mamattamatthi. @Footnote: 1 Ma. hetum pucchati. [490] Kismim vibhute na phusanti phassati kismim vibhute vibhavite atikkante samatikkante vitivatte na phassa phusantiti kismim vibhute na phusanti phassa. Tenaha so nimmito phasso nu lokasmi kutonidano pariggaha vapi kuto pahuta kismim asante na mamattamatthi kismim vibhute na phusanti phassati. [491] Namanca rupanca paticca phasso icchanidanani pariggahani icchayasantya na mamattamatthi rupe vibhute na phusanti phassa. [492] Namanca rupanca paticca phassoti cakkhunca paticca rupe ca uppajjati cakkhuvinnanam tinnam sangati phasso cakkhunca rupa ca rupasmim cakkhusamphassam thapetva sampayuttaka dhamma namasmim evampi namanca rupanca paticca phasso . sotanca paticca sadde ca uppajjati sotavinnanam tinnam sangati phasso sotanca sadda ca rupasmim sotasamphassam thapetva sampayuttaka dhamma namasmim evampi namanca rupanca paticca phasso . Ghananca paticca gandhe ca uppajjati ghanavinnanam tinnam sangati phasso ghananca gandha ca rupasmim ghanasamphassam thapetva Sampayuttaka dhamma namasmim evampi namanca rupanca paticca phasso . jivhanca paticca rase ca uppajjati jivhavinnanam tinnam sangati phasso jivha ca rasa ca rupasmim jivhasamphassam thapetva sampayuttaka dhamma namasmim evampi namanca rupanca paticca phasso . kayanca paticca photthabbe ca uppajjati kayavinnanam tinnam sangati phasso kayo ca photthabba ca rupasmim kayasamphassam thapetva sampayuttaka dhamma namasmim evampi namanca rupanca paticca phasso . mananca paticca dhamme ca uppajjati manovinnanam tinnam sangati phasso vatthurupam rupasmim dhamma rupino rupasmim manosamphassam thapetva sampayuttaka dhamma namasmim evampi namanca rupanca paticca phasso. [493] Icchanidanani pariggahaniti iccha vuccati tanha yo rago sarago .pe. abhijjha lobho akusalamulam . pariggahati dve pariggaha tanhapariggaho ca ditthipariggaho ca .pe. ayam tanhapariggaho .pe. ayam ditthipariggaho . icchanidanani pariggahaniti pariggaha icchanidana icchahetuka icchapaccaya icchakarana icchapabhavati icchanidanani pariggahani. [494] Icchayasantya na mamattamatthiti iccha vuccati tanha yo rago sarago .pe. abhijjha lobho akusalamulam . mamattati dve mamatta tanhamamattanca ditthimamattanca .pe. idam tanhamamattam .pe. Idam ditthimamattam . icchayasantya na mamattamatthiti icchaya asantya asamvijjamanaya nupalabbhiyamanaya mamatta natthi na santi na samvijjanti nupalabbhanti pahina samucchinna vupasanta patippassaddha abhabbuppattika nanaggina daddhati icchayasantya na mamattamatthi. [495] Rupe vibhute na phusanti phassati rupeti cattaro ca mahabhuta catunnanca mahabhutanam upadayarupam . rupe vibhuteti catuhi karanehi rupam vibhutam hoti natavibhutena tiranavibhutena pahanavibhutena samatikkamavibhutena. {495.1} Katham natavibhutena rupam vibhutam hoti. Rupam janati yankinci rupam sabbam rupam cattaro ca mahabhuta catunnanca mahabhutanam upadayarupanti janati passati evam natavibhutena rupam vibhutam hoti. {495.2} Katham tiranavibhutena rupam vibhutam hoti. Evam natam katva rupam tireti aniccato dukkhato rogato gandato sallato aghato abadhato parato palokato itito upaddavato bhayato upasaggato calato pabhangato addhuvato atanato alenato asaranato rittato tucchato sunnato anattato adinavato viparinamadhammato asarakato aghamulato vadhakato vibhavato sasavato sankhatato maramisato jatidhammato jaradhammato byadhidhammato maranadhammato sokaparideva- dukkhadomanassupayasadhammato sankilesikadhammato samudayato atthangamato Assadato adinavato nissaranato tireti evam tiranavibhutena rupam vibhutam hoti. {495.3} Katham pahanavibhutena rupam vibhutam hoti. Evam tiretva rupe chandaragam pajahati vinodeti byantikaroti anabhavangameti . vuttam hetam bhagavata yo rupe bhikkhave chandarago tam pajahatha evantam [1]- pahinam bhavissati ucchinnamulam talavatthukatam anabhavangatam ayatim anuppadadhammam . Evam pahanavibhutena rupam vibhutam hoti. {495.4} Katham samatikkamavibhutena rupam vibhutam hoti . catasso arupasamapattiyo patiladdhassa rupa vibhuta honti vibhavita atikkanta samatikkanta vitivatta evam samatikkamavibhutena rupam vibhutam hoti . Imehi catuhi karanehi rupam vibhutam hoti. {495.5} Rupe vibhute na phusanti phassati rupe vibhute vibhavite atikkante samatikkante vitivatte panca phassa na phusanti cakkhusamphasso sotasamphasso ghanasamphasso jivhasamphasso kayasamphassoti rupe vibhute na phusanti phassa. Tenaha bhagava namanca rupanca paticca phasso icchanidanani pariggahani icchayasantya na mamattamatthi rupe vibhute na phusanti phassati. @Footnote: 1 Ma. rupam. [496] Kathamsametassa vibhoti rupam sukham dukkham vapi katham vibhoti etamme pabruhi yatha vibhoti tam janiyama iti me mano ahu. [497] Kathamsametassa vibhoti rupanti kathamsametassa kathampatipannassa kathamiriyantassa kathampavattentassa kathampalentassa kathamyapentassa kathamyapentassa rupam vibhoti vibhaviyyati atikkamiyyati samatikkamiyyati vitivattiyyatiti kathamsametassa vibhoti rupam. [498] Sukham dukkham vapi katham vibhotiti sukhanca dukkhanca katham vibhoti vibhaviyyati atikkamiyyati samatakkamiyyati vitivattiyyatiti sukham dukkham vapi katham vibhoti. [499] Etamme pabruhi yatha vibhotiti etanti yam pucchami yam yacami yam ajjhesami yam pasademiti etam. Me pabruhiti me bruhi 1- acikkha desehi pannapehi patthapehi vivara vibhaja uttanikarohi pakasehiti etamme pabruhi . yatha vibhotiti yatha vibhoti vibhaviyyati atikkamiyyati samatikkamiyyati vitivattiyyatiti etamme pabruhi yatha vibhoti. [500] Tam janiyama iti me mano ahuti tam janiyamati tam janeyyama ajaneyyama vijaneyyama pativijaneyyama pativijjheyyamati tam janiyama . Iti me mano ahuti [2]- iti me cittam @Footnote: 1 Ma. pabruhi. 2 Ma. iti me mano ahu. Ahu iti me sankappo ahu iti me vinnanam ahuti tam janiyama iti me mano ahu. Tenaha so nimmito kathamsametassa vibhoti rupam sukham dukkham vapi katham vibhoti etamme pabruhi yatha vibhoti tam janiyama iti me mano ahuti. [501] Na sannasanni na visannasanni nopi asanni na vibhutasanni evamsametassa vibhoti rupam sannanidana hi papancasankha. [502] Na sannasanni na visannasanniti sannasannino vuccanti ye pakatisannaya thita napi so pakatisannaya thito . Visannasannino vuccanti ummattaka ye ca ukkhittacitta 1- napi so ummattako nopi khittacittoti na sannasanni na visannasanni. [503] Nopi asanni na vibhutasanniti asannino vuccanti nirodhasamapanna ye ca asannasatta napi so nirodhasamapanno nopi asannasatto . vibhutasannino vuccanti ye catunnam arupasamapattinam labhino napi so catunnam arupasamapattinam labhiti nopi asanni na vibhutasanni. @Footnote: 1 Ma. khittacitta. [504] Evamsametassa vibhoti rupanti idha bhikkhu sukhassa ca pahana .pe. catuttham jhanam upasampajja viharati so evam samahite citte parisuddhe pariyodate anangane vigatupakkilese mudubhute kammaniye thite anenjappatte akasanancayatanasamapattipatilabhatthaya cittam abhiniharati abhininnameti arupamaggasamangiti evamsametassa 1- evampatipannassa evamiriyantassa evamvattentassa evampalentassa evamyapentassa evamyapentassa rupam vibhoti vibhaviyyati atikkamiyyati samatikkamiyyati vitivattiyyatiti evamsametassa vibhoti rupam. [505] Sannanidana hi papancasankhati papancayeva papancasankha tanhapapancasankha ditthipapancasankha manapapancasankha sannanidana sannasamudaya sannajatika sannapabhavati sannanidana hi papancasankha. Tenaha bhagava na sannasanni na visannasanni nopi asanni na vibhutasanni evamsametassa vibhoti rupam sannanidana hi papancasankhati. [506] Yantam apucchimha akittayi no annantam pucchama tadingha bruhi @Footnote: 1 Po. Yu. itisaddo atthi. Ettavataggam no 1- vadanti heke yakkhassa suddhim idha panditase udahu annampi vadanti etto. [507] Yantam apucchimha akittayi noti yantam apucchimha ayacimha ajjhesimha pasadayimha . akittayi noti kittitam pakittitam acikkhitam desitam pannapitam patthapitam vivatam vibhattam uttanikatam pakasitanti yantam apucchimha akittayi no. [508] Annantam pucchama tadingha bruhiti annantam pucchama annantam yacama annantam ajjhesama annantam pasadema uttarim tam pucchama . tadingha bruhiti ingha bruhi acikkha desehi pannapehi patthapehi vivara vibhaja uttanikarohi pakasehiti annantam pucchama tadingha bruhi. [509] Ettavataggam no vadanti heke yakkhassa suddhim idha panditaseti eke samanabrahmana ettavata 2- arupasamapattiya aggam settham visettham pamokkham uttamam pavaram vadanti kathenti bhananti dipayanti voharanti . yakkhassati sattassa narassa manavassa posassa puggalassa jivassa jatussa jantussa indagussa manujassa . suddhinti suddhim visuddhim parisuddhim muttim vimuttim parimuttim . idha panditaseti idha panditavada dhiravada nanavada hetuvada lakkhanavada karanavada thanavada sakaya laddhiyati ettavataggam @Footnote: 1 Ma. na . 2 Po. Ma. eta arupasamapattiyo. No vadanti heke yakkhassa suddhim idha panditase. [510] Udahu annampi vadanti ettoti udahu eke samanabrahmana eta arupasamapattiyo atikkamitva samatikkamitva vitivattitva etto arupato annam uttarim yakkhassa suddhim visuddhim parisuddhim muttim vimuttim parimuttim vadanti kathenti bhananti dipayanti voharantiti udahu annampi vadanti etto. Tenaha so nimmito yantam apucchimha akittayi no annantam pucchama tadingha bruhi ettavataggam no vadanti heke yakkhassa suddhim idha panditase udahu annampi vadanti ettoti. [511] Ettavataggampi vadanti heke yakkhassa suddhim idha panditase tesam puneke samayam vadanti anupadisese kusalavadana. [512] Ettavataggampi vadanti heke yakkhassa suddhim idha panditaseti santeke samanabrahmana sassatavada ettavata arupasamapattiya aggam settham visettham pamokkham uttamam pavaram vadanti kathenti bhananti dipayanti voharanti . yakkhassati sattassa narassa manavassa posassa puggalassa jivassa jatussa jantussa Indagussa manujassa . suddhinti suddhim visuddhim parisuddhim muttim vimuttim parimuttim . idha panditaseti idha panditavada dhiravada nanavada hetuvada lakkhanavada karanavada thanavada sakaya laddhiyati ettavataggampi vadanti heke yakkhassa suddhim idha panditase. [513] Tesam puneke samayam vadanti anupadisese kusalavadanati tesamyeva samanabrahmananam eke samanabrahmana ucchedavada bhavatajjita vibhavam abhinandanti te sattassa samam upasamam vupasamam nirodham patippassaddham vadanti yato kira bho ayam atta kayassa bheda ucchijjati vinassati na hoti parammarana ettavata anupadisesoti . Kusalavadanati kusalavada panditavada dhiravada nanavada hetuvada lakkhanavada karanavada thanavada sakaya laddhiyati tesam puneke samayam vadanti anupadisese kusalavadana . tenaha bhagava ettavataggampi vadanti heke yakkhassa suddhim idha panditase tesam puneke samayam vadanti anupadisese kusalavadanati. [514] Ete ca natva upanissitati natva muni nissaye so vimamsi Natva vimutto na vivadameti bhavabhavaya na sameti dhiro. [515] Ete ca natva upanissitati eteti ditthigatike . Upanissitati sassataditthinissitati natva ucchedaditthinissitati natva sassatucchedaditthinissitati natva janitva tulayitva tirayitva vibhavayitva vibhutam katvati ete ca natva upanissitati. [516] Natva muni nissaye so vimamsiti muniti monam vuccati nanam .pe. sangajalamaticca so muni . muni sassataditthinissitati natva ucchedaditthinissitati natva sassatucchedaditthinissitati natva janitva tulayitva tirayitva vibhavayitva vibhutam katva . So vimamsiti pandito pannava buddhima nani vibhavi medhaviti natva muni nissaye so vimamsi. [517] Natva vimutto na vivadametiti natva janitva tulayitva tirayitva vibhavayitva vibhutam katva . [1]- mutto vimutto parimutto suvimutto accantaanupadavimokkhena sabbe sankhara aniccati natva janitva tulayitva tirayitva vibhavayitva vibhutam katva mutto vimutto parimutto suvimutto accantaanupadavimokkhena sabbe sankhara dukkhati sabbe dhamma anattati .pe. Yankinci samudayadhammam sabbantam nirodhadhammanti natva janitva tulayitva tirayitva vibhavayitva vibhutam katva mutto vimutto @Footnote: 1 Ma. vimuttoti. Parimutto suvimutto accantaanupadavimokkhenati natva vimutto . na vivadametiti na kalaham karoti na bhandanam karoti na viggaham karoti na vivadam karoti na medhagam karoti. Vuttam hetam bhagavata evam vimuttacitto kho aggivessana bhikkhu na kenaci samvadati na kenaci vivadati yanca loke vuttam tena ca voharati aparamasanti . Natva vimutto na vivadameti. [518] Bhavabhavaya na sameti dhiroti bhavabhavayati bhavabhavaya kammabhavaya punabbhavaya kamabhavaya kammabhavaya kamabhavaya punabbhavaya rupabhavaya kammabhavaya rupabhavaya punabbhavaya arupabhavaya kammabhavaya arupabhavaya punabbhavaya punappunam bhavaya punappunam gatiya punappunam upapattiya punappunam patisandhiya punappunam attabhavabhinibbattiya na sameti na samagacchati na ganhati na paramasati nabhinivisati . Dhiroti dhiro pandito pannava buddhima nani vibhavi medhaviti bhavabhavaya na sameti dhiro. Tenaha bhagava ete ca natva upanissitati natva muni nissaye so vimamsi natva vimutto na vivadameti bhavabhavaya na sameti dhiroti. Ekadasamo kalahavivadasuttaniddeso nitthito. --------------The Pali Tipitaka in Roman Character Volume 29 page 305-342. https://84000.org/tipitaka/read/roman_read.php?B=29&A=6094&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=29&A=6094&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=29&item=442&items=77 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=29&siri=11 Study Atthakatha :- https://84000.org/tipitaka/attha/attha.php?b=29&i=442 The Pali Atthakatha in Thai :- https://84000.org/tipitaka/atthapali/read_th.php?B=45&A=8151 The Pali Atthakatha in Roman :- https://84000.org/tipitaka/atthapali/read_rm.php?B=45&A=8151 Contents of The Tipitaka Volume 29 https://84000.org/tipitaka/read/?index_29 https://84000.org/tipitaka/english/?index_29
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]