ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī

                                  Navamasanghadisesam
     [77]  Tena  samayena  buddho  bhagava  savatthiyam  viharati  jetavane
anathapindikassa   arame   .   tena   kho  pana  samayena  thullanandaya
bhikkhuniya   antevasiniyo  bhikkhuniyo  1-  samsattha  viharanti  papacara
papasadda    papasiloka    bhikkhunisanghassa    vihesika    annamannissa
vajjapaticchadika   2-   .   ya  ta  bhikkhuniyo  appiccha  .pe.  ta
ujjhayanti   khiyanti   vipacenti   katham   hi   nama   bhikkhuniyo  samsattha
viharissanti    papacara    papasadda    papasiloka    bhikkhunisanghassa
@Footnote: 1 Ma. Yu. anutevasibhikkhuniyo. 2 vajjappaticchadikati amhakam mati.
Vihesika   annamannissa   vajjapaticchadikati  .pe.  saccam  kira  bhikkhave
bhikkhuniyo    samsattha   viharanti   papacara   papasadda   papasiloka
bhikkhunisanghassa     vihesika     annamannissa    vajjapaticchadikati   .
Saccam  bhagavati  .  vigarahi  buddho  bhagava  katham  hi nama bhikkhave bhikkhuniyo
samsattha   viharissanti  papacara  papasadda  papasiloka  bhikkhunisanghassa
vihesika    annamannissa    vajjapaticchadika    1-    netam   bhikkhave
appasannanam   va   pasadaya   .pe.  evanca  pana  bhikkhave  bhikkhuniyo
imam sikkhapadam uddisantu
     {77.1}  bhikkhuniyo  paneva  samsattha viharanti papacara papasadda
papasiloka   bhikkhunisanghassa  vihesika  annamannissa  vajjapaticchadika .
Ta  bhikkhuniyo  bhikkhunihi  evamassu  vacaniya  bhaginiyo  kho samsattha viharanti
papacara     papasadda    papasiloka    bhikkhunisanghassa    vihesika
annamannissa    vajjapaticchadika    viviccathayye    vivekanneva   bhagininam
sangho  vannetiti  .  evanca  ta  bhikkhuniyo  bhikkhunihi  vuccamana tatheva
pagganheyyum    ta    bhikkhuniyo    bhikkhunihi   yavatatiyam   samanubhasitabba
tassa  patinissaggaya  .  yavatatiyance  samanubhasiyamana  tam patinissajjeyyum
iccetam   kusalam   no  ce  patinissajjeyyum  imapi  bhikkhuniyo  yavatatiyakam
dhammam apanna nissaraniyam sanghadisesanti.
     [78]   Bhikkhuniyo   panevati  upasampannayo  vuccati  .  samsattha
viharanti  [2]-  ananulomikena  kayikavacasikena  3-  samsattha  viharanti.
@Footnote: 1 Ma. Yu. vajjapaticchadikati. 2 Ma. Yu. etthantare viharantiti samsattha nama.
@3 kayikavacasikena samsaggenati bhavitabbam.
Papacarati    papakena   acarena   samannagata   .   papasaddati
papakena    kittisaddena    abbhuggata    .   papasilokati   papakena
micchajivena  jivitam  kappenti  .  bhikkhunisanghassa  vihesikati  annamannissa
kamme  kayiramane  1-  patikkosanti  .  annamannissa  vajjapaticchadikati
annamannam vajjam paticchadenti.
     [79]  Ta  bhikkhuniyoti  ya  ta  samsattha  bhikkhuniyo . Bhikkhunihiti
annahi   bhikkhunihi   .   ya   passanti   ya   sunanti  tahi  vattabba
bhaginiyo   kho   samsattha   viharanti  papacara  papasadda  papasiloka
bhikkhunisanghassa       vihesika       annamannissa      vajjapaticchadika
viviccathayye    vivekanneva   bhagininam   sangho   vannetiti   .   dutiyampi
vattabba   tatiyampi   vattabba   .  sace  patinissajjanti  iccetam  kusalam
no   ce   patinissajjanti   apatti   dukkatassa   .  sutva  na  vadanti
apatti    dukkatassa    .   ta   bhikkhuniyo   sanghamajjhampi   akaddhitva
vattabba   bhaginiyo   kho   samsattha   viharanti   papacara  papasadda
papasiloka     bhikkhunisanghassa     vihesika     annamannissa     vajja
paticchadika   viviccathayye   vivekanneva   bhagininam   sangho  vannetiti .
Dutiyampi    vattabba    tatiyampi   vattabba   .   sace   patinissajjanti
iccetam kusalam no ce patinissajjanti apatti dukkatassa.
     [80]   Ta  bhikkhuniyo  samanubhasitabba  .  evanca  pana  bhikkhave
samanubhasitabba byattaya bhikkhuniya patibalaya sangho napetabbo
@Footnote: 1 Ma. Yu. kariyamane.
     {80.1}  Sunatu  me  ayye  sangho itthannama ca itthannama ca
bhikkhuniyo    samsattha   viharanti   papacara   papasadda   papasiloka
bhikkhunisanghassa    vihesika    annamannissa   vajjapaticchadika   .   ta
tam    vatthum   nappatinissajjanti   .   yadi   sanghassa   pattakallam   sangho
itthannamanca     itthannamanca     bhikkhuniyo     samanubhaseyya    tassa
vatthussa patinissaggaya. Esa natti.
     {80.2}  Sunatu  me  ayye  sangho  itthannama  ca itthannama
ca   bhikkhuniyo   samsattha   viharanti  papacara  papasadda  papasiloka
bhikkhunisanghassa   vihesika   annamannissa   vajjapaticchadika   .  ta  tam
vatthum    nappatinissajjanti    .    sangho   itthannamanca   itthannamanca
bhikkhuniyo   samanubhasati  tassa  vatthussa  patinissaggaya  .  yassa  ayyaya
khamati   itthannamaya   ca  itthannamaya  ca  bhikkhuninam  samanubhasana  tassa
vatthussa patinissaggaya sa tunhassa yassa nakkhamati sa bhaseyya.
     {80.3}  Dutiyampi  etamattham  vadami .pe. Tatiyampi etamattham vadami
.pe.   samanubhattha  sanghena  itthannama  ca  itthannama  ca  bhikkhuniyo
tassa  vatthussa  patinissaggaya  .  khamati  sanghassa  tasma tunhi. Evametam
dharayamiti.
     [81]    Nattiya    dukkatam    dvihi    kammavacahi   thullaccaya
kammavacapariyosane    apatti    sanghadisesassa    .    sanghadisesam
ajjhapajjantinam    nattiya    dukkatam    dvihi   kammavacahi   thullaccaya
patippassambhanti   .  dve  tisso  ekato  samanubhasitabba  taduttari  1-
@Footnote: 1 Ma. yu tatuttari.
Na samanubhasitabba.
     [82]  Imapi bhikkhuniyoti purimayo upadaya vuccanti. Yavatatiyakanti
yavatatiyam  samanubhasanaya  apajjanti  na saha vatthujjhacara. Nissaraniyanti
sanghamha nissariyati. Sanghadisesoti .pe. Tenapi vuccati sanghadisesoti.
     [83]    Dhammakamme   dhammakammasanna   nappatinissajjanti   apatti
sanghadisesassa   .   dhammakamme   vematika   nappatinissajjanti   apatti
sanghadisesassa    .    dhammakamme    adhammakammasanna   nappatinissajjanti
apatti    sanghadisesassa   .   adhammakamme   dhammakammasanna   apatti
dukkatassa  .  adhammakamme  vematika  apatti  dukkatassa  .  adhammakamme
adhammakammasanna apatti dukkatassa.
     [84]   Anapatti   asamanubhasantinam   patinissajjantinam   ummattikanam
khittacittanam vedanattanam 1- adikammikananti.
                                   ------



             The Pali Tipitaka in Roman Character Volume 3 page 53-57. https://84000.org/tipitaka/read/roman_read.php?B=3&A=1035&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=1035&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=3&item=77&items=8              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=13              Study Atthakatha :- https://84000.org/tipitaka/attha/attha.php?b=3&i=77              The Pali Atthakatha in Thai :- https://84000.org/tipitaka/atthapali/read_th.php?B=2&A=11097              The Pali Atthakatha in Roman :- https://84000.org/tipitaka/atthapali/read_rm.php?B=2&A=11097              Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]