|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
Nissaggiyakandam ime kho panayyayo timsa nissaggiya pacittiya dhamma uddesam agacchanti. Pattavaggassa pathamasikkhapadam [93] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhuniyo bahupatte 1- sannicayam karonti . manussa viharacarikam ahindanta passitva ujjhayanti khiyanti vipacenti katham hi nama bhikkhuniyo bahupatte sannicayam karissanti pattavanijjam 2- va bhikkhuniyo karissanti amattikapanam va pasaressantiti . assosum kho bhikkhuniyo tesam manussanam ujjhayantanam khiyantanam vipacentanam. {93.1} Ya ta bhikkhuniyo appiccha .pe. Ta ujjhayanti khiyanti vipacenti katham hi nama chabbaggiya bhikkhuniyo pattasannicayam karissantiti .pe. saccam kira bhikkhave chabbaggiya bhikkhuniyo pattasannicayam karontiti . saccam bhagavati . vigarahi buddho bhagava katham hi nama bhikkhave chabbaggiya bhikkhuniyo pattasannicayam karissanti netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {93.2} ya pana bhikkhuni pattasannicayam @Footnote: 1 Ma. bahupatte 2 Ma. pattavanijjam.--------------------------------------------------------------------------------------------- page65.
Kareyya nissaggiyam pacittiyanti. [94] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . patto nama dve patta ayopatto mattikapatto . tayo pattassa vanna ukkattho patto majjhimo patto omako patto . ukkattho nama patto addhalhakodanam ganhati catubhagam khadaniyam 1- tadupiyam byanjanam . Majjhimo nama patto nalikodanam ganhati catubhagam khadaniyam tadupiyam byanjanam . omako nama patto patthodanam ganhati catubhagam khadaniyam tadupiyam byanjanam . tato ukkattho apatto omako apatto . sannicayam kareyyati anadhitthito avikappito . Nissaggiyo hoti 2- saha arunuggamana nissaggiyo hoti nissajjitabbo sanghassa va ganassa va ekabhikkhuniya va . evanca pana bhikkhave nissajjitabbo. [95] Taya bhikkhuniya sangham upasankamitva ekamsam uttarasangam karitva vuddhanam bhikkhuninam pade vanditva ukkutikam nisiditva anjalim paggahetva evamassa vacaniyo ayam me ayye patto rattatikkanto nissaggiyo imaham sanghassa nissajjamiti . @Footnote: 1 Ma. Yu. khadanam. 2 ito param sabbattha itisaddo dissati so atirekoti veditabbo @idisanam pathanam matikayam anagatatta.--------------------------------------------------------------------------------------------- page66.
Nissajjitva apatti desetabba . byattaya bhikkhuniya patibalaya apatti patiggahetabba. Nissatthapatto databbo {95.1} sunatu me ayye sangho ayam patto itthannamaya bhikkhuniya nissaggiyo sanghassa nissattho . yadi sanghassa pattakallam sangho imam pattam itthannamaya bhikkhuniya dadeyyati. [96] Taya bhikkhuniya sambahula bhikkhuniyo upasankamitva ekamsam uttarasangam karitva vuddhanam bhikkhuninam pade vanditva ukkutikam nisiditva anjalim paggahetva evamassu vacaniya ayam me ayyayo patto rattatikkanto nissaggiyo imaham ayyanam nissajjamiti . nissajjitva apatti desetabba . byattaya bhikkhuniya patibalaya apatti patiggahetabba . nissatthapatto databbo {96.1} sunantu me ayyayo ayam patto itthannamaya bhikkhuniya nissaggiyo ayyanam nissattho . yadi ayyanam pattakallam ayyayo imam pattam itthannamaya bhikkhuniya dadeyyunti. [97] Taya bhikkhuniya ekam bhikkhunim upasankamitva ekamsam uttarasangam karitva ukkutikam nisiditva anjalim paggahetva evamassa vacaniya ayam me ayye patto rattatikkanto nissaggiyo imaham ayyaya nissajjamiti . nissajjitva apatti desetabba . taya bhikkhuniya apatti patiggahetabba . nissatthapatto databbo imam pattam ayyaya dammiti.--------------------------------------------------------------------------------------------- page67.
[98] Rattatikkante atikkantasanna nissaggiyam pacittiyam . Rattatikkante vematika nissaggiyam pacittiyam . rattatikkante anatikkantasanna nissaggiyam pacittiyam . anadhitthite adhitthitasanna nissaggiyam pacittiyam . avikappite vikappitasanna nissaggiyam pacittiyam . avissajjite vissajjitasanna nissaggiyam pacittiyam . anatthe natthasanna ... avinatthe vinatthasanna ... Abhinne bhinnasanna ... avilutte viluttasanna nissaggiyam pacittiyam. [99] Nissaggiyam 1- pattam anissajjitva paribhunjati apatti dukkatassa . rattanatikkante 2- atikkantasanna apatti dukkatassa . rattanatikkante vematika apatti dukkatassa . Rattanatikkante anatikkantasanna anapatti. [100] Anapatti antoarunam 3- adhittheti vikappeti vissajjeti nassati vinassati bhijjati acchinditva ganhanti vissasam ganhanti ummattikaya adikammikayati. [101] Tena kho pana samayena chabbaggiya bhikkhuniyo nissatthapattam na denti . bhagavato etamattham arocesum . Na bhikkhave bhikkhuniya 4- nissatthapatto na databbo ya na dadeyya apatti dukkatassati. ------- @Footnote: 1 Ma. nissaggiya. 2 Ma. rattatikkante. 3 Ma. antoarune. @4 Po. Ma. Yu. ayam patho natthi.The Pali Tipitaka in Roman Character Volume 3 page 64-67. https://84000.org/tipitaka/read/roman_read.php?B=3&A=1254&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=1254&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=93&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=16 Study Atthakatha :- https://84000.org/tipitaka/attha/attha.php?b=3&i=93 The Pali Atthakatha in Thai :- https://84000.org/tipitaka/atthapali/read_th.php?B=2&A=11125 The Pali Atthakatha in Roman :- https://84000.org/tipitaka/atthapali/read_rm.php?B=2&A=11125 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]