PaliRoman Vol.3

Pattavaggassa atthamasikkhapadam [126] Tena samayena buddho bhagava savatthiyam viharati jetavane anathapindikassa arame . tena kho pana samayena annatarassa pugassa parivenavasika bhikkhuniyo yaguya kilamanti . athakho so pugo bhikkhuninam yaguatthaya chandakam sangharitva annatarassa apanikassa ghare parikkharam nikkhipitva bhikkhuniyo upasankamitva etadavoca amukassa ayye apanikassa ghare yaguatthaya parikkharo nikkhitto tato tandule ^1- aharapetva yagum pacapetva paribhunjathati . bhikkhuniyo tena parikkharena bhesajjam cetapetva paribhunjimsu . ^[2]- so pugo janitva ujjhayati khiyati vipaceti katham hi nama bhikkhuniyo annadatthikena parikkharena annuddisikena mahajanikena annam cetapessantiti . assosum kho bhikkhuniyo tassa upasakassa ujjhayantassa khiyantassa vipacentassa . ya ta bhikkhuniyo @Footnote: ¹ Ma. Yu. tandulam. ² Ma. Yu. etthantare atha khoti dissati. Appiccha .pe. ta ujjhayanti khiyanti vipacenti katham hi nama bhikkhuniyo annadatthikena parikkharena annuddisikena mahajanikena annam cetapessantiti .pe. saccam kira bhikkhave bhikkhuniyo annadatthikena parikkharena annuddisikena mahajanikena annam cetapentiti . saccam bhagavati . vigarahi buddho bhagava katham hi nama bhikkhave bhikkhuniyo annadatthikena parikkharena annuddisikena mahajanikena annam cetapessanti netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {126.1} ya pana bhikkhuni annadatthikena parikkharena annuddisikena mahajanikena annam cetapeyya nissaggiyam pacittiyanti. [127] Ya panati ya yadisa .pe. Bhikkhuniti .pe. Ayam imasmim atthe adhippeta bhikkhuniti . annadatthikena parikkharena annuddisikenati annassatthaya dinnena . mahajanikenati ganassatthaya ^[1]- na sanghassa na ekabhikkhuniya. Annam cetapeyyati yam atthaya dinnam tam thapetva annam cetapeti payoge dukkatam patilabhena nissaggiyam hoti nissajjitabbam sanghassa va ganassa va ekabhikkhuniya va . evanca pana bhikkhave nissajjitabbam .pe. idam me ayye annadatthikena parikkharena annuddisikena mahajanikena annam cetapitam nissaggiyam imaham sanghassa nissajjamiti .pe. Dadeyyati .pe. Dadeyyunti .pe. Ayyaya dammiti. @Footnote: ¹ Ma. Yu. ganassa. [128] Annadatthike annadatthikasanna annam cetapeti nissaggiyam pacittiyam . annadatthike vematika annam cetapeti nissaggiyam pacittiyam . annadatthike anannadatthikasanna annam cetapeti nissaggiyam pacittiyam . nissattham patilabhitva yathadane upanetabbam . anannadatthike annadatthikasanna apatti dukkatassa . anannadatthike vematika apatti dukkatassa . Anannadatthike anannadatthikasanna anapatti. [129] Anapatti sesakam upaneti samike apaloketva upaneti apadasu ummattikaya adikammikayati. ----------

The Pali Tipitaka in Roman Character Volume 3 page 82-84. https://84000.org/tipitaka/read/roman_read.php?B=3&A=1627&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=1627&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=126&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=23 Study Atthakatha :- https://84000.org/tipitaka/attha/attha.php?b=3&i=126 The Pali Atthakatha in Thai :- https://84000.org/tipitaka/atthapali/read_th.php?B=2&A=11190 The Pali Atthakatha in Roman :- https://84000.org/tipitaka/atthapali/read_rm.php?B=2&A=11190 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3