|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
Dutiyaparajikam [12] Tena samayena buddho bhagava savatthiyam viharati jetavane anathapindikassa arame . tena kho pana samayena sundarinanda bhikkhuni salhena migaranattuna gabbhini hoti . yava gabbho taruno ahosi tava chadesi . paripakke gabbhe vibbhamitva vijayi. Bhikkhuniyo thullanandam bhikkhunim etadavocum sundarinanda kho ayye aciravibbhanta vijata kacci no sa bhikkhuniyeva samana gabbhiniti. Evam ayyeti. Kissa pana tvam ayye janam parajikam dhammam ajjhapannam bhikkhunim neva attana paticodesi na ganassa arocesiti. {12.1} Yo etissa avanno mayheso avanno ya etissa akitti mayhesa akitti yo etissa ayaso mayheso ayaso yo etissa alabho mayheso alabho kyaham ayye attano avannam attano akittim attano ayasam attano alabham paresam arocessamiti. Ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda janam parajikam dhammam ajjhapannam bhikkhunim neva attana paticodessati na ganassa arocessatiti. Athakho ta bhikkhuniyo bhikkhunam etamattham arocesum . bhikkhu bhagavato etamattham arocesum . athakho bhagava etasmim nidane etasmim pakarane bhikkhusangham--------------------------------------------------------------------------------------------- page12.
Sannipatapetva dhammim katham katva bhikkhu patipucchi saccam kira bhikkhave thullananda bhikkhuni janam parajikam dhammam ajjhapannam bhikkhunim neva attana paticodeti 1- na ganassa arocetiti 2-. Saccam bhagavati. Vigarahi buddho bhagava katham hi nama bhikkhave thullananda bhikkhuni janam parajikam dhammam ajjhapannam bhikkhunim neva attana paticodessati na ganassa arocessati netam bhikkhave appasannanam va pasadaya pasannanam va bhiyyobhavaya athakhvetam 3- bhikkhave appasannananceva appasadaya pasannananca ekaccanam annathattayati .pe. Evanca pana bhikkhave bhikkhuniyo imam sikkhapadam uddisantu {12.2} ya pana bhikkhuni janam parajikam dhammam ajjhapannam bhikkhunim neva attana paticodeyya na ganassa aroceyya yada ca sa thita va assa cuta va nasita va avasata 4- va sa paccha evam vadeyya pubbe vaham ayye sannasim etam bhikkhunim evarupa ca evarupa ca sa bhaginiti no ca kho attana paticodessam na ganassa arocessanti ayampi parajika hoti asamvasa vajjapaticchadikati 5-. [13] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . janati nama samam va janati @Footnote: 1 Ma. Yu. paticodesi . 2 Ma. Yu. arocesiti . 3 Ma. athakho tam . 4 Ma. @avassata . 5 vajjappaticchadikati amhakam mati.--------------------------------------------------------------------------------------------- page13.
Anne va tassa arocenti sa va aroceti . Parajikam dhammam ajjhapannanti atthannam parajikanam annataram parajikam ajjhapannam . Neva attana paticodeyyati na sayam codeyya . na ganassa aroceyyati na annasam bhikkhuninam aroceyya. [14] Yada 1- ca sa thita va assati thita nama salinge thita vuccati . cuta nama kalakata 2- vuccati . nasita nama sayam va vibbhanta hoti annehi 3- va nasita . avasata nama titthayatanam sankanta vuccati. [15] Sa paccha evam vadeyya pubbe vaham ayye annasim etam bhikkhunim evarupa ca evarupa ca sa bhaginiti . no ca kho attana paticodessanti 4- na sayam codessam . na ganassa arocessanti 5- na annasam bhikkhuninam arocessam 6-. [16] Ayampiti purimayo upadaya vuccati . parajika hotiti seyyathapi nama pandupalaso bandhana pamutto abhabbo haritattaya evameva bhikkhuni janam parajikam dhammam ajjhapannam bhikkhunim neva attana paticodessami na ganassa arocessamiti dhuram nikkhittamatte assamani hoti asakyadhita tena vuccati @Footnote: 1 Ma. Yu. yada ca sa thita va assa cuta vati thita nama. 2 Ma. Yu. kalamkata. @3 annahiti amhakam khanti. 4 Ma. Yu. paticodeyyanti sayam va na codeyyam. @5 Ma. Yu. aroceyyanti. 6 Ma. Yu. aroceyyam.--------------------------------------------------------------------------------------------- page14.
Parajika hotiti . asamvasati samvaso nama ekakammam ekuddeso samasikkhata eso samvaso nama so taya saddhim natthi tena vuccati asamvasati. [17] Anapatti sanghassa bhandanam va kalaho va viggaho va vivado va bhavissatiti naroceti sanghabhedo va sangharaji va bhavissatiti naroceti ayam kakkhala pharusa jivitantarayam va brahmacariyantarayam va karissatiti naroceti anna patirupa bhikkhuniyo apassanti naroceti na chadetukama naroceti pannayissati sakena kammenati naroceti ummattikaya adikammikayati. Dutiyaparajikam nitthitam. --------The Pali Tipitaka in Roman Character Volume 3 page 11-14. https://84000.org/tipitaka/read/roman_read.php?B=3&A=188&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=188&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=12&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=2 Study Atthakatha :- https://84000.org/tipitaka/attha/attha.php?b=3&i=12 The Pali Atthakatha in Thai :- https://84000.org/tipitaka/atthapali/read_th.php?B=2&A=10773 The Pali Atthakatha in Roman :- https://84000.org/tipitaka/atthapali/read_rm.php?B=2&A=10773 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]