PaliRoman Vol.3

Andhakaravaggassa catutthasikkhapadam [194] Tena samayena buddho bhagava savatthiyam viharati jetavane anathapindikassa arame . tena kho pana samayena thullananda bhikkhuni rathiyayapi byuhepi singhatakepi purisena saddhim ekeneka santitthatipi sallapatipi nikannikampi jappeti dutiyikampi bhikkhunim uyyojeti . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda rathiyayapi byuhepi singhatakepi purisena saddhim ekeneka santitthissatipi sallapissatipi nikannikampi jappissati dutiyikampi bhikkhunim uyyojessatiti .pe. @Footnote: ¹ Ma. Yu. yo koci. ² dutiyo. Saccam kira bhikkhave thullananda bhikkhuni rathiyayapi byuhepi singhatakepi purisena saddhim ekeneka santitthatipi sallapatipi nikannikampi jappeti dutiyikampi bhikkhunim uyyojetiti . saccam bhagavati . vigarahi buddho bhagava katham hi nama bhikkhave thullananda bhikkhuni rathiyayapi byuhepi singhatakepi purisena saddhim ekeneka santitthissatipi sallapissatipi nikannikampi jappissati dutiyikampi bhikkhunim uyyojessati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {194.1} ya pana bhikkhuni rathiyaya va byuhe va singhatake va purisena saddhim ekeneka santittheyya va sallapeyya va nikannikam va jappeyya dutiyikam va bhikkhunim uyyojeyya pacittiyanti. [195] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . rathiya nama raccha vuccati . Byuham nama yeneva pavisanti teneva nikkhamanti . singhatako nama caccaram vuccati . puriso nama manussapuriso na yakkho na peto na tiracchanagato vinnu patibalo santitthitum sallapitum . saddhinti ekato . ekenekati puriso ceva hoti bhikkhuni ca. Santittheyya vati purisassa hatthapase titthati apatti pacittiyassa . Sallapeyya vati purisassa hatthapase thita sallapati apatti pacittiyassa . nikannikam va jappeyyati purisassa upakannake Aroceti apatti pacittiyassa . dutiyikam va bhikkhunim uyyojeyyati anacaram acaritukama dutiyikam ^1- bhikkhunim uyyojeti apatti dukkatassa . dassanupacaram va savanupacaram va vijahantiya apatti dukkatassa vijahite apatti pacittiyassa . hatthapasam vijahitva santitthati va sallapati va apatti dukkatassa . yakkhena va petena va pandakena va tiracchanagatamanussaviggahena va saddhim santitthati va sallapati va apatti dukkatassa. [196] Anapatti ya kaci ^2- vinnu dutiya ^3- hoti arahopekkha annavihita santitthati va sallapati va na anacaram acaritukama sati karaniye dutiyikam bhikkhunim uyyojeti ummattikaya adikammikayati. --------

The Pali Tipitaka in Roman Character Volume 3 page 116-118. https://84000.org/tipitaka/read/roman_read.php?B=3&A=2316&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=2316&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=194&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=42 Study Atthakatha :- https://84000.org/tipitaka/attha/attha.php?b=3&i=194 The Pali Atthakatha in Thai :- https://84000.org/tipitaka/atthapali/read_th.php?B=2&A=11407 The Pali Atthakatha in Roman :- https://84000.org/tipitaka/atthapali/read_rm.php?B=2&A=11407 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3