PaliRoman Vol.3

Naggavaggassa atthamasikkhapadam [246] Tena samayena buddho bhagava savatthiyam viharati jetavane anathapindikassa arame . tena kho pana samayena thullananda bhikkhuni natanampi natakanampi sanghikanampi ^1- sokajjhayikanampi kumbhathunikanampi samanacivaram deti mayham parisati vannam bhasathati . Natapi natakapi sanghikapi sokajjhayikapi kumbhathunikapi thullanandaya bhikkhuniya parisati vannam bhasanti ayya thullananda bahussuta @Footnote: ¹ Ma. Yu. langhikanam. sabbattha evameva dissati. Bhanika visarada pattha dhammim katham ^1- katum detha ayyaya karotha ayyayati . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda agarikassa samanacivaram dassatiti .pe. saccam kira bhikkhave thullananda bhikkhuni agarikassa samanacivaram detiti. Saccam bhagavati. {246.1} Vigarahi buddho bhagava katham hi nama bhikkhave thullananda bhikkhuni agarikassa samanacivaram dassati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {246.2} ya pana bhikkhuni agarikassa va paribbajakassa va paribbajikaya va samanacivaram dadeyya pacittiyanti. [247] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . agariko ^2- nama yo koci agaram ajjhavasati . paribbajako nama bhikkhunca samaneranca thapetva yo koci paribbajakasamapanno . paribbajika nama bhikkhuninca sikkhamananca samanerinca thapetva ya kaci paribbajikasamapanna . samanacivaram nama kappakatam vuccati . Deti apatti pacittiyassa. [248] Anapatti matapitunam deti tavakalikam deti ummattikaya adikammikayati. @Footnote: ¹ dhammakathantipi patho. ² Ma. Yu. agariko.

The Pali Tipitaka in Roman Character Volume 3 page 141-142. https://84000.org/tipitaka/read/roman_read.php?B=3&A=2836&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=2836&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=246&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=56 Study Atthakatha :- https://84000.org/tipitaka/attha/attha.php?b=3&i=246 The Pali Atthakatha in Thai :- https://84000.org/tipitaka/atthapali/read_th.php?B=2&A=11509 The Pali Atthakatha in Roman :- https://84000.org/tipitaka/atthapali/read_rm.php?B=2&A=11509 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3