PaliRoman Vol.3

Tuvattavaggassa dutiyasikkhapadam [261] Tena samayena buddho bhagava savatthiyam viharati jetavane anathapindikassa arame . tena kho pana samayena bhikkhuniyo dve ekattharanapapurana ^1- tuvattenti . manussa viharacarikam ahindanta passitva ujjhayanti khiyanti vipacenti katham hi nama bhikkhuniyo dve ekattharanapapurana tuvattessanti seyyathapi gihiniyo kamabhoginiyoti . assosum kho bhikkhuniyo tesam manussanam ujjhayantanam khiyantanam vipacentanam . ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuniyo dve ekattharanapapurana tuvattessantiti .pe. saccam kira bhikkhave bhikkhuniyo dve ekattharanapapurana tuvattentiti . @Footnote: ¹ Ma. Yu. ekattharanapavurana. Saccam bhagavati . vigarahi buddho bhagava katham hi nama bhikkhave bhikkhuniyo dve ekattharanapapurana tuvattessanti netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {261.1} ya pana bhikkhuniyo dve ekattharanapapurana tuvatteyyum pacittiyanti. [262] Ya panati ya yadisa .pe. Bhikkhuniyoti upasampannayo vuccanti . dve ekattharanapapurana tuvatteyyunti tanneva attharitva tanneva parupanti apatti pacittiyassa. [263] Ekattharanapapurane ekattharanapapuranasanna tuvattenti apatti pacittiyassa . ekattharanapapurane vematika tuvattenti apatti pacittiyassa . ekattharanapapurane nanattharanapapuranasanna tuvattenti apatti pacittiyassa. {263.1} Ekattharane nanapapurane ^1- apatti dukkatassa. Nanattharane ekapapurane ^2- apatti dukkatassa . Nanattharanapapurane ekattharanapapuranasanna apatti dukkatassa . nanattharanapapurane vematika apatti dukkatassa . nanattharanapapurane nanattharanapapurana- sanna anapatti. [264] Anapatti vatthanam ^3- dassetva nipajjanti ummattikanam adikammikananti. @Footnote: ¹ Ma. Yu. nanapavuranasanna. ² Ma. ekapavuranasanna. Yu. @ekattharanapavuranasanna. ³ Yu. vavatthanam.

The Pali Tipitaka in Roman Character Volume 3 page 148-149. https://84000.org/tipitaka/read/roman_read.php?B=3&A=2974&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=2974&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=261&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=60 Study Atthakatha :- https://84000.org/tipitaka/attha/attha.php?b=3&i=261 The Pali Atthakatha in Thai :- https://84000.org/tipitaka/atthapali/read_th.php?B=2&A=11540 The Pali Atthakatha in Roman :- https://84000.org/tipitaka/atthapali/read_rm.php?B=2&A=11540 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3