PaliRoman Vol.3

Tuvattavaggassa chatthasikkhapadam [276] Tena samayena buddho bhagava savatthiyam viharati jetavane anathapindikassa arame . tena kho pana samayena candakali bhikkhuni samsattha viharati gahapatinapi gahapatiputtenapi . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya candakali samsattha viharissati gahapatinapi gahapatiputtenapiti .pe. saccam kira bhikkhave candakali bhikkhuni samsattha viharati gahapatinapi gahapatiputtenapiti . saccam bhagavati . Vigarahi buddho bhagava katham hi nama bhikkhave candakali bhikkhuni samsattha viharissati gahapatinapi gahapatiputtenapi netam bhikkhave Appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {276.1} ya pana bhikkhuni samsattha vihareyya gahapatina va gahapatiputtena va . sa bhikkhuni bhikkhunihi evamassa vacaniya mayye samsattha vihari gahapatinapi gahapatiputtenapi viviccahayye ^1- vivekanneva bhaginiya sangho vannetiti . evanca ^[2]- sa bhikkhuni bhikkhunihi vuccamana tatheva pagganheyya sa bhikkhuni bhikkhunihi yavatatiyam samanubhasitabba tassa patinissaggaya . Yavatatiyance samanubhasiyamana tam patinissajjeyya iccetam kusalam no ce patinissajjeyya pacittiyanti. [277] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . samsattha nama ananulomikena kayikavacasikena samsattha . gahapati nama yo koci agaram ajjhavasati. Gahapatiputto nama yo koci puttabhataro. [278] Sa bhikkhuniti ya sa samsattha bhikkhuni . bhikkhunihiti annahi bhikkhunihi ya passanti ya sunanti tahi vattabba mayye samsattha vihari gahapatinapi gahapatiputtenapi viviccahayye vivekanneva bhaginiya sangho vannetiti . dutiyampi vattabba tatiyampi vattabba . sace patinissajjati iccetam kusalam no ce patinissajjati apatti dukkatassa . sutva na vadanti apatti dukkatassa . sa bhikkhuni sanghamajjhampi akaddhitva vattabba @Footnote: ¹ Ma. Yu. viviccayye. sabbattha evameva dissati. ² Ma. Yu. etthantare @panasaddo dissati. Mayye samsattha vihari gahapatinapi gahapatiputtenapi viviccahayye vivekanneva bhaginiya sangho vannetiti . dutiyampi vattabba tatiyampi vattabba . sace patinissajjati iccetam kusalam no ce patinissajjati apatti dukkatassa. [279] Sa bhikkhuni samanubhasitabba . evanca pana bhikkhave samanubhasitabba. Byattaya bhikkhuniya patibalaya sangho napetabbo {279.1} sunatu me ayye sangho ayam itthannama bhikkhuni samsattha viharati gahapatinapi gahapatiputtenapi . sa tam vatthum nappatinissajjati . Yadi sanghassa pattakallam sangho itthannamam bhikkhunim samanubhaseyya tassa vatthussa patinissaggaya. Esa natti. {279.2} Sunatu me ayye sangho ayam itthannama bhikkhuni samsattha viharati gahapatinapi gahapatiputtenapi . sa tam vatthum nappatinissajjati . Sangho itthannamam bhikkhunim samanubhasati tassa vatthussa patinissaggaya . Yassa ayyaya khamati itthannamaya bhikkhuniya samanubhasana tassa vatthussa patinissaggaya sa tunhassa yassa nakkhamati sa bhaseyya. {279.3} Dutiyampi etamattham vadami .pe. tatiyampi etamattham vadami .pe. samanubhattha sanghena itthannama bhikkhuni tassa vatthussa patinissaggaya. Khamati sanghassa tasma tunhi. Evametam dharayamiti. [280] Nattiya dukkatam dvihi kammavacahi dukkata kammavacapariyosane apatti pacittiyassa. [281] Dhammakamme dhammakammasanna nappatinissajjati apatti pacittiyassa . dhammakamme vematika nappatinissajjati apatti pacittiyassa . dhammakamme adhammakammasanna nappatinissajjati apatti pacittiyassa . adhammakamme dhammakammasanna apatti dukkatassa . adhammakamme vematika apatti dukkatassa . Adhammakamme adhammakammasanna apatti dukkatassa. [282] Anapatti asamanubhasantiya patinissajjantiya ummattikaya adikammikayati. --------

The Pali Tipitaka in Roman Character Volume 3 page 156-159. https://84000.org/tipitaka/read/roman_read.php?B=3&A=3140&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=3140&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=276&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=64 Study Atthakatha :- https://84000.org/tipitaka/attha/attha.php?b=3&i=276 The Pali Atthakatha in Thai :- https://84000.org/tipitaka/atthapali/read_th.php?B=2&A=11572 The Pali Atthakatha in Roman :- https://84000.org/tipitaka/atthapali/read_rm.php?B=2&A=11572 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3