PaliRoman Vol.3

Cittagaravaggassa pancamasikkhapadam [307] Tena samayena buddho bhagava savatthiyam viharati jetavane anathapindikassa arame . tena kho pana samayena annatara bhikkhuni thullanandam bhikkhunim upasankamitva etadavoca ehayye imam adhikaranam vupasamehiti . thullananda bhikkhuni sadhuti patissunitva neva vupasameti na vupasamaya ussukkam karoti . athakho sa bhikkhuni bhikkhuninam etamattham arocesi . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda bhikkhuniyo ehayye imam adhikaranam vupasamehiti vuccamana sadhuti patissunitva neva vupasamessati na vupasamaya ussukkam karissatiti .pe. saccam kira bhikkhave thullananda bhikkhuni bhikkhuniya ehayye imam adhikaranam vupasamehiti vuccamana sadhuti patissunitva Neva vupasameti na vupasamaya ussukkam karotiti. Saccam bhagavati. {307.1} Vigarahi buddho bhagava katham hi nama bhikkhave thullananda bhikkhuni bhikkhuniya ehayye imam adhikaranam vupasamehiti vuccamana sadhuti patissunitva neva vupasamessati na vupasamaya ussukkam karissati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {307.2} ya pana bhikkhuni bhikkhuniya ehayye imam adhikaranam vupasamehiti vuccamana sadhuti patissunitva sa paccha anantarayikini neva vupasameyya na vupasamaya ussukkam kareyya pacittiyanti. [308] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . bhikkhuniyati annaya bhikkhuniya. Adhikaranam nama cattari adhikaranani vivadadhikaranam anuvadadhikaranam apattadhikaranam kiccadhikaranam . ehayye imam adhikaranam vupasamehiti ehayye imam adhikaranam vinicchehi . sa paccha anantarayikiniti asati antaraye . neva vupasameyyati na sayam vupasameyya . na vupasamaya ussukkam kareyyati na annam anapeyya . neva vupasamessami na vupasamaya ussukkam karissamiti dhuram nikkhittamatte apatti pacittiyassa. [309] Upasampannaya upasampannasanna adhikaranam neva vupasameti na vupasamaya ussukkam karoti apatti pacittiyassa . upasampannaya Sampannaya vematika adhikaranam neva vupasameti na vupasamaya ussukkam karoti apatti pacittiyassa . upasampannaya anupasampannasanna adhikaranam neva vupasameti na vupasamaya ussukkam karoti apatti pacittiyassa . anupasampannaya adhikaranam neva vupasameti na vupasamaya ussukkam karoti apatti dukkatassa . anupasampannaya upasampannasanna apatti dukkatassa . anupasampannaya vematika apatti dukkatassa . anupasampannaya anupasampannasanna apatti dukkatassa. [310] Anapatti sati antaraye pariyesitva na labhati gilanaya apadasu ummattikaya adikammikayati. ---------

The Pali Tipitaka in Roman Character Volume 3 page 169-171. https://84000.org/tipitaka/read/roman_read.php?B=3&A=3405&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=3405&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=307&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=73 Study Atthakatha :- https://84000.org/tipitaka/attha/attha.php?b=3&i=307 The Pali Atthakatha in Thai :- https://84000.org/tipitaka/atthapali/read_th.php?B=2&A=11631 The Pali Atthakatha in Roman :- https://84000.org/tipitaka/atthapali/read_rm.php?B=2&A=11631 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3