|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
Cittagaravaggassa atthamasikkhapadam [318] Tena samayena buddho bhagava savatthiyam viharati jetavane anathapindikassa arame . tena kho pana samayena thullananda bhikkhuni avasatham anissajjitva carikam pakkami . tena kho pana samayena thullanandaya bhikkhuniya avasatho dayhati . bhikkhuniyo evamahamsu handayye bhandakam niharamati . ekacca evamahamsu na mayam ayye niharissama yankinci nattham sabbam amhe abhiyunjissatiti . Thullananda bhikkhuni punadeva tam avasatham paccagantva bhikkhuniyo pucchi apayye bhandakam niharitthati . na mayam ayye--------------------------------------------------------------------------------------------- page175.
Niharimhati . thullananda bhikkhuni ujjhayati khiyati vipaceti katham hi nama bhikkhuniyo avasathe dayhamane bhandakam na niharissantiti. {318.1} Ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda avasatham anissajjitva carikam pakkamissatiti .pe. saccam kira bhikkhave thullananda bhikkhuni avasatham anissajjitva carikam pakkamatiti 1-. Saccam bhagavati. {318.2} Vigarahi buddho bhagava katham hi nama bhikkhave thullananda bhikkhuni avasatham anissajjitva carikam pakkamissati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {318.3} ya pana bhikkhuni avasatham anissajjitva carikam pakkameyya pacittiyanti. [319] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . avasatho nama kavatabaddho vuccati . anissajjitva carikam pakkameyyati bhikkhuniya va sikkhamanaya va samaneriya va anissajjitva parikkhittassa avasathassa parikkhepam atikkamantiya 2- apatti pacittiyassa . aparikkhittassa avasathassa upacaram atikkamantiya apatti pacittiyassa. [320] Anissajjite anissajjitasanna pakkamati apatti pacittiyassa anissajjite vematika pakkamati apatti pacittiyassa . @Footnote: 1 Ma. Yu. pakkameti . 2 atikkamentiya evam sabbattha natabbam.--------------------------------------------------------------------------------------------- page176.
Anissajjite nissajjitasanna pakkamati apatti pacittiyassa . Akavatabaddham anissajjitva pakkamati apatti dukkatassa . Nissajjite anissajjitasanna apatti dukkatassa . nissajjite vematika apatti dukkatassa . nissajjite nissajjitasanna anapatti. [321] Anapatti nissajjitva pakkamati sati antaraye pariyesitva na labhati gilanaya apadasu ummattikaya adikammikayati. --------The Pali Tipitaka in Roman Character Volume 3 page 174-176. https://84000.org/tipitaka/read/roman_read.php?B=3&A=3510&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=3510&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=318&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=76 Study Atthakatha :- https://84000.org/tipitaka/attha/attha.php?b=3&i=318 The Pali Atthakatha in Thai :- https://84000.org/tipitaka/atthapali/read_th.php?B=2&A=11650 The Pali Atthakatha in Roman :- https://84000.org/tipitaka/atthapali/read_rm.php?B=2&A=11650 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]