PaliRoman Vol.3

Gabbhinivaggassa pathamasikkhapadam [364] Tena samayena buddho bhagava savatthiyam viharati jetavane anathapindikassa arame . tena kho pana samayena bhikkhuniyo gabbhinim vutthapenti . sa pindaya carati . manussa evamahamsu dethayyaya bhikkham garugabbha ^5- ayyati . manussa ujjhayanti khiyanti vipacenti katham hi nama bhikkhuniyo gabbhinim vutthapessantiti . Assosum kho bhikkhuniyo tesam manussanam ujjhayantanam khiyantanam vipacentanam . ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuniyo gabbhinim @Footnote: ¹ Ma. dhovite. ² Ma. Yu. litte. ³ Ma. bandhahi. ⁴ Ma. Yu. yo koci vinnu @dutiyo. ⁵ Ma. Yu. garubhara. Vutthapessantiti .pe. saccam kira bhikkhave bhikkhuniyo gabbhinim vutthapentiti . saccam bhagavati . vigarahi buddho bhagava katham hi nama bhikkhave bhikkhuniyo gabbhinim vutthapessanti netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {364.1} ya pana bhikkhuni gabbhinim vutthapeyya pacittiyanti. [365] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . gabbhini nama apannasatta vuccati . vutthapeyyati upasampadeyya . vutthapessamiti ganam va acarinim va pattam va civaram va pariyesati simam va sammannati apatti dukkatassa nattiya dukkatam dvihi kammavacahi dukkata kammavaca- pariyosane upajjhayaya apatti pacittiyassa ganassa ca acariniya ca apatti dukkatassa. [366] Gabbhiniya gabbhinisanna vutthapeti apatti pacittiyassa . gabbhiniya vematika vutthapeti apatti dukkatassa . Gabbhiniya agabbhinisanna vutthapeti anapatti . agabbhiniya gabbhinisanna apatti dukkatassa . agabbhiniya vematika apatti dukkatassa. Agabbhiniya agabbhinisanna anapatti. [367] Anapatti gabbhinim agabbhinisanna vutthapeti agabbhinim agabbhinisanna vutthapeti ummattikaya adikammikayati. ----------

The Pali Tipitaka in Roman Character Volume 3 page 196-197. https://84000.org/tipitaka/read/roman_read.php?B=3&A=3965&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=3965&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=364&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=89 Study Atthakatha :- https://84000.org/tipitaka/attha/attha.php?b=3&i=364 The Pali Atthakatha in Thai :- https://84000.org/tipitaka/atthapali/read_th.php?B=2&A=11739 The Pali Atthakatha in Roman :- https://84000.org/tipitaka/atthapali/read_rm.php?B=2&A=11739 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3