PaliRoman Vol.3

Kumaribhutavaggassa ekadasamasikkhapadam [435] Tena samayena buddho bhagava rajagahe viharati veluvane kalandakanivape . tena kho pana samayena thullananda bhikkhuni Sikkhamanam vutthapessamiti there bhikkhu sannipatetva pahutam khadaniyam bhojaniyam passitva na tavaham ayya sikkhamanam vutthapessamiti there bhikkhu uyyojetva devadattam kokalikam katamorakatissakam khandadeviya puttam samuddadattam sannipatetva sikkhamanam vutthapeti ^1- . Ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda parivasikacchandadanena sikkhamanam vutthapessatiti .pe. saccam kira bhikkhave thullananda bhikkhuni parivasikacchandadanena sikkhamanam vutthapetiti. Saccam bhagavati. {435.1} Vigarahi buddho bhagava katham hi nama bhikkhave thullananda bhikkhuni parivasikacchandadanena sikkhamanam vutthapessati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {435.2} ya pana bhikkhuni parivasikacchandadanena sikkhamanam vutthapeyya pacittiyanti. [436] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . parivasikacchandadanenati vutthitaya parisaya . sikkhamana nama dve vassani chasu dhammesu sikkhitasikkha . vutthapeyyati upasampadeyya . vutthapessamiti ganam va acarinim va pattam va civaram va pariyesati simam va sammannati apatti dukkatassa . nattiya dukkatam dvihi kammavacahi dukkata kammavacapariyosane upajjhayaya apatti @Footnote: ¹ Ma. Yu. vutthapesi. sabbattha evameva dissati. Pacittiyassa ganassa ca acariniya ca apatti dukkatassa. [437] Anapatti avutthitaya parisaya vutthapeti ummattikaya adikammikayati. --------

The Pali Tipitaka in Roman Character Volume 3 page 238-240. https://84000.org/tipitaka/read/roman_read.php?B=3&A=4834&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=4834&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=435&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=109 Study Atthakatha :- https://84000.org/tipitaka/attha/attha.php?b=3&i=435 The Pali Atthakatha in Thai :- https://84000.org/tipitaka/atthapali/read_th.php?B=2&A=11846 The Pali Atthakatha in Roman :- https://84000.org/tipitaka/atthapali/read_rm.php?B=2&A=11846 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3