บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Chattupahanavaggassa tatiyasikkhapadam [454] Tena samayena buddho bhagava savatthiyam viharati jetavane anathapindikassa arame . tena kho pana samayena annatara bhikkhuni annatarissa itthiya kulupika hoti . athakho sa itthi tam bhikkhunim etadavoca handayye imam sanghanim amukaya nama itthiya dehiti . athakho sa bhikkhuni sacaham pattena adaya gacchami vissaro me bhavissatiti patimuncitva agamasi . tassa rathiyaya suttake chinne vippakiriyimsu . manussa ujjhayanti khiyanti vipacenti katham hi nama bhikkhuniyo sanghanim dharessanti seyyathapi gihiniyo kamabhoginiyoti. {454.1} Assosum kho bhikkhuniyo tesam manussanam ujjhayantanam khiyantanam vipacentanam . ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuni sanghanim dharessatiti .pe. saccam kira bhikkhave Bhikkhuni sanghanim dharetiti 1- . saccam bhagavati . vigarahi buddho bhagava katham hi nama bhikkhave bhikkhuni sanghanim dharessati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {454.2} ya pana bhikkhuni sanghanim dhareyya pacittiyanti. [455] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . sanghani nama ya kaci katupaga. Dhareyyati sakimpi dhareti apatti pacittiyassa. [456] Anapatti abadhappaccaya katisuttakam dhareti ummattikaya adikammikayati. -------The Pali Tipitaka in Roman Character Volume 3 page 246-247. https://84000.org/tipitaka/read/roman_read.php?B=3&A=4990&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=4990&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=454&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=114 Study Atthakatha :- https://84000.org/tipitaka/attha/attha.php?b=3&i=454 The Pali Atthakatha in Thai :- https://84000.org/tipitaka/atthapali/read_th.php?B=2&A=11895 The Pali Atthakatha in Roman :- https://84000.org/tipitaka/atthapali/read_rm.php?B=2&A=11895 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]