PaliRoman Vol.3

[489] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhuniyo telam vinnapetva bhunjanti . sankhepo . madhum vinnapetva bhunjanti . phanitam vinnapetva bhunjanti . maccham vinnapetva bhunjanti . mamsam vinnapetva bhunjanti . khiram vinnapetva bhunjanti ^1- . dadhim vinnapetva bhunjanti . Manussa ujjhayanti khiyanti vipacenti katham hi nama bhikkhuniyo dadhim vinnapetva bhunjissanti kassa sampannam na manapam kassa @Footnote: ¹ pivantiti pathena bhavitabbam. Sadum na ruccatiti . assosum kho bhikkhuniyo tesam manussanam ujjhayantanam khiyantanam vipacentanam . ya ta bhikkhuniyo appiccha .pe. ta ujjhayanti khiyanti vipacenti katham hi nama chabbaggiya bhikkhuniyo dadhim vinnapetva bhunjissantiti .pe. saccam kira bhikkhave chabbaggiya bhikkhuniyo dadhim vinnapetva bhunjantiti . Saccam bhagavati. {489.1} Vigarahi buddho bhagava katham hi nama bhikkhave chabbaggiya bhikkhuniyo dadhim vinnapetva bhunjissanti netam bhikkhave appasannanam va pasadaya .pe. Evanca pana bhikkhave bhikkhuniyo imam sikkhapadam uddisantu {489.2} ya pana bhikkhuni dadhim vinnapetva bhunjeyya patidesetabbam taya bhikkhuniya garayham ayye dhammam apajjim asappayam patidesaniyam tam patidesemiti. {489.3} Evancidam bhagavata bhikkhuninam sikkhapadam pannattam hoti. [490] Tena kho pana samayena bhikkhuniyo gilana honti . Gilanapucchika bhikkhuniyo gilana bhikkhuniyo etadavocum kacci ayye khamaniyam kacci yapaniyanti . pubbe mayam ayye dadhim vinnapetva bhunjama ^1- tena no phasu hoti idani pana bhagavata patikkhittanti kukkuccayanta na vinnapema tena no na phasu hotiti . Bhagavato etamattham arocesum .pe. anujanami bhikkhave gilanaya bhikkhuniya dadhim vinnapetva bhunjitum . evanca pana bhikkhave bhikkhuniyo imam sikkhapadam uddisantu ya pana bhikkhuni agilana @Footnote: ¹ Ma. bhunjimha. Dadhim vinnapetva bhunjeyya patidesetabbam taya bhikkhuniya garayham ayye dhammam apajjim asappayam patidesaniyam tam patidesemiti. [491] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . agilana nama yassa vina dadhina phasu hoti . gilana nama yassa vina dadhina na phasu hoti . telam nama tilatelam sasapatelam madhukatelam erandatelam ^1- vasatelam . madhu nama makkhikamadhu . phanitam nama ucchumha nibbattam . maccho nama odako vuccati . mamsam nama yesam mamsam kappati tesam mamsam . khiram nama gokhiram va ajikakhiram va mahisakhiram va ^2- yesam mamsam kappati tesam khiram . dadhi nama tesanneva dadhi . agilana attano atthaya vinnapeti payoge dukkatam patilabhena bhunjissamiti patigganhati apatti dukkatassa . ajjhohare ajjhohare apatti patidesaniyassa. [492] Agilana agilanasanna dadhim vinnapetva bhunjati apatti patidesaniyassa . agilana vematika dadhim vinnapetva bhunjati apatti patidesaniyassa . agilana gilanasanna dadhim vinnapetva bhunjati apatti patidesaniyassa . gilana agilanasanna apatti dukkatassa . gilana vematika apatti dukkatassa. Gilana gilanasanna anapatti. @Footnote: ¹ Ma. Yu. erandakatelam. ² Yu. mahisam va khiram. Ma. mahimsam va khiram. [493] Anapatti gilanaya gilana hutva vinnapetva agilana bhunjati gilanaya sesakam bhunjati natakanam pavaritanam annassatthaya attano dhanena ummattikaya adikammikayati.

The Pali Tipitaka in Roman Character Volume 3 page 260-263. https://84000.org/tipitaka/read/roman_read.php?B=3&A=5281&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=5281&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=489&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=125 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3